You are here

உல‌க‌ம்

கையூட்டுப் பெற்ற பள்ளி தலைமை ஆசிரியருக்குச் சிறை

ஷா ஆலம்: மூன்று ஆண்டுகளுக்கு முன்பு பள்ளியில் செயல்படும் சிற்றுண்டி சாலையின் ஒப்பந்தத்தை நீட்டிப் பதற்காக கையூட்டுப்பெற்ற தமிழ்ப்பள்ளி தலைமை ஆசிரியருக்கு நேற்று முன்தினம் எட்டு மாத சிறைத் தண்டனை விதிக்கப்பட்டது. ரவாங் தமிழ்ப்பள்ளியில் தலைமை ஆசிரியராகப் பணியாற்றிய எம். சுப்பிரமணியம், 56, சிற்றுண்டி சாலை உரிமையாளரிடமிருந்து மொத்தம் 4,400 ரிங்கிட்டை கையூட்டுப் பெற்றார். கடந்த 2014ஆம் ஆண்டில் காசோலையாக 1,500 ரிங்கிட்டும் 2,900 ரிங்கிட் ரொக்கமாகவும் கே. தேவகா என்பவரிடமிருந்து அவர் பெற்றுக்கொண்டதாக நீதிமன்ற விசாரணையில் தெரிவிக்கப்பட்டது. நீதிமன்றத்தில் வாதிட்ட அவரது வழக்கறிஞர் எம்.

மலேசிய தைப்பூசத் திருவிழாவில் 1.6 மில்லியன் பேர் பங்கேற்கின்றனர்

கோலாலம்பூர்: மலேசியாவின் பத்து மலை முருகன் கோயிலில் நாளை நடைபெறும் தைப்பூசத் திருவிழாவில் பக்தர்கள், சுற்றுலாப் பயணிகள் உட்பட 1.6 மில்லியன் பேர் பங்கேற்பர் என்று எதிர்பார்க்கப்படுகிறது. இவ்வாண்டின் தைப்பூசத் திருவிழா 166வது ஆண்டாக நடைபெறுகிறது என்று விழாக் குழுத் தலைவரான ஆர். நடராஜா தெரிவித்தார். தைப்பூசத் திருவிழாவின்போது 1,500 காவல்துறை அதிகாரிகளும் 400 தொண்டூழியர்களும் பத்து மலையில் நிறுத்தப்படுவார்கள் என்றும் அவர் கூறினார். இந்த தைப்பூசத் திருவிழாவில் பிரதமர் நஜிப் சிறப்பு விருந்தினராகக் கலந்துகொள்வார் என்று எதிர்பார்க்கப்படுகிறது.

டிரம்ப் சாடல்: அமெரிக்காவை ஆபத்தில் தள்ளுகிறார் நீதிபதி

ஏழு முஸ்லிம் நாடுகளைச் சேர்ந் தோர் அமெரிக்காவுக்குள் நுழைய தடை விதித்து தான் பிறப்பித்த உத்தரவுக்கு இடைக்காலத் தடை தொடருவதால் அமெரிக்கா வுக்குள் நுழையும் மக்களை மிகவும் கவனத்துடன் சோதிக்க வேண்டும் என அதிபர் டிரம்ப் கேட்டுக்கொண்டுள்ளார். கடந்த சனிக்கிழமை இடைக் காலத் தடை விதித்த நீதி மன்றங்கள் அமெரிக்காவின் எல்லைகளைப் பாதுகாக்கும் நட வடிக்கையைக் கடினமாக்கு வதாகவும் அவர் குறிப்பிட்டுள் ளார். தடை விதித்த நீதிபதி அமெரிக்காவை ஆபத்தில் தள்ளுவதாகவும் திரு டிரம்ப் குறைகூறியுள்ளார்.

