You are here

உல‌க‌ம்

இந்தோனீசிய அமைச்சரவை மாற்றம்

ஜகார்த்தா: இந்தோனீசிய அதிபர் ஜோக்கோ விடோடோ, அமைச் சரவையில் சில மாற்றங்களைச் செய்துள்ளார். கோல்கார் கட்சியின் மேலும் ஒரு மூத்த உறுப்பினருக்கு அமைச்சர் பதவி கொடுக்கப் பட்டுள்ளது. சமூக விவகாரங்களுக்கான அமைச்சர் கோஃபிஃபா இன்டர் பரவான்சாவுக்குப் பதிலாக கோல்கார் கட்சியின் தலைமைச் செயலாளர் இட்ருஸ் மார்ஹம் அந்தப் பொறுப்பை ஏற்கிறார். அதிபர் அலுவலக உயர் அதிகாரி டிடென் மஸ்டுகிக்குப் பதிலாக இந்தோனீசிய முன்னாள் ஆயுதப் படைத் தலைவர் மோயில் டோகோவுக்கு அந்தப் பொறுப்பு வழங்கப்பட்டுள்ளது.

மியன்மார் காவல்துறையினர் சுட்டதில் 7 பேர் பலி

யங்கூன்: மியன்மாரின் ராக்கைன் மாநிலத்தில் பௌத்த சமயத்தைச் சேர்ந்த போராட்டக்காரர்கள் சுமார் 4,000 பேர் ஒரு விழாவுக்காக அங்குள்ள ஒரு கோயில் வளாகத் தில் திரண்டனர். அந்த விழாவை நடத்த அனுமதி மறுக்கப்பட்டிருந்த நிலையில் ஆர்ப்பாட்டக்காரர்கள் அங்கு கூடியதாக அதிகாரி ஒருவர் கூறினார். ஆர்ப்பாட்டக்காரர்கள், அர சாங்க அலுவலகத்தைச் சுற்றி வளைத்தபோது கூட்டத்தினரைக் கலைக்க காவல்துறையினர் ரப்பர் தோட் டாக்களை பயன்படுத்தியதாகக் கூறப்பட்டது.

ரோஹிங்யா பிரச்சினை: ஒரு நாளைக்கு 300 பேரை மியன்மாருக்குத் திருப்பி அனுப்ப இணக்கம்

டாக்கா: மியன்மாரில் ராக்கைன் மாநிலத்தில் சென்ற ஆண்டு மூண்ட கலவரத்தின்போது அங்கிருந்து தப்பிச்சென்று பங்ளாதே‌ஷில் தஞ்சம் அடைந் துள்ள ஆயிரக்கணக்கான ரோஹிங்யா அகதிகளை மியன் மாருக்கு திருப்பி அனுப்புவது தொடர்பில் அவ்விரு நாடுகளும் இணக்கம் கண்டுள்ளன. இரு நாடுகளின் அதிகாரி களும் நேற்று முன்தினம் மியன்மாரில் சந்தித்துப் பேசியபோது அந்த இணக்கம் காணப்பட்டது.

13 பிள்ளைகளை சித்திரவதை செய்த பெற்றோர் கைது

பெரிஸ்: கலிஃபோர்னியாவில் ஒரு வீட்டில் அடைத்து வைக்கப்பட் டிருந்த 13 பிள்ளைகளை அமெரிக்கப் போலிசார் மீட்டதைத் தொடர்ந்து அந்தப் பிள்ளைகளின் பெற்றோர் கைது செய்யப்பட்டுள் ளனர். பிள்ளைகளை வீட்டில் அடைத்துவைத்து கொடுமைப் படுத்தியதான குற்றச்சாட்டுகளின் பேரில் 57 வயது அலன் டர்பின் என்பவரையும் அவர் மனைவி 49 வயது லூயிஸ் அனா டர்பினையும் போலிசார் கைது செய்துள்ளனர். பிள்ளைகளை அடைத்து வைத்து சித்திரவதைப்படுத்தி யதற்கான காரணத்தை அந்தத் தம்பதியர் போலிசாரிடம் தெரி விக்கவில்லை.

காபூலில் இந்திய தூதரகம் மீது ராக்கெட் தாக்குதல்

காபூல்: ஆப்கானிஸ்தானின் தலைநகர் காபூலில் உள்ள இந்திய தூதரக வளாகத்தில் திங்கட்கிழமை ஒரு ராக்கெட் விழுந்ததாகவும் அத்தாக்கு தலில் தூதரக பணியாளர் கள் யாருக்கும் எந்த ஆபத்தும் இல்லை என்றும் இந்தியா கூறியது. தூதரகப் பணியாளர்கள் பாதுகாப் பாக இருப்பதை இந்திய வெளியுறவு அமைச்சர் சுஷ்மா ஸ்வராஜ் உறுதிப் படுத்தியுள்ளார்.

