மாணவர் முரசு
இ-பேப்பர்
வைரங்கள், முத்துகள் பதித்த அசத்தலான முகக்கவசங்களை அணிந்து வலம் வரத் தொடங்கியுள்ளனர் ஜப்பானிய நாகரிக விரும்பிகள்.
அந்த முகக்கவசங்களின் விலை ஒரு மில்லியன் ஜப்பானிய யென் (S$12,849) வரை இருப்பதாகக் கூறப்படுகிறது.
Cox Co’s Mask.com நிறுவனம் கைகளால் செய்யப்பட்ட இத்தகைய முகக்கவசங்களைக் கடந்த வாரம் அறிமுகப்படுத்தியது. நாகரிகப் பொருட்களின் விற்பனை மந்தமாகியுள்ள நிலையில் விற்பனையைப் பெருக்க அந்த நிறுவனம் புதிய உத்தியைக் கைக்கொண்டுள்ளது.
வைர முகக்கவசங்களில் 300க்கும் அதிகமான ஸ்வரோவ்ஸ்கி வைரக் கற்கள் பயன்படுத்தப்பட்டுள்ளன. அவற்றில் பதிக்கப்பட்ட வைரங்கள் ஒவ்வொன்றும் 0.7 காரட் மதிப்பிலானவை.
முத்து முகக்கவசத்தில் சுமார் 330 ஜப்பானிய அகோயா முத்துகள் பயன்படுத்தப்பட்டுள்ளன.
இந்த நிறுவனம் கடந்த செப்டம்பர் மாதம் முதல் இணையம் வழியாகவும் ஆறு இடங்களில் உள்ள கடைகளிலும் 200க்கும் அதிகமான வகைகளில் இத்தகைய முகக்கவசங்களை விற்பனை செய்து வருகின்றன. இத்தகைய முகக்கவசங்களின் தொடக்க விலை 500 யென்.
இஸ்ரேலி நகை வடிவமைப்பாளர் ஒருவர் 250 கிராம் எடையில் 18 காரட் தங்கத்தைக் கொண்டு செய்துள்ள முகக்கவசத்தின் விலை US$1.5 மில்லியன் என்பது குறிப்பிடத்தக்கது.
