You are here

இந்தியா

காமராஜருக்கு மெரினாவில் நினைவிடம்

சென்னை: மறைந்த முதல்வர் காம ராஜருக்கு மெரினா கடற்கரையில் நினைவிடம் அமைக்க வேண்டும் என தக்‌ஷிண மாரா நாடார் சங்கம் வலியறுத்தி உள்ளது. இது தொடர்பாக அச்சங்கம் வெளியிட்ட அறிக்கை ஒன்றில், சென்னை கடற்கரையில் கலங் கரை விளக்கம் அருகே அமைந் துள்ள காமராஜர் சிலைக்கு அடுத்தபடியாக அவரது நினைவி டம் அமைக்கப்பட வேண்டும் என்ற கோரிக்கை முன்வைக்கப் பட்டுள்ளது. திமுக தலைவர் கருணாநிதி அண்மையில் காலமானார்.

தமிழகத்தின் சிறந்த பேரூராட்சியாக ஜலகண்டபுரம் (சேலம்) தேர்வு

சென்னை: தமிழகத்தின் சிறந்த பேரூராட்சியாக ஜலகண்டபுரம் தேர்வுபெற்றுள்ளது. இது சேலம் மாவட்டத்தில் அமைந்துள்ளது. நேற்று நடைபெற்ற சுதந்திர தின விழாவில் இதற்குரிய விருதை முதல்வர் பழனிசாமி வழங்கினார். இதற்கிடையே தேனி மாவட்டத்தில் உள்ள பழனிசெட்டிப்பளையம் பேரூராட்சி, தர்மபுரி மாவட்டம் பாலக்கோடு பேரூராட்சி ஆகியவை இரண்டாவது மற்றும் மூன்றாவது இடங்களைப் பெற்றுள்ளன.

ஒரு லட்சம் பனைவிதைப் பந்துகள் நடுவதே இலக்கு: திருமா தகவல்

சென்னை: தமிழகம் முழுவதும் 1 லட்சம் பனை விதைப் பந்துகளை நடுவதற்குத் திட்டமிட்டுள்ளதாக விடுதலைச் சிறுத்தை கள் கட்சித் தலைவர் திருமாவளவன் தெரிவித்துள்ளார். இதன் மூலம் நீர் வளத்தை காக்கலாம் என்று அவர் கூறியுள்ளார். “தமிழகம் முழுவதும் பனை விதைப் பந்துகளை நடவேண்டும் என்பதே எனது இலக்கு. ஒரு காலத்தில் தமிழகத்தில் 30 கோடிக்கும் அதிகமாக இருந்த பனை மரங்களின் எண்ணிக்கை இப்போது 3 கோடியாகக் குறைந்துள்ளது. நிலத்தடி நீர் ஆவியாகாமல் தக்கவைத்து நீர்வளத்தைக் காப்பதில் பனை மரங்கள் பெரும் பங்கு வகிக்கின்றன,” என்றார் திருமாவளவன்.

தரமான கல் வியை அளிக்க உறுதி பூண்டுள் ளோம்: முதல்வர் பழனிசாமி

சென்னை: தமிழகத்தில் உயர் கல்விக்கான சேர்க்கை விகிதம் 48 விழுக்காடு அளவுக்கு அதிக ரித்துள்ளதாக முதல்வர் பழனி சாமி தெரிவித்துள்ளார். இந்திய சுதந்திர தினத்தை யொட்டி நேற்று சென்னை புனித ஜார்ஜ் கோட்டையில் மூவர்ணக் கொடியை ஏற்றி வைத்த பின்னர் உரையாற்றிய அவர், நாட்டின் சுதந்திரப் போராட்டத்தில் அதிக ளவு பங்களித்தது தமிழகம்தான் என்றார். தேசியக் கொடியை ஏற்றி வைத்ததைப் பெருமையாகக் கருதுவதாகக் குறிப்பிட்ட அவர், சுதந்திரப் போராட்டத் தியாகிக ளுக்காக அரசு பல்வேறு நலத் திட்டங்களைச் செயல்படுத்தி வருவதாகக் கூறினார். “ஜெயலலிதா வழியில் செயல் படும் அதிமுக அரசு ஏழைகளுக் காகப் பாடுபட்டு வருகிறது.

