நெளிந்து ஆடும் மரங்கொத்தி: குழந்தைகள் செய்ய எளிய கைவினை செய்முறை

1 mins read

நெளிந்து ஆடும் மரங்கொத்தி தயார். - படங்கள்: தமிழ்முரசு

கைவினை என்பது வெறும் பொழுதுபோக்கு மட்டுமன்று, அது ஒருவரின் ஆளுமையையும் திறமையையும் செதுக்கும் கலை. அதைச் செய்து முடிக்கும்போது, ஒரு படைப்பாளியாக நீங்கள் அடையும் மகிழ்ச்சி தனித்துவமானது. எனவே, அக்கலையை நாமும் கற்று, மகிழ்ச்சி அடைவோம் பிள்ளைகளே! !

தேவையான பொருள்கள்

1. காகித அட்டை

2. கத்தரிக்கோல்

3. வண்ணக் காகிதங்கள்

4. பசை

5. கம்பளி நூல்

6. பற்குச்சி

7. வண்ணம் தீட்டுவதற்கானப் பொருள்கள்

செய்முறை

காகித அட்டையில் மரங்கொத்திப் பறவை ஒன்றை வரைந்து, வண்ணம் தீட்டுங்கள்.
கத்தரிக்கோலைப் பயன்படுத்தி, வண்ணம் தீட்டப்பட்ட மரங்கொத்தியை அதன் வடிவத்திற்கு ஏற்ப வெட்டி எடுங்கள்.
படத்தில் இருப்பதுபோன்று, இரு கறுப்பு நிறக் காகிதங்களை மடித்துக்கொள்ளுங்கள்.
காகிதக் குவளையின்மீது வண்ணக் காகிதத்தை ஒட்டி, பின்னர் அதில் ஒரு துளையிடுங்கள். படி 4ல் செய்த கறுப்பு நிறக் காகித வடிவத்தின் ஒரு பகுதியைக் குவளைமீதும் மறுபகுதியைப் பறவைமீதும் ஒட்டுங்கள்.
பற்குச்சியைப் பயன்படுத்தி அந்தப் பறவைக்கு அலகு வையுங்கள்.
கம்பளி நூலின் ஒரு பகுதியைப் பறவைமீதும் மறுபகுதியைக் குவளையில் துளையிட்டும் கோக்கவும். குவளைப் பக்கம் இருக்கும் நூலை இழுத்தால் நெளிந்து ஆடும் மரங்கொத்தி தயார்!