ஆட்கடத்தலைத் தடுக்க உடனடி நடவடிக்கை தேவை

கோலாலம்பூர்: சாபா மாநிலத்தில் ஆள் கடத்தல் சம்பவங்கள் அதிகரித்துள்ள நிலையில் அவற்றைத் தடுத்து நிறுத்த பாதுகாப்புப் படையினர் நடவடிக்கைகளைத் தீவிரப்படுத்த வேண்டும் என்று மலேசிய பிரதமர் நஜிப் ரசாக் வலியுறுத்தியுள்ளார். அந்த மாநிலத்தில் ஆட் கடத்தல் சம்பவங்கள் தொடர்ந்து நடப்பதற்குக் காரணம் அந்த மாநிலத்தின் பரந்து விரிந்த கடல் எல்லைகளும் தகவல்கள் கசிவதாலுமே என்று அவர் சொன்னார். ஆனால் இப் பிரச்சினையை முடிவுக்குக் கொண்டுவர பாதுகாப்புப் படை யினர் அதிகமான ஒருங் கிணைந்த நடவடிக்கைகளை மேற் கொள்ளாமல் இருப்பதற்கு அவற்றைக் காரணமாகக் கூற முடியாது என்று திரு நஜிப் கூறினார். எல்லைகளில் உள்ள எல்லா இடங்களிலும் எல்லா நேரத்திலும் பாதுகாப்புப் படையினரை நிறுத்து வது என்பது இயலாத காரியம் என்று அவர் சொன்னார். எந்த நாடும், வளர்ச்சி அடைந்த நாடுகள்கூட இதனைச் செய்ய முடியாது என்று திரு நஜிப் சொன்னார்.

இருப்பினும் பாதுகாப்புப் படை யினர், ஆட்கடத்தல் சம்பவங் களைத் தடுத்து நிறுத்த புதிய நடவடிக்கைகளை எடுக்க வேண்டும் என்று தாங்கள் விரும்பு வதாக அவர் சொன்னார். அம்னோ உச்சமன்றக் கூட்டத்திற்குப் பின்னர் திரு நஜிப், செய்தியாளர்களிடம் பேசி னார். ஆட்கடத்தல் சம்பவங்கள் தொடர்ந்து நடப்பதை சாபா மக்கள் சகித்துக்கொள்ள மாட்டார்கள் என்பதால் பாதுகாப்புப் படையினர் உடனடியாக நடவடிக்கைகளை எடுக்க வேண்டும் என்று நஜிப் கேட்டுக்கொண்டார்.

இப்பகுதியில் மேலும் செய்திகள்

சிட்டகாங்கை நோக்கிச் சென்றுகொண்டிருந்த ரயிலின் மூன்று பெட்டிகள் முற்றிலுமாகச் சிதைந்தன. படம்: ஏஎஃப்பி

12 Nov 2019

நேருக்கு நேர் மோதிய ரயில்கள்: 16 பேர் பலி, பலர் காயம்

சாப்பிட்டதுபோக மீதி உணவுகளை தனது படுக்கையறையிலே வைக்கும் பழக்கம் எல்வுக்கு இருந்ததால், உணவைச் சாப்பிட வரும் கரப்பான் பூச்சி காதுக்குள் சென்றிருக்கலாம் என்றார் மருத்துவர். படம்: ராய்ட்டர்ஸ்

12 Nov 2019

ஆடவரின் காதுக்குள் கரப்பான் பூச்சி குடும்பம்

மியோநகர் குளத்தில் நீந்திய மீனின் முகம் அச்சு அசலாக மனித முகத்தைப்போலவே இருப்பது குறிப்பிடத்தக்கது. படம், காணொளி: ஊடகம்

12 Nov 2019

'மனிதமுகம்' கொண்ட மீன்