அமெரிக்காவில் முதல் முறையாக பெண் ஒருவர் நிதி அமைச்சராக நியமிக்கப்பட்டுள்ளார்.
முன்னாள் மத்திய வங்கியின் தலைவரான ஜெனட் யெலன், 74, நிதி அமைச்சராக நியமிக்க அமெரிக்க செனட் ஒப்புதல் அளித்துள்ளது. ஆனால் முதல் வாரத்திலேயே அவரது பணி சவாலாக இருக்கும் என எதிர்பார்க்கப்படுகிறது.
கொவிட்-19 நெருக்கடியிலிருந்து நாட்டை மீட்டெடுக்க அதிபர் பைடனின் 1.9 டிரில்லியன் டாலர் மீட்புத் திட்டத்திற்கு நாடாளுமன்றத்தின் ஒப்புதலைப் பெற வேண்டும். இதனால் ஜெனட் யெலன் தீவிர பேச்சு வார்த்தையில் ஈடுபட வேண்டியிருக்கும்.
நேற்று முன்தினம் அமெரிக்க செனட் சபையில் ஜெனட் யெலன் நிதியமைச்சராக நியமிக்கப்படு வதாக துணை அதிபர் கமலா ஹாரிஸ் அறிவித்ததும் குடியரசுக் கட்சியினரும் வரவேற்றனர்.
செனட் சபை வாக்கெடுப்பில் ஜெனட் யெலன் நியமனத்திற்கு ஆதரவாக 84 உறுப்பினர்களும் எதிராக 15 உறுப்பினர்களும் வாக்களித்தனர்.
உலகின் தலைசிறந்த பொரு ளியல் வல்லுநர்களில் ஒருவர் ஜெனட் யெலன். பிரபல யேல் பல்கலைக்கழகத்தில் படித்தவர். பல்வேறு புகழ்பெற்ற பல்கலைக்கழகங்களில் சிறப்புப் பேராசிரியராகவும் பணியாற்றியவர்.