லிவர்பூலில் கார் வெடிப்பு; மூவர் கைது

லிவர்­பூல்: லிவர்­பூல் பெண்­கள் மருத்­து­வ­ம­னைக்கு வெளியே நிகழ்ந்த கார்­வெ­டிப்பு சம்­ப­வம் தொடர்­பாக மூவர் கைது செய்­யப்­பட்­டுள்­ள­னர்.

தீவி­ர­வா­தத்­திற்கு எதி­ரான சட்­டத்­தின்கீழ் 21, 26, 29 வய­து­டைய அவர்­கள் கென்­சிங்­டன் பகு­தி­யில் கைது செய்­யப்­பட்­டுள்­ள­தாக கிரேட்­டர் மான்­செஸ்­டர் போலி­சார் கூறி­னர். ஆனால் இது தீவி­ர­வாத சம்­ப­வமாக அறிவிக்கப்படவில்லை.

உள்ளூர் நேரப்படி ஞாயிற்றுக்கிழமை காலை 11 மணியளவில் இச்சம்பவம் நடந்தது. வெடிப்பு சத்தத்தைத் தொடர்ந்து கார் தீப்பற்றி எரிந்தது.

இதில் அந்த காரில் பய­ணித்த ஆட­வர் ஒரு­வர் சம்­பவ இடத்­தி­லேயே உயி­ரி­ழந்­து­விட்­ட­தாக அறி­விக்­கப்­பட்­டது. அவர் யார் என்று இன்னமும் அடை­யா­ளம் காணப்­ப­ட­வில்லை.

காய­ம­டைந்த ஓட்டுநர் மருத்­து­வ­ம­னை­யில் சிகிச்சை பெற்று வரு­வதாகவும் அவரது உடல்நிலை சீராக உள்ளதாகவும் கூறப்பட்டது.

வெடிப்பு நிகழ்வதற்குச் சற்று முன்புதான் அந்த கார் அங்கு நிறுத்தப்பட்டதாக போலிசார் கூறினர். இச்சம்பவம் குறித்து போலிசாரும் துப்­ப­றி­யும் அதி­கா­ரி­களும் லிவர்பூல் பகுதியில் தீவிர விசாரணை நடத்தி வரு­கின்­ற­னர்.