You are here

உல‌க‌ம்

தேடப்படும் ஜோ லோ சீனாவில் இல்லை

ஹாங்காங்: மலேசியாவில் 1எம்டிபி நிதி விவகாரம் தொடர்பில் தேடப்படும் தொழில் அதிபர் ஜோ லோ சீனாவில் இல்லை என்று சீன அதிகாரிகள் தெரிவித்துள்ளனர். 1எம்டிபி நிதி முறைகேடு தொடர்பில் மலேசிய ஊழல் தடுப்பு ஆணைய அதிகாரிகள் விசாரணையைத் தொடங்குவதற்கு முன்பே மலேசியாவிலிருந்து தப்பிச்சென்ற ஜோ லோ ஹாங்காங்கில் இருப்பதாக தகவல் வெளியானது. அவரைக் கைது செய்ய மலேசியப் போலிசார் ஹாங்காங் சென்றபோது அவர் அங்கு இல்லை. அங்கிருந்து அவர் மக்காவ் நகருக்கு தப்பிச் சென்றுவிட்டதாகக் கூறப்பட்டது.

குகையிலிருந்து கடைசியாக வெளியே வந்த மருத்துவருக்கு அதிர்ச்சி

தாய்லாந்து குகையில் சிக்கி யிருந்த காற்பந்துக் குழுவைச் சேர்ந்த 12 சிறுவர்களும் அவரது பயிற்றுவிப்பாளரும் செவ்வாய்க் கிழமை மீட்கப்பட்ட பிறகு ஆஸ் திரேலியாவைச் சேர்ந்த மருத்துவர் ரிச்சர்ட் ஹாரிஸ், 57, கடைசியாக குகையிலிருந்து வெளியே வந்தார். அப்போது அவரிடம் அவரது தந்தை இறந்த தகவல் தெரிவிக் கப்பட்டது. இதனை சற்றும் எதிர் பாராத ரிச்சர்ட் ஹாரிஸ் அதிர்ச் சியில் உறைந்துபோனார். குகையில் சிக்கியிருந்த சிறுவர்களின் உடல்நலனைப் பரி சோதித்து நல்ல நிலையில் வைத் திருப்பதற்காக அவர் குகைக்குள் சென்றிருந்தார்.

ஜப்பான் பிரதமர் அபே நேரில் ஆறுதல்

குரா‌ஷிகி: ஜப்பானில் இயற் கைப் பேரிடரில் பாதிக்கப் பட்ட மக்களை பிரதமர் அபே நேரில் சந்தித்து ஆறுதல் கூறினார். ஒரு வாரம் பெய்த மழை யாலும் அதனால் ஏற்பட்ட வெள்ளத்தாலும் இறந்த வர்களின் எண்ணிக்கை 179க்கு அதிகரித்துள்ளது. இந்த நிலையில் வெளி நாட்டுப் பயணத்தை ரத்து செய்த அபே, வெள்ளத்தால் பாதிக்கப்பட்ட ஒகாயா மாவில் தற்காலிக முகாமில் தங்கியுள்ள பல ஆயிரம் பேரைச் சந்தித்து ஆறுதல் கூறினார். இதற்கிடையே ஜப் பானின் பேரிடர் நிர்வாகத் திட்டத்தை மறு ஆய்வு செய்யப்போவதாக அந் நாட்டின் அதிகாரிகள் தெரி வித்தனர்.

குகை: மீட்கப்பட்ட சிறுவர்கள் ஆரோக்கியமாக உள்ளனர்

பேங்காக்: தாய்லாந்தில் உள்ள ஒரு குகையிலிருந்து மீட்கப் பட்ட 13 பேரில் 8 சிறுவர்கள் உடல் நலத்துடன் இருப்பதாக சுகாதார அதிகாரி ஒருவர் தெரிவித்துள்ளார். நேற்று மீட்கப்பட்ட 5 பேரின் உடல்நிலை பற்றி உடனடியாக அறிவிக்கப்படவில்லை. முதல் இரண்டு நாட்களில் பத்திரமாக மீட்கப்பட்டு மருத்து வமனையில் சேர்க்கப்பட்ட 8 சிறுவர்களுக்கு எக்ஸ்ரே, ரத்த சோதனை போன்ற மருத்துவ சோதனைகள் மேற் கொள்ளப்பட்டதில் யாருக்கும் காய்ச்சல் பாதிப்பு இல்லை என்றும் அவர்களின் உடல் நிலையும் மனநிலையும் நல்ல நிலையில் இருப்பதாகவும் சுகாதார அமைச்சின் உயர் அதிகாரி ஒருவர் கூறினார்.

ஜப்பானில் மழையும் வெள்ளமும்: மரண எண்ணிக்கை 140 ஆக உயர்வு

தோக்கியோ: ஜப்பானில் கடந்த பல நாட்களாக தொடர்ந்து பெய்யும் மழையால் ஏற்பட்டுள்ள வெள்ளப்பெருக்கிலும் நிலச் சரிவிலும் சிக்கி உயிரிழந்தவர் களின் எண்ணிக்கை 140 ஆக உயர்ந்துள்ளது என்று அரசாங்கம் தெரிவித்துள்ளது. கடந்த முப்பது ஆண்டுகளில் இல்லாத அளவுக்கு ஜப்பானில் மழை தொடர்ந்து பெய்வதாகக் கூறப்படுகிறது. நிலச்சரிவில் இடிந்து விழுந்த வீடுகள் மற்றும் கட்டட இடிபாடு களுக்கு இடையில் சிக்கி யுள்ளவர்களைக் காப்பாற்றும் பணியில் மீட்புக் குழுவினர் தீவிரமாக ஈடு பட்டுள்ளனர். கனமழை மற்றும் வெள்ளப் பெருக்கினால் மேற்கு ஜப்பான் பெரிதும் பாதிக்கப்பட்டுள் ளது.