‘மியன்மார் தளபதிகள் தண்டிக்கப்பட வேண்டும்’

நியூயார்க்: மியன்மாரில் சிறு பான்மை ரொஹிங்யா முஸ்லிம் பெண்களையும் மாதர்களையும் பாலியல் பலாத்காரம் செய்ய ராணுவ வீரர்கள் அனுமதிக்கப் பட்டிருந்தால் அதற்காக காவல் துறை, ராணுவத்தளபதிகளைத் தண்டிக்க வேண்டும் என்று மியன் மார் அரசாங்கத்துக்கு மனித உரிமை கண்காணிப்புக் குழு அறைகூவல் விடுத்துள்ளது. பங்ளாதேஷ் நாட்டில் தஞ்சம் அடைந்துள்ள 69,000க்கும் மேற்பட்ட ரொஹிங்யா முஸ்லிம்களிடம் நேர்காணல் காணப்பட்டதில் 13 வயது சிறுமிகள் உட்பட பெண்கள் பாலியல் கொடுமைகளுக்கு ஆளானதை விவரிக்கும் விளக்கப் படத்தைத் தயாரித்துள்ளதாக நியூ யார்க்கைத் தளமாகக் கொண்ட குழு தெரிவித்தது.

ஆஸ்திரேலிய ஆளும் கட்சியில் விரிசல்

சிட்னி: ஆஸ்திரேலிய அரசாங்கத்தின் முக்கிய உறுப்பினர் ஒருவர், சொந்தமாக புதிய கட்சியைத் தொடங்கப்போவதாக அறிவித்துள்ளதால் பிரதமர் மால்கம் டர்ன்புல்லுக்குத் தலைவலி அதிகரித்துள்ளது. இந்த நிலையில் நேற்று வெளியிடப்பட்ட கருத்துக் கணிப்பில் பிரதமர் தலைமையிலான கூட்டணி அரசாங்கத்துக்கான ஆதரவு பாதாளத்தில் சரிந்துள்ளது என்று தெரிவிக்கப்பட்டது. இப்போது தேர்தல் நடைபெற்றால் அவரது லிபரல் தேசிய கூட்டணி தோல்வி அடையும் என்றும் கூறப்படுகிறது. லிபரல் கட்சியிலிருந்து வெளியேறி பழமைவாத கட்சியை பெர்னார்டி தொடங்கவிருப்பதாக சிட்னி மார்னிங் ஹெரால்ட் வெளியிட்ட தகவல் ஆளும் கட்சி விரிசலை உறுதிப்படுத்தியிருக்கிறது.

தோல்வி கண்டது டிரம்ப் மேல்முறையீடு

ஏழு இஸ்லாமிய நாடுகளில் இருந்து வருவோருக்கு எதிராக விதித்த தடையை உடனடியாக செயல்படுத்த ஏதுவாக அமெரிக்க அதிபர் டோனல்ட் டிரம்ப் செய்த மேல்முறையீட்டு மனுவை அமெரிக்கக் கூட்டரசு மேல்முறை யீட்டு நீதிமன்றம் நிராகரித்துள்ளது. சிங்கப்பூர் நேரப்படி நேற்று அதிகாலையில் நீதிமன்றம் பிறப் பித்த இந்த உத்தரவின்படி, குறிப் பிட்ட ஏழு இஸ்லாமிய நாடுகளில் இருந்து அமெரிக்க செல்ல விதிக் கப்பட்ட தடை நீக்கப்பட்டுள்ளது. சிரியா, ஈராக், ஈரான், சூடான், சோமாலியா, ஏமன், லிபியா ஆகிய நாடுகளைச் சேர்ந்தவர்கள் அமெரிக்கா வருவதற்கு ஜனவரி 27ஆம் தேதி 90 நாட்களுக்கு தடை உத்தரவு பிறப்பித்தார் டிரம்ப்.

