விபத்து: காரைத் தலைக்கு மேல் தூக்கி உதவிய கரங்கள்

நாடா­ளு­மன்­றக் கட்­ட­டத்­திற்கு முன் ஞாயிற்­றுக்­கி­ழமை காலை நிகழ்ந்த சாலை விபத்து கார­ண­மாக ஐந்து பேர் மருத்­து­வ­மனைக்குக் கொண்டு செல்லப்பட்டனர்.

நார்த் பிரிட்ஜ் ரோடு-பார்­லி­மெண்ட் பிளேஸ் சந்­திப்­பில் காலை 8.15 மணி­ய­ள­வில் நிகழ்ந்த விபத்­தில் நீல­நிற ஹோண்டா, கறுப்­பு­நிற பிஎம்­ட­பிள்யூ ஆகிய வாக­னங்­கள் சம்­பந்­தப்­பட்டு இருந்­தன.

ஹோண்டா காரை 12க்கும் மேற்­பட்­டோர் ஒரு பக்­க­மா­கத் தூக்­கு­வதைக் காட்­டும் படங்­கள் 'வாட்ஸ்­அப்'பில் பர­வின. மேலும் சிலர், சாலை­யில் விழுந்து கிடந்­த­வர்­கள் மீது கவ­னம் செலுத்­தி­னர்.

இச்­சம்­ப­வம் தொடர்­பாக ஐவர் சிங்­கப்­பூர் பொது மருத்­து­வ­மனைக்குக் கொண்டுசெல்­லப்­பட்­ட­தாக சிங்­கப்­பூர் குடி­மைத் தற்­காப்­புப் படை பேச்­சா­ளர் கூறி­னார்.

காய­ம­டைந்­த­வர்­களில் இரு­வர் ஓட்­டு­நர்­கள் என்­றும் அந்த ஆட­வர்­களில் ஒரு­வ­ரின் வயது 51, மற்­ற­வ­ரின் வயது 59 என்­றும் போலிஸ் பேச்­சா­ளர் ஒரு­வர் தெரி­வித்­தார். மற்ற மூவ­ரும் வாக­னங்­களில் பய­ணம் செய்­த­வர்­கள்.

அவர்­கள் 28 வய­துக்­கும் 61 வய­துக்­கும் இடைப்­பட்ட வய­தி­னர். மருத்­து­வ­ம­னைக்­குக் கொண்டு செல்­லப்­பட்­ட­போது அந்த ஐவ­ரும் சுய­நி­னை­வு­டன் இருந்­த­னர்.

ஹோண்டா கார் தனி­யார் வாடகை வாக­னம் எனப் பதிவு செய்­யப்­பட்­டி­ருந்ததாக 'ஸ்ட்­ரெய்ட்ஸ் டைம்ஸ்' தெரிவித்தது. அதன் இடது பக்­கம் பலத்த சேத­மடைந்து இருந்­த­தை­யும் பிஎம்­ட­பிள்யூ வாக­னத்­தின் முன்­பக்கம் சேத­ம­டைந்­த­தை­யும் இச்­சம்­ப­வத்­திற்­குப் பின்­னர் எடுக்­கப்­பட்ட படங்­கள் காட்­டின. விசா­ரணை தொட­ர்கிறது.