20 டிஎம்சி மழை நீர் வீணாகக் கடலில் கலந்தது

சென்னை: நீர் மேலாண்மையில் தமிழக அரசு முழுமையாகத் தோல்வி அடைந்துவிட்டது என பாமக நிறுவனர் ராமதாஸ் குற்றம் சாட்டியுள்ளார். இது தொடர்பாக வெளியிட் டுள்ள அறிக்கை ஒன்றில், தமிழக அரசு அலட்சியப்போக்கில் செயல் பட்டு வருவதாக அவர் விமர் சித்துள்ளார். இந்த அலட்சியம் காரணமாக கடந்த சில நாட்களில் மட்டும் 20 டிஎம்சி தண்ணீர் கடலில் கலந்து வீணாகிவிட்டதாக அவர் சுட்டிக் காட்டி உள்ளார். “கர்நாடகாவிலும் கேரளாவிலும் உள்ள காவிரி நீர்பிடிப்புப் பகுதி களில் கனமழை பெய்து வருகிறது. இதன் காரணமாக கர்நாடகாவில் காவிரி ஆற்றின் குறுக்கே கட்டப் பட்டுள்ள அணைகளும் மேட்டூர் அணையும் நிரம்பி வழிகின்றன.

எதிலும் லஞ்சம்: நீதிபதி அதிருப்தி

சென்னை: மாநகராட்சி எல்லைக்குள் உள்ள ஆக்கிரமிப்புகளை அகற்றுவது, விதிமீறிக் கட்டப்பட்டுள்ள கட்டடங்கள் மீது நடவடிக்கை எடுப்பது ஆகியவை தொடர்பில் சென்னை மாநகராட்சியின் செயல்பாடு திருப்தி அளிக்கும் வகையில் இல்லை என சென்னை உயர் நீதிமன்றம் அதிருப்தி தெரிவித் துள்ளது. மாநகராட்சியில் ஊழல் மலிந்துவிட்டதாக ஒரு வழக்கின் விசாரணையின்போது நீதிபதி சுப்பிரமணியம் கவலை தெரிவித்தார். “சென்னை மாநகராட்சியில் கட்டட ஒப்புதல் உள்ளிட்ட எந்தச் சான்றிதழையும் லஞ்சம் தராமல் பெற முடி யாத நிலை நிலவுகிறது. இதனால் பொதுமக்கள் விரக்தி அடைந்துள்ளனர்,” என்றும் நீதிபதி மேலும் தெரிவித்துள்ளார்.

‘முதல்வரின் கையைப் பிடித்துக் கெஞ்சினேன்’

சென்னை: காலஞ்சென்ற திமுக தலைவர் கருணாநிதியின் உடலை மெரினாவில் அடக்கம் செய்ய அனுமதி கிடைத்திருக்காவிட்டால் தம்மையும் அவருக்கு அருகில் அடக்கம் செய்ய வேண்டிய நிலை ஏற்பட்டிருக்கும் என திமுக செயற் குழுக் கூட்டத்தில் பேசியபோது மு.க. ஸ்டாலின் கண்ணீர் மல்கக் குறிப்பிட்டார். மேலும் கருணாநிதியை மெரி னாவில் அடக்கம் செய்ய அனுமதி அளிக்கக் கோரி, வெட்கத்தை விட்டு முதல்வர் பழனிசாமியின் கைகளைப் பிடித்துக் கெஞ்சியதாக வும் அவர் குறிப்பிட்டார். திமுக செயற்குழுக் கூட்டம் நேற்று நடைபெற்றது. இதில் கருணாநிதியின் மறைவுக்கு இரங்கல் தெரிவிக்கும் தீர்மானம் நிறைவேற்றப்பட்டது.

