சிங்கப்பூருக்கும் மலேசியாவுக் கும் இடையிலான ஆகாயவெளி மற்றும் கடல் எல்லை சர்ச்சை களுக்கு விரைவில் நல்ல தீர்வு காணப்பட்டு இரு நாட்டு உறவு வழக்க நிலைக்குத் திரும்ப வேண்டும் என்று ஜோகூர் மாநில பட்டத்து இளவரசர் துங்கு இஸ் மாயில் இப்ராஹிம் தெரிவித்துள் ளார். “இரு நாடுகளும் தற்போது நிலவும் சர்ச்சைகளுக்கு இரு தரப்பும் நன்மை அடையும் வகையில் தீர்வுகள் காணப்பட வேண்டும். தேவையில்லாத விவகாரங்களில் இரு நாடுகளும் சிக்கிக்கொள்ளக் கூடாது,” என்று தமது விருப்பத்தை 34 வயது துங்கு இஸ்மாயில் தமது ஃபேஸ்புக் பக்கத்தில் நேற்று முன்தினம் பதிவு செய்தார்.

ஜகார்த்தா: பருவநிலை மாற்றம் இருப்பினும் அடுத்த ஆண்டில் பெரும்பாலும் புகை மூட்டப் பாதிப்பு இருக்காது என்று இந்தோனீசிய அதிகாரி ஒருவர் கூறியுள்ளார். பருவநிலை மாற்றம் காரணமாக அடுத்த ஆண்டு இந்த வட்டாரத்தில் வழக்கத்திற்கு மாறான பருவநிலை இருந்தாலும் அப்பிரச்சினையை இந்தோனீசியா திறமையாகக் கையாளும் என்பதால் புகை மூட்டப் பாதிப்பு இருக்காது என்று தாங்கள் நம்பிக்கை கொண்டுள்ளதாக இந்தோனீசிய உயர் அதிகாரி நாஸிர் கூறியுள்ளார். இந்தோனீசியாவில் சில இடங்களில் காட்டுத் தீ பரவினாலும் தீயை அணைக்க விரைவாக நடவடிக்கை எடுக்கப்படும் என்று அவர் சொன்னார்.

லண்டன்: ஐரோப்பிய ஒன்றியத் திலிருந்து பிரிட்டன் வெளி யேறுவது தொடர்பில் ஏற்கெனவே காணப்பட்ட உடன்பாட்டில் இனி எந்த மாற்றமும் இருக்காது என்றும் புதிதாக சலுகைகள் எதுவும் வழங்கப்படாது என்றும் ஐரோப்பிய ஒன்றியத்தின் தலைவர்கள் தெரிவித்துள்ளனர். பிரிட்டிஷ் நாடாளுமன்றத்தில் அந்த உடன்பாடு ஏற்றுக்கொள்ளப் படுவதற்கு உதவும் வகையில் அயர்லாந்து பிரச்சினைக்குத் தீர்வு காண ஐரோப்பிய ஒன்றியம் சட்ட ரீதியில் சில உத்தரவாதங்களை அளிக்க வேண்டும் என்று பிரிட்டிஷ் பிரதமர் தெரேசா மே கேட்டுக்கொண்டிருந்த வேளையில் ஐரோப்பிய ஒன்றியத் தலைவர்கள் இவ்வாறு கூறியுள்ளனர்.

பாரிஸ்: பிரான்சில் கிறிஸ்மஸ் சந்தையில் கூடியிருந்த மக்கள் மீது சரமாரியாக துப்பாக்கிச் சூடு நடத்தியவனை போலிசார் சுட்டுக் கொன்றதாக பிரெஞ்சு உள்துறை அமைச்சர் தெரி வித்துள்ளார். கிறிஸ்மஸ் சந்தையில் தாக்குதல் நடத்திய 29 வயது செரிஃப் செக்காட் என்ற இளைஞனை ஸ்ட்ராஸ்பர்க் பகுதியில் பார்த்த மூன்று போலிஸ் அதிகாரிகள் அவனை தடுத்து நிறுத்த முயன்றபோது அவன் போலிசாரை நோக்கி துப்பாக்கியால் சுட்டதாகவும் அதன் பின்னர் போலிசார் துப்பாக்கிச்சூடு நடத்தியதில் அவன் கொல்லப்பட்டதாகவும் உள்துறை அமைச்சர் காஸ்டனர் கூறினார்.

வா‌ஷிங்டன்: குவாட்டமாலாவைச் சேர்ந்த 7 வயதுச் சிறுமி தன் தந்தையுடன் சட்டவிரோதமாக அமெரிக்க-மெக்சிகோ எல்லையைக் கடந்தபோது இருவரும் பிடிபட்டனர். அதனைத் தொடர்ந்து காவலில் வைக்கப்பட்ட அச்சிறுமி சில மணி நேரங்களில் மரணம் அடைந்ததாக வா‌ஷிங்டன் போஸ்ட் செய்தி வெளியிட்டுள்ளது. அந்தச் சிறுமி பல நாட்களாக சாப்பிடாமல் இருந்ததாலும் தண்ணீர் குடிக்காமல் இருந்ததாலும் கடுமையான உடல் வறட்சியால் பாதிக்கப்பட்டிருந்ததன் காரணமாக சிறுமி மரணம் அடைந்ததாகதாக எல்லைக் காவல் அதிகாரிகள் கூறியதாக அந்த செய்தி நிறுவனம் தெரிவித்தது.