மலேசியாவில் மாணவர்களைப் பயன்படுத்தும் போதைப்பொருள் கும்பல்

கோலா நெராங்: மலேசியாவில் பள்ளி மாணவர்கள் போதைப் பொருள் புழங்குகின்றனரா என்பதை காவல்துறை தீவிர மாகக் கண்காணித்து வருவதாக அந்நாட்டின் காவல்துறைத் தலைவர் டான் காலின் அபுபக்கர் தெரிவித்துள்ளார். போதைப்பொருளை மாணவர்கள் மூலம் விநியோகிக் கும் கும்பல்கள் மலேசியாவில் செயல்பட்டு வருவது தெரிய வந்துள்ளதாக அவர் கூறினார்.

தென்கொரிய கடைத் தொகுதியில் தீ

சோல்: தென்கொரியாவில் உயர் மாடிக் கடைத்தொகு திக் கட்டடம் ஒன்றில் நேற்று தீ பற்றியது. நான்கு பேரைப் பலிவாங் கிய இந்தத் தீ விபத்தில் 40க்கு மேற்- பட்டோர் காயமடைந்தனர். 47 பேர் மூச்சுத் திணற லுக்கு ஆளாகி சிகிச்சை பெற்று வருகின்றனர். இறந்தவர்களில் இரு வர் கட்டுமான ஊழியர் கள், மற்ற இருவர் கடைத் தொகுதி ஊழியர்கள். தென்கொரியாவின் தென்- பகுதியில் உள்ள டொங் டான் என்னும் நக ரில் இந்தக் கடைத் தொகுதி உள்ளது. அங் குள்ள குழந்தைகள் விளை யாடுமிடச் சீரமைப் பின் போது இரும்புக் கம்பி- கள் சிலவற்றை இணைப்பதற்காக பற்ற வைக்கும் பணி (வெல்டிங்) நடந்துகொண்டிருந்தது.

துருக்கியில் 60 பேர் கைது

அங்காரா: துருக்கி காவல்துறை- யினர் நேற்று தலைநகர் அங்காரா- வில் பல இடங்களில் அதிரடிச் சோதனைகளை மேற்கொண்டனர். அந்தச் சோதனைகளில் ஐஎஸ்- ஐஎஸ் பயங்கரவாத இயக்கத்துடன் தொடர்புடையதாக சந்தேகத்தின் பேரில் 60 பேர் கைது செய்யப் பட்டுள்ளனர். இஸ்தான்புல் நகரில் இரவு விடுதி ஒன்றில் புத்தாண்டுக் கொண் டாட்டத்தின்போது தாக்குதல் நடத்தப்பட்டு ஒரு மாதம் ஆன நிலையில் இந்தக் கைது நடவடிக்கை நிகழ்ந்துள்ளது என அர சாங்க ஏடு கூறியுள்ளது. கைதுசெய்து தடுத்துவைக்கப்பட்டிருக் கும் அவர்கள் அனைவரும் வெளிநாட்டினர் என்று துருக்கி அரசாங்கத்தின் அனா டொலு செய்தி நிறுவனம் தெரி வித்தது.

இந்தோனீசியா படகு விபத்தில் ஆறு பேர் பலி

ஜகார்த்தா: இந்தோனீசியாவில் நிகழ்ந்த படகு விபத்தில் ஆறு பேர் இறந்தனர் என்றும் மூவர் காணவில்லை என்றும் அந்நாட் டின் அதிகாரிகள் தெரிவித்தனர். இந்தோனீசியாவின் கிழக்கே 29 பேருடன் பயணம் செய்த படகு வெள்ளிக்கிழமை மதியம் மூழ்கியது. தெற்கு சுலாவசியில் டகாலார் ஆற்றிலிருந்து தானா கெக்கே துறைமுகத்தை நோக்கி அந்தப் படகு சென்றபோது விபத்துக்குள்ளானது.

இருபது பேர் உயிரோடு மீட்கப்பட்டுள்ள நிலையில் காணாமல் போனவர் களைத் தேடும் பணி தொடர் கிறது என்று அதிகாரிகள் கூறி னர். விபத்து நிகழ்ந்ததற்கான காரணம் தெரியவில்லை என்று இந்தோனீசிய போக்குவரத்து அமைச்சின் பேச்சாளர் ஒருவர் தெரிவித்தார்.

Pages