தூத்துக்குடி துப்பாக்கிச்சூடு வழக்கை சிபிஐ விசாரணை நடத்தும்: சென்னை உயர் நீதிமன்றம்

சென்னை: தூத்துக்குடி துப் பாக்கிச் சூடு தொடர்பான வழக்குகளை சிபிஐ விசாரிக்க வேண்டும் என சென்னை உயர் நீதிமன்றம் உத்தரவிட்டுள்ளது. இதனால் தமிழக அரசியல் களத் திலும் பொதுவெளியிலும் பரபரப்பு ஏற்பட்டுள்ளது. துப்பாக்கிச்சூடு சம்பவம் தொடர்பாக தமிழக அரசையும் காவல்துறையையும் கடுமையாக விமர்சித்து வந்த பல்வேறு தரப்பி னரும் நீதிமன்ற உத்தரவை வரவேற்றுள்ளனர். தூத்துக்குடியில் உள்ள ஸ்டெர்லைட் ஆலையை மூட வலி யுறுத்தி அப்பகுதி மக்கள் பல் வேறு போராட்டங்களைத் தொடர்ந்து முன்னெடுத்து வந்த னர். அதன் உச்சக்கட்டமாக மே 22ஆம் தேதி ஆயிரக்கணக் கானோர் பேரணியாகச் சென்ற னர்.

சதுரகிரியில் காட்டுத் தீ பரவல்: பக்தர்களுக்கு அனுமதி மறுப்பு

வத்திராயிருப்பு: சதுரகிரி மலைப்பகுதியில் திடீரென காட்டுத் தீ பரவியதை அடுத்து அங்குள்ள சுந்தரமகாலிங்கம் கோவிலுக்குச் செல்ல பக்தர்கள் அனுமதிக்கப்படவில்லை. நேற்று முன்தினம் காலை 11 மணிக்கு தாணிப்பாறை கதவு மூடப்பட்டு, பக்தர்கள் கோயிலுக்குச் செல்ல அனுமதி மறுக்கப்பட்டது. சுந்தரமகாலிங்கம் மலைக்கோவிலுக்கு மேற்புறம் 2 கிலோமீட்டர் தொலைவில் உள்ள பெரிய மகாலிங்கம் கோவிலின் பின்புறம் உள்ள வனப்பகுதியில் திடீரென மூண்ட காட்டுத் தீ வேகமாகப் பரவியது. இதைக்கண்ட வனத்துறையினர் உடனடியாக தீயை அணைத்தனர். எனினும் மறுநாள் காலை 5 மணிக்கு மீண்டும் அதே பகுதியில் காட்டுத் தீ சுமார் ஒரு கிலோமீட்டர் சுற்றளவில் பரவியது.

ஜெயா நினைவிடத்தை அகற்றக் கோரும் மனு: மீண்டும் விசாரணை

சென்னை: ஜெயலலிதா நினைவிடத்தை அகற்றக்கோரி தாம் தொடுத்த வழக்கு வலுக்கட்டாயமாகத் தள்ளுபடி செய்யப்பட்டதாக சமூக ஆர்வலர் டிராஃபிக் ராமசாமி கூறியுள்ளார். இது தொடர்பாக அவர் சென்னை உயர் நீதிமன்றத்தை அணுகியுள்ளார். நினைவிடம் தொடர்பான வழக்கில் தனது அனுமதியில்லாமல் தனது வழக்கறிஞர் செயல்பட்டதாகவும், இதன் காரணமாகவே தமது மனு தள்ளுபடி செய்யப்பட்டதாகவும் நேற்று உயர் நீதிமன்றத்தில் முன்னிலையாகி நீதிபதிகளிடம் முறையிட்டார் ராமசாமி. இதையடுத்து அவரது மனு மீண்டும் விசாரணைக்கு எடுத்துக்கொள்ளப்படும் என நீதிபதிகள் தெரிவித்துள்ளனர்.

Pages