You are here

உல‌க‌ம்

வடகொரியா: எந்த நேரத்திலும் டிரம்ப்புடன் பேசத் தயார்

படம்: ஏஎஃப்பி

வா‌ஷிங்டன்: அமெரிக்க அதிபர் டோனல்ட் டிரம்ப், வடகொரியத் தலைவர் கிம் ஜோங் உன்னுடனான சந்திப்பை ரத்து செய்ததை அடுத்து வடகொரியா அதன் வருத்தத்தை வெளிப்படுத்தி யுள்ளது. திரு டிரம்ப்பின் அந்த முடிவு மிகவும் வருத்தம் அளிப்பதாகக் கூறிய வடகொரிய வெளியுறவு துணை அமைச்சர் கிம் கை குவான், திரு டிரம்ப்புடன் எந்த நேரத்திலும் பேச்சுநடத்த வடகொரியா தயாராக இருப்பதாகக் கூறியுள்ளார்.

நஜிப் வீடுகளில் $38 மி. சிக்கியது

மலேசிய முன்னாள் பிரதமர் நஜிப் ரசாக்கின் ‘பெவிலியன் ரெசிடென் சஸ்’ வீடுகளிலிருந்து 114 மில்லி யன் ரிங்கிட் (S$38.4 மி.) ரொக்கம் கைப்பற்றப்பட்டது என்று போலிஸ் தரப்பு கூறியுள்ளதாக வர்த்தக குற்றப் புலனாய்வுப் பிரிவு இயக்கு நர் அமர் சிங் தெரிவித்துள்ளார். “மொத்தம் 72 பைகள் கைப் பற்றப்பட்டன. அவற்றில் 35 பை களில் மட்டுமே ரொக்கம் இருந் தது,” என்று திரு சிங் கூறினார். அந்த 35 பைகளில் 26 நாடு களின் நாணயங்கள் இருந்ததாக வும் 21 வங்கி அதிகாரிகள், 11 இயந்திரங்களின் துணையுடன் அவற்றை எண்ணி முடித்ததாக வும் திரு சிங் குறிப்பிட்டார்.

‘அம்னோ கட்சிப் பணத்தை திரும்பப் பெற முறையான வழிகள் உள்ளன’

கோலாலம்பூர்: மலேசிய முன்னாள் பிரதமர் நஜிப்பிற்குச் சொந்தமான வீடுகளிலிருந்து போலிசார் கைப்பற்றிய ரொக்கப் பணத்தில் அம்னோ கட்சியின் பணமும் இருப்பதால் கட்சிப் பணத்தை திரும்பப் பெற விரும்புவதாக அம்னோ தெரிவித்திருந்தது. அதுபற்றி போலிஸ் படைத் தலைவர் முகமட் ஃபுஸி ஹருனிடம் செய்தியாளர்கள் கேட்டதற்கு அம்னோ கட்சி அதன் பணத்தை திரும்பப் பெற சட்டப்படியான சில வழிமுறைகளை பின்பற்ற வேண்டும் என்று திரு ஃபுஸி கூறியுள்ளார். “தற்போது விசாரணை நடைபெறுகிறது. விசாரணை முடிய சிறிது காலம் பிடிக்கலாம்”, என்று அவர் சொன்னார்.

பயங்கரவாத தடுப்பு மசோதாவை நிறைவேற்றியது இந்தோனீசியா

ஜகார்த்தா: இந்தோனீசியாவில் பயங்கரவாதத் தாக்குதல்கள் அதிகரித்துள்ள நிலையில் அந்நாட்டு நாடாளுமன்றம் பயங்கர வாதத் தடுப்பு மசோதாவை நிறைவேற்றியுள்ளது. பயங்கரவாத சந்தேக நபர்களை அதிகாரிகள் கைது செய்து அதிக நாட்கள் தடுப்புக்காவலில் வைப் பதற்கும் தாக்குதல் நடப்பதற்கு முன்பே சந்தேக நபர்களை கைது செய்வதற்கும் அந்த சட்டம் அனுமதிக்கிறது. பயங்கரவாதத் தாக்குதலுக்கு திட்டமிட்டதாக சந்தேகிக்கப்படும் நபர் மீது குற்றம் எதுவும் சாட்டப்படாமலேயே 21 நாட்கள் தடுப்புக் காவலில் வைத்து போலிசார் விசாரிக்க புதிய சட்டம் வகை செய்கிறது.

