சீனாவில் நிலச்சரிவு: 120 பேரைக் காணவில்லை

பெய்ஜிங்: சீனாவின் சிச்சுவான் மாநில மலைப்பகுதியில் நேற்று மண் மற்றும் பாறைகள் திடீரென சரிந்து விழுந்ததைத் தொடர்ந்து குடியிருப்பாளர்கள் பலர் அதில் சிக்கிக்கொண்டதாகக் கூறப்படு கிறது. மீட்புப் பணிகள் தீவிரப்படுத்தப் பட்டுள்ள நிலையில் நிலச்சரிவில் சிக்கி ஐந்து பேர் உயிரிழந்ததாகவும் இன்னும் 120க்கும் அதிக மானோரைக் காணவில்லை என்றும் மீட்புக் குழுவினர் தெரி வித்தனர். அவர்கள் மண்ணில் புதையுண்டிருக்கலாம் என்று அஞ்சப்படுகிறது.

மலைச் சரிவில் உள்ள ஜின்மோ என்ற கிராமத்தில் உள்ள 40 வீடுகள் மண்சரிவில் புதைந்தன. சரிந்துவிழுந்த பாறைகளுக்கு அடியில் சிக்கிக்கொண்டவர் களைக் காப்பாற்றும் பணியில் மீட்புக் குழுவினர் தீவிரமாக ஈடுபட்டுள்ளனர். பெரிய பாறை களை அகற்ற மீட்புக் குழுவினர் கயிறுகளைப் பயன்படுத்தி வருவ தாகவும் தகவல்கள் கூறுகின்றன. மண் சரிவில் சிக்கியிருந்த ஒரு தம்பதி மற்றும் ஒரு குழந்தை காப்பாற்றப்பட்டு மருத்துவ மனைக்கு கொண்டுசெல்லப் பட்டிருப்பதாக மீட்புக் குழுவினர் தெரிவித்துள்ளனர்.

சீனாவின் சிச்சுவான் மாநிலத்தில் நிலச்சரிவு ஏற்பட்ட பகுதியில் மீட்புக் குழுவினர் தேடுதல் பணியில் ஈடுபட்டுள்ளனர். நூற்றுக்கும் அதிகமானோர் மண்ணுக்குள் புதையுண்டிருப்பதாக அஞ்சப்படும் வேளையில் பாறைகளை அகற்றும் பணி தொடர்ந்து நடந்துவருகிறது. படம்: ராய்ட்டர்ஸ்

இப்பகுதியில் மேலும் செய்திகள்

திரு அன்வார் இப்ராஹிம்மின் அரசியல் செயலாளர் திரு ஃபர்ஹஷ் முபாரக், படம்: த ஸ்டார்.

20 Jun 2019

“நான் அவன் இல்லை”: சர்ச்சை காணொளி குறித்து இளம் அரசியல்வாதி

அதிபர் தேர்தலில் போட்டியிடுவதற்காக தேர்தல் பிரசாரத்தை அதிகாரபூர்வமாகத் தொடங்கியுள்ள திரு டிரம்ப், “அமெரிக்காவை மீண்டும் சிறந்த இடத்துக்கு உயர்த்துவேன்,” என்று சூளுரைத்துள்ளார். படம்: ராய்ட்டர்ஸ்

20 Jun 2019

தேர்தல் பிரசாரத்தைத் தொடங்கினார் அதிபர் டிரம்ப்