தென்கொரியாவில் ‘தாட்’ ஏவுகணை எதிர்ப்பு

சோல்: வடகொரியா ஏவுகணைகளை பாய்ச்சியும் அணுவாயுத சோதனைகளை நடத்தியும் கொரிய தீபகற்பத்தில் உள்ள ஜப் பான், தென் கொரியா முதலிய நாடுகளை மிரட்டி வருகிறது. இந்நிலையில் வடகொரியாவின் மிரட்டலை சமாளிக்கும் விதத்தில் பிரச்சினைக்குரிய ‘தாட்’ ஏவுகணை எதிர்ப்பு சாதனங்களை தென் கொரியாவில் நிறுவும் பணிகளை அமெரிக்க ராணுவம் தொடங்கியிருக்கிறது. ஆனால் இந்த நடவடிக்கைக்கு தென் கொரியாவின் உள்ளூர் மக் களும் அதிபர் தேர்தலில் போட்டியிடும் முன்னணி வேட்பாளரான மூன் ஜே இன்னும் எதிர்ப்பு தெரிவித்துள்ளனர். மூன் ஜே இன்னின் பேச்சாளர் ஒருவர், “மக்களின் விருப்பம் புறக்கணிக்கப்பட்டுள்ளது. ஏவு கணை எதிர்ப்பு சாதனங்கள் நிறுவும் நடவடிக்கைகளை ரத்து செய்ய வேண்டும்,” என்றார். கடந்த ஆண்டு தென் கொரி யாவும் அமெரிக்காவும் வடகொரி யாவின் மிரட்டலைச் சமாளிக்க ‘தாட்’ சாதனங்களை நிறுவ இணக்கம் கண்டன.