குகையிலிருந்து அனைவரும் மீட்பு

தாய்லாந்தின் தாம் லுவாங் குகையிலிருந்து மேலும் ஐவரை நேற்று மீட்டதை அடுத்து குகையில் சிக்கியிருந்த 12 சிறுவர்கள், அவர்களது பயிற்று விப்பாளர் என 13 பேரும் வெற்றிகரமாக மீட்கப்பட்டனர். நேற்று குகையிலிருந்து மீட்கப்பட்ட நான்கு சிறுவர்களும் அவர்களது பயிற்றுவிப்பாளரும் தூக்குப்படுக்கை மூலமாக குகைக்கு வெளியே கொண்டு செல்லப்பட்டனர். அவர்கள் அனைவரும் ஹெலிகாப்டர் மூலம் சியாங் ராய் மருத்துவமனைக்குக் கொண்டு செல்லப்பட்டனர்.

பிரிட்டிஷ் புதிய வெளியுறவு அமைச்சராக ஜெரேமே நியமனம்

லண்டன்: பிரிட்டனின் புதிய வெளியுறவு துறை அமைச்சராக ஜெரேமே ஹண்ட் நியமனம் செய்யப்பட்டுள்ளார். இது தொடர்பாக பிரிட்டிஷ் பிரதமர் அலுவலகம் வெளி யிட்டுள்ள அறிக்கையில் சுகாதார அமைச்சராக பதவி வகித்து வந்த ஜெரேமே ஹண்ட் புதிய வெளியுறவு அமைச்சராக நியமனம் செய்யப்பட்டுள்ளார். இதற்கான ஒப்புதலில் பிரிட்டிஷ் பிரதமர் தெரசா மே கையெழுத்திட்டுள்ளார் எனத் தெரிவித்துள்ளது.

நஜிப் மனைவி ரோஸ்மா மீது லெபனானிய நகைக் கடை வழக்கு

பெட்டாலிங் ஜெயா: மலேசிய முன்னாள் பிரதமர் நஜிப் ரசாக்கின் மனைவி ரோஸ்மா மன்சோர் மீது லெபனானிய நகைக் கடை ஒன்று வழக்கு தொடர்ந்துள்ளது. ரோஸ்மாவுக்கு அனுப்பிவைக்கப்பட்ட 44 நகைகள் தொடர்பில் குளோபல் ராயல்டி டிரேடிங் எனும் நகைக்கடை நிறுவனம் 14.8 மில்லியன் அமெரிக்க டாலர் (S$20 மில்லியன்) வழக்கு தொடுத்துள்ளது. அந்த நகைகளை பெற்றுக்கொண்டதை திருமதி ரோஸ்மா கடந்த மே 22ஆம் தேதி அனுப்பிய கடிதத்தில் ஒப்புக்கொண்டுள்ளதாக அந்நிறுவனம் தெரிவித்தது.

ரகசிய சட்டத்தின் கீழ் ராய்ட்டர்ஸ் செய்தியாளர்கள் மீது குற்றச்சாட்டு

யங்கூன்: மியன்மாரில் சிறையில் அடைக்கப்பட்டுள்ள இரண்டு ராய்ட்டர்ஸ் செய்தியாளர்கள் மீது நேற்று ரகசிய சட்டத்தின் கீழ் ரகசிய ஆவணங்களைப் பெற்ற தாகக் குற்றம்சாட்டப்பட்டுள்ளது. ஆறு மாதங்களாக அவர் களிடம் விசாரணை நடைபெற்று வந்த நிலையில் நேற்று அவர்கள் மீது குற்றம் சுமத்தப்பட்டது. யங்கூன் நீதிமன்ற நீதிபதி யே லிவின், 32 வயது வா லோனும் 28 வயது கியாவ் சோ ஊவும் ரகசிய சட்டத்தை மீறியுள்ளனர் என்றார். இந்தக் குற்றச் செயலுக்கு 14 ஆண்டுகள் வரை சிறைத் தண் டனை விதிக்கப்படலாம். ஆனால் இரு செய்தியாளர் களும் குற்றச்சாட்டை மறுத்துள்ள னர்.

பிரதமர் மகாதீர்: அந்தக் காலம் முடிந்துவிட்டது

கோலாலம்பூர்: முன்னைய அரசாங் கத்தில் அரசாங்க ஆதரவாளர் களுக்கு அரசு தொடர்புடைய அமைப்புகளில் உயர் பதவிகள் வழங்கப்பட்டன. அந்த உயர் பதவி யில் அவர்களும் பெருத்த சம் பளத்தை வாங்கிவந்தனர். ஆனால் அந்தக்காலம் முடிந்துவிட்டது என்று மலேசிய பிரதமர் டாக்டர் மகாதீர் தெரிவித்துள்ளார். “முன்னைய அரசாங்கத்தின் இத்தகைய நடவடிக்கையால் நிபு ணர் அல்லாத, வர்த்தகம் என்பதே என்னவென்று அறியாதவர்கள் பெருகிவிட்டனர். ஆனால் அவர்கள் உயர் பொறுப்புகளை வகிக்கின்றனர். இதனால் முழு நோக்கமும் தோல்வியடைந்து விட்டது,” என்று ஹாங்காங்கை தலைமையகமாகக் கொண்டு செயல்படும் ஊடகத்துக்கு அளித்த பேட்டியில் டாக்டர் மகாதீர் குறிப்பிட்டார்.

Pages