மாணவர் முரசு
இ-பேப்பர்
வாஷிங்டன்: ஹில்லரி கிளின்டனை ஜனநாயகக் கட்சியின் அதிபர் வேட்பாளராக ஏற்பதாக திரு பெர்னி சான்டர்ஸ் கூறியுள்ளார். பல மாதங்களாக அந்தப் பதவிக்காக ஹில்லரி கிளின்டனுக்கு எதிராக பிரசாரம் செய்து போட்டியுமிட்டவர் சாண்டர்ஸ் என்பது குறிப்பிடத்தக்கது. சென்ற மாதத் தொடக்கத் திலேயே அதிபர் பதவிக்குப் போட்டியிடத் தேவையான எண்ணிக்கையில் பேராளர்களின் ஆதரவைப் பெற்ற திருவாட்டி கிளிண்டனுக்கு எதிராக சுமார் ஓராண்டாகக் களத்தில் இருந்தவர் திரு சாண்டர்ஸ். நியூ ஹாம்ஷயரின் போர்ட்ஸ்மௌத்தில் உள்ள பள்ளி ஒன்றில் அமைக்கப்பட்ட மேடையில் திருமதி கிளிண்டனும் திரு சாண்டர்ஸும் ஒன்றாகத் தோன்றினர்.
அப்போது, திருமதி ஹில்லரி கிளிண்டனை ஜனநாயகக் கட்சியின் அதிபர் வேட்பாளராக அறிவித்ததுடன் அவர் அடுத்த அதிபராவதை தாம் உறுதிசெய்யப்போவதாகவும் குறிப்பிட்டார் திரு சாண்டர்ஸ். குடியரசுக் கட்சியின் உத்தேச அதிபர் வேட்பாளர் டோனல்ட் டிரம்ப் தன்னுடன் இணைந்து குடியரசுக் கட்சியின் சார்பில் துணை அதிபர் பதவிக்குப் போட்டியிடவிருப்போரின் பெயரை வெள்ளிக்கிழமை நடைபெறவுள்ள பிரசார நிகழ்ச்சியில் அறிவிப்பார் என எதிர்பார்க்கப் படுகிறது.
அமெரிக்கப் பிரதிநிதிகள் சபையின் பேச்சாளார் நெட் கிங்ரிச், இண்டியானாவின் ஆளுநர் மைக் பென்ஸ், நியூஜெர்சியின் ஆளுநர் கிரிஸ் கிறிஸ்டி, ஓய்வுபெற்ற படைத் தளபதி மைக்கேல் ஃப்ளைன் ஆகியோரில் ஒருவரை டிரம்ப் தேர்ந்தெடுக்கக்கூடும் எனத் தகவல்கள் தெரிவிக்கின்றன. அண்மைய வாரங்களில் திரு டிரம்புடன் திரு பென்ஸ், திரு கிங்ரிச், திரு கிறிஸ்டி ஆகியோரையும் காண முடிவதாக ஊடகங்கள் குறிப் பிட்டுள்ளன. குடியரசுக் கட்சியின் தேசிய மாநாடு திங்கட்கிழமை முதல் கிளீவ்லாந்தில் நடைபெறவுள்ளது. அக்கட்சியின் அதிபர் வேட்பாளராக திரு டிரம்ப் அந்த மாநாட்டில் அறிவிக்கப்படுவார் என எதிர்பார்க் கப்படுகிறது.
நியூ ஹாம்ஷயரின் போர்ட்ஸ்மௌத்தில் உள்ள பள்ளி ஒன்றில் அமைக்கப்பட்ட மேடையில் திருமதி கிளிண்டனும் திரு சாண்டார்ஸும் ஒன்றாகத் தோன்றினர். அப்போது, ஹில்லரி கிளிண்டனை ஜனநாயகக் கட்சியின் அதிபர் வேட்பாளராக அறிவித்ததுடன் அவர் அடுத்த அதிபராவதைத் தான் உறுதிசெய்யப்போவதாகவும் குறிப்பிட்டார் திரு சாண்டர்ஸ். படம்: ராய்ட்டர்ஸ்