வா‌ஷிங்டன்: மியன்மாரில் ஆயிரக்கணக்கான ரோஹிங்யா முஸ்லிம்களை அந்நாட்டு ராணுவம் வெளியேற்றியது இனப்படுகொலைக்குச் சமம் என்று அமெரிக்க பிரதிநிதிகள் சபை குற்றம் சாட்டியுள்ளது. ஆயிரக்கணக்கான ரோஹிங்யா மக்கள் வெளியேறக் காரணமாக இருந்த மியன்மார் ராணுவத்தின் மீது குற்றம் சாட்டும் தீர்மானத்தை அமெரிக்க பிரதிநிதிகள் சபை ஏற்றுக்கொண்டது. அத்தீர்மானத்திற்கு ஆதரவாக இரு கட்சிகளையும் சேர்ந்த 394 பேர் வாக்களித்திருந்தனர். மனித குலத்திற்கு எதிராக மியன்மார் ராணுவம் புரிந்த செயல்களை அமெரிக்க கீழ் அவையும் குற்றம் சாட்டியுள்ளது.

வா‌ஷிங்டன்: அமெரிக்காவில் சென்ற ஆண்டு மட்டும் துப்பாக்கிச் சூட்டு சம்பவங்களில் கிட்டத்தட்ட 40,000 பேர் உயிரிழந்ததாக புள்ளிவிவரத் தகவல்கள் கூறுகின்றன. இந்த எண்ணிக்கை கடந்த 40 ஆண்டுகளில் இல்லாத அளவுக்கு மிக அதிகமானது என்று புள்ளிவிவர புதிய ஆய்வு அறிக்கை கூறியது. 1999ஆம் ஆண்டுடன் ஒப்புநோக்க 2017ஆம் ஆண்டில் துப்பாக்கியால் உயிரிழந்தவர்களின் எண்ணிக்கை 10,000 அதிகம் என்று கூறப்படுகிறது. சென்ற ஆண்டு 23,854 பேர் துப்பாக்கியால் தங்கள் உயிரை மாய்த்துக்கொண்டதாக ஆய்வு கூறியது. துப்பாக்கி வன்முறைச் சம்பவங்கள் நடப்பது அமெரிக்காவில் அன்றாட வாழ்க்கையின் ஒரு பகுதியாக மாறியுள்ளது.

ஹனோய்: மத்திய வியட்னாமில் கனமழையைத் தொடர்ந்து ஏற் பட்ட வெள்ளத்தில் 13 பேர் மாண்டனர் என்று அந்நாட்டின் அதிகாரிகள் நேற்று தெரிவித் தனர். இந்நிலையில் இவ்வார இறுதியில் மோசமான பருவ நிலையை எதிர்நோக்க வேண்டி யிருக்கும் என்று வானிலை ஆய்வு நிலையம் எச்சரித் துள்ளது. இதனால் விவ சாயிகள் விளைச்சல் நிலத் தையும் கால் நடைகளையும் காப்பாற்றும் முயற்சியில் இறங்கி யிருக்கின்றனர். கடந்த சனிக்கிழமையி லிருந்து ஆறு மாகாணங்களில் பருவ மழை விடாமல் பெய்து வருகிறது. இதனால் பல நகரங்களில் வெள்ளம் கரை புரண்டு ஓடுவதால் ஆயிரக்கணக்கான மாடுகளும் கோழிகளும் இறந்து விட்டன.

லண்டன்: பிரிட்டிஷ் நாடாளுமன்ற நம்பிக்கை வாக்கெடுப்பில் தப்பிப் பிழைத்த பிரதமர் தெரேசா மே, 24 மணி நேரத்திற்குள்ளாகவே ஐரோப்பிய ஒன்றிய உச்சநிலை மாநாட்டில் பங்கேற்க பிரஸ்சல்ஸ் புறப்பட்டார். பிரக்சிட் உடன்பாட்டை எதிர்த்த நாடாளுமன்ற உறுப்பினர் களின் கோரிக்கைகளை தெரேசா மே ஐரோப்பிய தலைவர்களின் முன்னிலையில் வைப்பார் என்று கூறப்படுகிறது. ஆனால் ஐரோப்பிய ஒன்றியம் ஏற்கெனவே ஏற்றுக்கொள்ளப்பட்ட ‘பிரக்சிட்’ உடன்பாட்டை மீண்டும் பேச வாய்ப்பு இல்லை என்று கூறி யுள்ளது. அதே சமயத்தில் பிரச்சினை களைக் களைய உதவி வழங்கப் படும் என்று ஐரோப்பிய ஒன்றியம் உறுதி தெரிவித்துள்ளது.

ஒட்டாவா: கனடாவில் சீனாவைச் சேர்ந்த கைத்தொலைபேசி தயாரிப்பு நிறுவனமான ஹுவா வெய் தலைமை நிதி அதிகாரியான மெங் வான்ஷோவ் கைது செய்யப் பட்டதால் கடும் விளைவுகளைச் சந்திக்க வேண்டியிருக்கும் என்று சீனா எச்சரித்திருந்தது. அதன்படியே சீனாவில் கனடாவைச் சேர்ந்த தொழிலதிபர் ஒருவரை சீனா தடுப்புக் காவலில் வைத்துள்ளது. இதனை சீன அரசாங்கமும் நேற்று உறுதிப்படுத்தியது. முன்னதாக சீனாவில் இரண் டாவது கனடியர் ஒருவர் காணாமல் போனதாக கனடாவின் வெளியுறவு அமைச்சு தெரிவித்தது.