மரம் போன்ற தோலால் மரத்துப் போன வாழ்க்கை

மர மனிதன் என்று அழைக்கப்படும் 28 வயது பங்ளாதேஷ் ஆடவர் திரு அப்தூல் பாஜேந்தர், கை வலி தாங்காமல் தனது கைகளைத் துண்டிக்க முடிவெடுத்துள்ளார். இவரது கை, கால்களின் சில சருமப் பகுதிகள் மரப் பட்டைகளைப் போல காணப்படுகின்றன. இந்த அரிய தோல் வியாதியால் கைகளில் ஏற்படும் வலியைப் பொறுத்துக்கொள்ள முடியாத அவர், அறுவை சிகிச்சை வழி தனது கைகளைத் துண்டிக்க முடிவு செய்துள்ளதாக நேற்று குறிப்பிட்டார்.

‘எபிடர்மோடிஸ்பிளேஸியா வெருசிஃபோர்மிஸ்’ (epidermodysplasia verruciformis) எனப்படும் நோயால் பாதிக்கப்பட்ட அவர், தமது உடலில் முளைத்துள்ள அசாதாரணமான துளைகளை அகற்ற 2016ஆம் ஆண்டிலிருந்து சுமார் 25 அறுவை சிகிச்சைகள் செய்துள்ளார்.

அரிய தோல்வியாதியால் வேம்பாகி விட்டது இந்த ஆடவரின் வாழ்க்கை.(படம்: ஏஎஃப்பி)
அரிய தோல்வியாதியால் வேம்பாகி விட்டது இந்த ஆடவரின் வாழ்க்கை.(படம்: ஏஎஃப்பி)

ஜனவரி மாதம் மருத்துவமனையில் சேர்க்கப்பட்ட அப்தூல் பாஜேந்தர், அயல் நாட்டிற்குச் சென்று தனது நோயைப் பூரணமாகக் குணப்படுத்த விரும்புகிறார். இருப்பினும்  பணப் பற்றாக்குறையால் அவரால் தற்போதைக்கு அவ்வாறு செய்ய முடியவில்லை.

‘டாக்கா மெடிகல் காலேஜ்’ மருத்துவமனையின் ஒட்டுறுப்பு அறுவை மருத்துவர் (plastic surgeon) சமந்தா லால் சேன், ஏழு மருத்துவர்கள் கொண்ட குழு அவரது நிலைமையைப் பற்றி கலந்தாலோசித்து வருவதாகக் கூறினார்.

அவரது நிலைமை தேசிய, அனைத்துலக அளவில் பெரும் தாக்கத்தை ஏற்படுத்தியுள்ளதால் அவருக்கு இலவச மருத்துவச் சிகிச்சையளிக்க ஏற்பாடு செய்து தரப்படும் என பிரதமர் ஷேக் ஹசினா உறுதியளித்துள்ளார்.

 

இப்பகுதியில் மேலும் செய்திகள்

இந்த நான்கு வார பிரசார காலத்தின் பெரும் பகுதியில் கருத்துகணிப்புகள் பிரதமர் போரிஸ் ஜான்சனின் கன்சர்வேடிவ் கட்சியே தொழிற் கட்சியைவிட கிட்டத்தட்ட 10 புள்ளிகள் அதிகமாக பொதுமக்கள் ஆதரவைப் பெற்று முன்னணி வகித்து வந்ததாக கூறிவந்துள்ளன. படம்: ஏஎஃப்பி

11 Dec 2019

பிரிட்டன் கருத்துக்கணிப்பு: குறுகிய பெரும்பான்மையில் வெற்றி

சுவீடன் நாட்டுத் தலைநகர் ஸ்டாக்ஹோமில் நடைபெற்ற நோபெல் பரிசு வழங்கும் விழாவில் பொருளாதாரத்திற்கான நோபெல் பரிசு வென்ற அபிஜித் பானர்ஜி இந்திய பாரம்பரிய உடையணிந்து விருதைப் பெற்றுக்கொண்டார்.  படம், காணொளி: ஊடகம் / டுவிட்டர்

11 Dec 2019

வேட்டி, சேலையில் சென்று நோபெல் பரிசு பெற்ற அபிஜித் - எஸ்தர் தம்பதி

அவசர மருத்துவ உதவியாளர் ஒருவரை அணைத்து நன்றி கூறும் நியூசிலாந்து பிரதமர் ஜெசிண்டா ஆர்டன். படம்: ஏஎஃப்பி

11 Dec 2019

நியூசிலாந்து எரிமலை வெடிப்பு: குற்றவியல் விசாரணை தொடங்கியது