வாஷிங்டன்: அமெரிக்கா, சீனா இரு நாடுகளின் வர்த்தக அதிகாரிகளுக்கிடையிலான பேச்சுவார்த்தையின்போது வரிகளை நீக்குமாறு அமெரிக்காவிடம் வலியுறுத்தியதாக சீனா தெரிவித்துள்ளது.
அமெரிக்க வர்த்தகப் பிரதிநிதி கேத்ரீன் டாய், சீனாவின் துணைப் பிரதமர் லியு ஆகிய இருவரும் மெய்நிகர் பேச்சுவார்த்தையில் ஈடுபட்டனர்.
"வரி, தடைகளை ரத்து செய்வது குறித்து சீன தரப்பு பேச்சுவார்த்தை நடத்தியதுடன், பொருளாதார மேம்பாடு குறித்தும் தொழில்துறை கொள்கைகள் குறித்த தனது நிலைப்பாட்டையும் சீனா தெளிவுபடுத்தியது," என்று சீனாவின் சின்ஹுவா செய்தி கூறுகிறது.
இரு தரப்பினரும் தங்கள் முக்கிய கவலைகளை வெளிப்படுத்தியதாகவும் நியாயமான கவலைகளை ஒருவருக்கொருவர் ஆலோசனை மூலம் தீர்க்க ஒப்புக்கொண்டதாகவும் சீன ஊடகம் கூறுகி
றது.
பெய்ஜிங்கின் வர்த்தக, மானிய நடைமுறைகள் குறித்த அமெரிக்காவின் கவலைகளுக்கு இதுபோன்ற இருதரப்பு பேச்சுவார்த்தை மூலம் தீர்வு காண முடியுமா என்பதை அறிந்துகொள்ளும் நோக்கில் அமெரிக்கா இதை அணுகுவதாக அமெரிக்க அதிகாரி ஒருவர் சொன்
னார்.