அமெரிக்கத் தாக்குதலில் ஆப்கான் வீரர்கள் பலர் பலி

காபூல்: ஆப்கானிஸ்தானின் தெற்குப்பகுதியில் உள்ள ஹெல்மண்ட் மாநிலத்தில் பதுங்கியுள்ள போராளிகளைக் குறிவைத்து அமெரிக்க விமானங்கள் நேற்று குண்டுகளை வீசித் தாக்கியதில் எதிர்பாராதவிதமாக ஆப்கான் வீரர்கள் 10 பேர் கொல்லப்பட்டதாக அம்மாநில அதிகாரிகள் கூறினர். இது துரதிர்ஷ்டவசமாக நடந்த சம்பவம் என்றும் பலியான வீரர்களின் குடும்பத்தினருக்கு இரங்கலைத் தெரிவித்துக் கொள்வதாகவும் அமெரிக்க ராணுவத்தின் உயர் அதிகாரிகள் தெரிவித்துள்ளனர். இந்தச் சம்பவம் தொடர்பாக விசாரணைக்கு உத்தரவிடப்பட்டுள்ளதாகவும் அதிகாரிகள் கூறினர். 10 ஆப்கான் வீரர்கள் பலியானதாக ராணுவம் தெரிவித்திருந்தாலும் குறைந்தது 35 வீரர்கள் பலியாகிருக்கலாம் என உள்ளூர் ஊடகங்கள் செய்தி வெளியிட்டுள்ளன.