மாணவர் முரசு
இ-பேப்பர்
காலஞ்சென்ற நடிகை ஸ்ரீதேவியின் மகள் ஜான்வி கபூர். இவர் விஜய் சேதுபதி நடித்த ‘நானும் ரவுடிதான்’ என்ற படத்தை நூறு முறை பார்த்ததாகக் கூறியுள்ளார்.
தமிழ் சினிமாவின் சிறு சிறு வேடங்களில் நடித்து இன்று முன்னணி நடிகர்களில் ஒருவராக வலம் வருபவர் நடிகர் விஜய் சேதுபதி. தமிழ் சினிமா மட்டுமன்றி தெலுங்கு, மலையாளம், இந்தி படங்களிலும் நடித்து வருகிறார். இவர் ஏராளமான விருது
களையும் பெற்றுள்ளார்.
தற்பொழுது வெற்றிமாறன் இயக்கத்தில் ‘விடுதலை’ படத்தில் நடித்து வருகிறார். மேலும் ‘காந்தி டாக்ஸ்’ என்ற படத்திலும் நடித்து வருகிறார் விஜய் சேதுபதி.
இந்நிலையில் பிரபல பாலிவுட் நடிகையான ஜான்வி கபூர் நடிகர் விஜய் சேதுபதியுடன் நடிக்க விருப்பம் தெரிவித்துள்ளார்.
மறைந்த நடிகை ஸ்ரீதேவி, பிரபல தயாரிப்பாளரான போனி கபூரின் மூத்த மகள் ஜான்வி கபூர்.
அண்மையில் ஊடகம் ஒன்றுக்குப் பேட்டியளிக்கும்போது, “விஜய் சேதுபதி நடித்த ‘நானும் ரவுடிதான்’ படத்தை 100 முறை பார்த்திருக்கிறேன்.
“மேலும் 100வது முறை அந்தப் படத்தை பார்த்தபோது விஜய் சேதுபதியை தொலைபேசியில் தொடர்புகொண்டு, அவரிடம் உங்களின் பெரிய ரசிகை நான். ஏதாவது ஒரு படத்தில் உங்களுடன் நடிக்க வேண்டும் என்று வேண்டுகோள் விடுத்தேன்.
“உங்களுடன் நடிக்க வாய்ப்புக் கிடைத்தால் உடனே வந்து கலந்துகொள்வேன் என்று சொன்னேன்.
“அதைக் கேட்ட விஜய் சேதுபதி சிரித்துக்கொண்டே கட்டாயம் நடிக்கலாம்,” என்று கூறியதாக கூறினார்.
2018ஆம் ஆண்டு பாலிவுட் சினிமாவில் நடிகையாக அறிமுகமான ஜான்வி தற்போது பாலிவுட் சினிமாவின் முன்னணி நடிகையாக வலம் வருகிறார்.
‘கோலமாவு கோகிலா’ படத்தின் இந்தி மறுபதிப்பில் நயன்தாரா நடித்த வேடத்தில் இவர் நடிக்கிறார்.
