அமெரிக்காவின் நாசா அமைப்பு, அனில் மேனன் எனும் இந்திய வம்சாவளியைச் சேர்ந்தவரை அதன் புதிய விண்வெளி வீரர்களில் ஒருவராகத் தேர்வு செய்துள்ளது.
டாக்டர் மேனன் உட்பட பத்து பேர் தனது வருங்கால விண்வெளிப் பயணங்களில் பங்குபெறுவர் என்று நாசா கூறியது.
அமெரிக்க ஆகாயப்படையில் லெஃப்டனன்ட் கர்னலாகப் பதவிபெற்ற அனில் மேனன், 45, மருத்துவர் ஆவார்.
மினசோட்டா மாநிலம் மினியாப்பொலிஸ் நகரில், இந்திய தந்தைக்கும் உக்ரேனிய தாயாருக்கும் பிறந்தவர் இவர்.
அமெரிக்காவின் ஸ்பேஸ்எக்ஸ் (SpaceX) நிறுவனத்தின் முதல் விண்வெளிப் பயணத்தின் அறுவை சிகிச்சை நிபுணராக அவர் பணியாற்றினார்.
அந்த நிறுவனம் தனது முதல் வர்த்தக விண்வெணிப் பயணத்தைத் தொடங்கியபோது, அதில் சென்ற பயணிகளின் உடல்நலனை டாக்டர் மேனன் கவனித்தார்.
நிறுவனத்தின் விண்வெளிப் பயணங்களுக்கு மருத்துவக் கட்டமைப்பை ஏற்படுத்தித் தந்ததும் அவரே.
நாசாவின் வருங்கால விண்வெளிப் பயணங்களில் பங்குபெற 12,000 பேர் விண்ணப்பம் செய்தனர்.
அவர்களில் பத்து பேர் மட்டுமே தேர்வு செய்யப்பட்டனர்.