பிரசவத்துக்கு உதவிய ஆட்டோ ஓட்டுநர்; அபராதம் விதித்தது போலிஸ்

கோப்புப்படம்: இணையம்

13 Jul 2020 05:45 | மாற்றம் செய்யப்பட்ட நாள் / நேரம்: 13 Jul 2020 10:52

மதுரை: மதுரையில் கர்ப்பிணிப் பெண் ஒருவருக்கு பிரசவ வலி ஏற்பட்டதால் அவரை தன் ஆட்டோவில் ஏற்றி மருத்துவ மனைக்கு இலவசமாக அழைத்து சென்றுள்ளார் ராமகிருஷ்ணன் என்பவர். ஊரடங்கு விதிகளை மீறி ஆட்டோவை இயக்கியதாக ராமகிருஷ்ணனுக்கு போலிசார் 500 ரூபாய் அபராதம் விதித்து உள்ளனர். இதனால் மனம் வருந்திய ஆட்டோ ஓட்டுனர் ராமகிருஷ்ணன் தனது நிலையை விளக்கி சமூக வலைத்தளங்களில் காணொளி ஒன்றை வெளியிட்டுள்ளார். இந்த காணொளி மதுரை மாநகர ஆணையர் பிரேம் ஆனந்தின் பார்வைக்குச் சென்ற நிலையில் ஆபத்து நேரத்தில் உதவ முன்வந்த ஓட்டுநரைப் பாராட்டிய அவர், அபராதத் தொகையை நீக்க உத்தரவிட்டுள்ளார்.