உளவுத் துறை தலைவரானார் மைக் போம்பியோ

வா‌ஷிங்டன்: அமெரிக்காவின் உளவுத் துறைத் தலைவராக திரு மைக் போம்பியோ பதவி ஏற்பதற்கு அமெரிக்க செனட் சபை ஒப்புதல் அளித்ததைத் தொடர்ந்து நேற்று அவர் சிஐஏ தலைவராக பொறுப்பேற்றுக் கொண்டார். திரு டிரம்ப்பின் அமைச்சரவையில் மூன்றாவதாக பதவி ஏற்றுக்கொண்டிருப்பவர் திரு போம்பியோ ஆவார். புதிய அமைச்சரவையில் இதுவரை மூன்று பேர் பதவி ஏற்றுக் கொண்டுள்ளனர். கடந்த வெள்ளிக்கிழமை அமெரிக்கத் தற்காப்பு அமைச்சராக ஜேம்ஸ் மெத்திஸ் பதவி ஏற்றார். உள்துறை அமைச்சராக ஜான் கெல்லி பொறுப்பேற்றுக் கொண்டார். அமெரிக்க ராணுவ அதிகாரி யான 53 வயது போம்பியோ உளவுத் துறைத் தலைவர் பதவியை ஏற்பதற்கு ஆதரவாக செனட் உறுப்பினர்கள் 66 பேர் வாக்களித்தனர். ஜனநாயகக் கட்சி உறுப்பினர்களும் அவருக்கு ஆதரவாக வாக்களித்திருந்தனர்.

உளவுத் துறை தலைவராக மைக் போம்பியோ பதவி ஏற்றுக் கொள்கிறார். (இடது) அவருக்குப் பக்கத்தில் அவரது மனைவி சூசன் போம்பியோ. படம்: ஏஎஃப்பி