இந்தோனீசிய பங்குச் சந்தைக் கட்டடம் இடிந்து 70க்கும் மேற்பட்டோர் காயமுற்றனர்

படம்: ராய்ட்டர்ஸ்

இந்தோனீசியப் பங்குச் சந்தை கட்டடத்துக்குள் இரு கட்டடங் களை இணைக்கும் நடைபாதை இடிந்து விழுந்ததில் 70க்கும் மேற்பட்டோர் காயமுற்றனர். இந்த அசம்பாவிதம் நேற்று பிற்பகல் நிகழ்ந்ததும் கட்டடத் துக்குள் இருந்தோர் வெளி யேற்றப்பட்டனர். நடைபாதை இடிந்து விழுந்த தற்கான காரணம் இன்னும் கண்டறியப்படவில்லை. அது குறித்து விசாரணை நடத்தப் படுகிறது. இதற்கிடையே, நடந்தது வெடிகுண்டு தாக்குதல் அல்ல என்று இந்தோனீசிய போலிசார் தெளிவுபடுத்தியுள்ளனர். ஏறத்தாழ 72 பேர் காயமடைந்த தாகவும் அவர்கள் அனைவரும் நான்கு வெவ்வேறு மருத்துவ மனைகளில் அனுமதிக்கப்பட்டு சிகிச்சை பெற்று வருவதாகவும் போலிசார் தெரிவித்தனர்.

எண்ணெய்க் கப்பல் கடலில் மூழ்கியது

படம்: ஏஎஃப்பி

பெய்ஜிங்: சீனக் கடல் பகுதியில் கடந்த ஒரு வாரமாக எரிந்து கொண்டிருந்த எண்ணெய்க் கப்பல் நேற்று கடலில் மூழ்கியதாக சீன ஊடகங்கள் செய்தி வெளி யிட்டுள்ளன. பனாமாவில் பதிவு செய்யப் பட்ட சாஞ்சி எனும் ஈரானிய எண்ணெய்க் கப்பல் ஒரு வாரத் திற்கு முன்பு கிழக்கு சீனக் கடல் பகுதியில் சரக்கு கப்பலுடன் மோதியதைத் தொடர்ந்து அந்த எண்ணெய்க் கப்பல் தீப்பற்றிக் கொண்டது.

ஓடுபாதையிலிருந்து விலகி செங்குத்தான பாறை சரிவில் விழுந்த விமானம்: 168 பேரும் உயிர் தப்பினர்

படம்: ஏஎஃப்பி

அங்காரா: துருக்கி விமான நிலையத்தில் தரை இறங்கிய விமானம் ஒன்று ஓடுபாதையிலி ருந்து விலகி செங்குத் தான பாறைப் பகுதியில் சறுக்கி விழுந்தது. அதிர்ஷ்டவசமாக, அந்த விமானத்தில் சென்ற 168 பேரும் உயிர் தப்பியதாக அதிகாரிகள் கூறினர். அந்த விமானத்தில் 162 பயணிகளும் 2 விமானிகளும் 4 விமான சிப்பந்திகளும் சென்றனர். அங்காரா நகரிலிருந்து சனிக்கிழமை இரவு புறப்பட்ட போயிங் 737- 800 ரக விமானம் துருக்கியின் கருங்கட லோரப் பகுதியில் அமைந் துள்ள டிராப்ஸே„ன் விமான நிலையத்தில் தரை இறங்கியபோது விபத்துக்கு உள்ளானது.

ரோஹிங்யா மக்கள் மியன்மார் திரும்புவது குறித்த பேச்சு

யங்கூன்: பங்ளாதே‌ஷில் தஞ்சம் அடைந்துள்ள ஆயிரக்கணக்கான ரோஹிங்யா அகதிகளை மியன் மாருக்கு திருப்பி அனுப்புவது தொடர்பில் பங்ளாதே‌ஷில் பேச்சு வார்த்தை நடந்ததாக அந்நாட்டு அதிகாரி ஒருவர் தெரிவித்துள்ளார். மியன்மாரின் ராக்கைன் மாநிலத்தில் சென்ற ஆண்டு ஆகஸ்ட் மாதம் வன்முறைச் சம்பவங்கள் நடந்ததைத் தொடர்ந்து அந்நாட்டு ராணுவம் ரோஹிங்யா போராளிகளுக்கு எதிராக கடும் நடவடிக்கை எடுக்கத் தொடங்கியது.

ஜோகூர் சாலை கார் விபத்தில் மூவர் உயிர் தப்பினர்

மெர்சிங்: ஜோகூர் சாலையில் சென்றுகொண்டிருந்த ஒரு கார் ஒரு பள்ளத்தில் விழுந்ததில் அக்காரில் சென்ற மூவர் அதிர்ஷ்டவசமாக உயிர் தப்பினர். அந்த சாலையில் 15 மீட்டர் ஆழத்திற்கு நிலச்சரிவு ஏற்பட்டிருந்ததாகவும் அதன் அருகே உள்ள பள்ளத்தில் அக்கார் விழுந்ததாகவும் கூறப்பட்டது. மெர்சிங் நகருக்கு அருகே நேற்று காலை அந்த விபத்து நிகழ்ந்தது.

Pages