நஜிப்பிடம் ஆறு மணி நேரம் விசாரணை

மலேசிய ஊழல் தடுப்பு ஆணையம் முன்னாள் பிரதமர் நஜிப் ரசாக் கிடம் நேற்று ஆறு மணி நேரம் விசாரணை நடத்தியது. அவர் விசாரணைக்கு அழைக்கப்பட்டது இது இரண்டாம் முறை. அரசாங்க முதலீட்டு நிறுவன மான 1எம்டிபியின் துணை நிறு வனமாக இருந்த ‘எஸ்ஆர்சி இன் டர்நேஷனல்’ தொடர்பிலும் நிறு வனத்திற்குச் சொந்தமான பணம் முறைகேடாகப் பரிவர்த்தனை செய்யப்பட்ட சந்தேகத்தின் தொடர் பிலும் அவரிடம் விசாரணை நடத்தப்பட்டது. எஸ்ஆர்சி நிறுவனத்திலிருந்து திரு நஜிப்பின் வங்கிக் கணக்கு களுக்கு 42 மில்லியன் மலேசிய ரிங்கிட் (S$14.2 மி.) பணம் மாற்றிவிடப்பட்டதாகக் குற்றம் சாட்டப்பட்டுள்ளது.

‘உக்ரேனில் மலேசிய விமானத்தை சுட்டு வீழ்த்தியது ரஷ்யாவே’

மாஸ்கோ: கிழக்கு உக்ரேனில் 2014ஆம் ஆண்டு மலேசிய ஏர்லைன்ஸ் விமானத்தை சுட்டு வீழ்த்தியது ரஷ்யாதான் என்று அனைத்துலக புலன் விசார ணையாளர்கள் தெரிவித்துள் ளனர். மலேசிய விமானத்தை சுட்டு வீழ்த்த பயன்படுத்தப்பட்ட ஏவுகணை ரஷ்யப் படைக்கு சொந்தமானது என்பது புலன் விசாரணையில் தெரியவந்திருப்ப தாக விசாரணைக் குழுவினர் கூறியுள்ளனர். நெதர்லாந்து தலைமையிலான விசாரணைக் குழு முதன் முறையாக மலேசிய விமானத்தை சுட்டு வீழ்த்தியது ரஷ்யாதான் என்று அறி வித்துள்ளது.

சிங்கப்பூரிலிருந்து வரும் கார்களுக்கு நுழைவுக் கட்டணம்: மலேசிய அமைச்சரவை விவாதிக்கும்

கோலாலம்பூர்: சிங்கப்பூரிலிருந்து மலேசியாவுக்குள் நுழையும் கார்களுக்கான வாகன நுழைவு கட்டண முறை மலேசிய அமைச்சர வையில் விவாதிக்கப்பட விருப்பதாக மலேசிய போக்கு வரத்து அமைச்சர் அன்டோனி லோக் கூறியுள்ளார். இந்தக் கட்டண முறையால் சிங்கப்பூரிலிருந்து வரும் கார்கள் பாதிக்கப்படுவதால் இந்த முறை குறித்து மலேசிய புதிய அமைச் சரவை விரைவில் விவாதிக்க விருப்பதாக அவர் சொன்னார். நுழைவுக் கட்டண முறை குறித்து புதிய அமைச்சர்களிடம் விளக்கம் அளித்திருப்பதாகவும் இருப்பினும் முறைப்படி அமைச்சரவையில் அதுகுறித்து விவாதிப்பது அவசியம் என்றும் அவர் கூறினார்.

அணுவாயுத சோதனை இடத்தை தகர்த்தது வடகொரியா

வா‌ஷிங்டன்: வடகொரியா அதன் அணுவாயுத சோதனை இடத்தை அனைத்துலக செய்தியாளர்கள் முன்னிலையில் நேற்று பின்னேரம் தகர்த்ததாக செய்தி நிறுவனம் ஒன்று தெரிவித்துள்ளது. அந்த இடத்திலிருந்துதான் வடகொரியா இதற்கு முன்பு 6 அணுவாயுத சோதனைகளை மேற் கொண்டது. வடகொரியாவின் அணுவாயுதத் திட்ட வசதிகளில் மிகவும் முக்கியமான இடமாக அது கருதப்படுகிறது. ஆகக் கடைசியாக வட கொரியா அந்த இடத்திலிருந்து தான் ஹைட்ரஜன் வெடிகுண்டு சோதனையை மேற்கொண்டது.

வான் அசிஸா: சொத்து விவரங்களை அமைச்சர்கள் அறிவிப்பார்கள்

கோலாலம்பூர்: மலேசிய துணைப் பிரதமர் வான் அசிஸா வான் இஸ்மாயில், பக்கத்தான் ஹரப்பான் அமைச்சர்களும் நாடாளுமன்ற உறுப்பினர்களும் அவர்களின் சொத்து விவரங்களை அறிவிப்பார்கள் என்று கூறினார். “அதுதான் எங்கள் வழி”, என்று மகளிர், குடும்ப மேம்பாட்டு அமைச்சருமான வான் அசிஸா முதல் முறையாக அமைச்சுக்கு வருகையளித்தபோது நடந்த செய்தியாளர் கூட்டத்தில் கூறினார். எவ்வளவு விரைவில் சொத்து விவரம் அறிவிக்கப்படும் என்று வினவியதற்கு, “அதை நிதி அமைச்சரிடம்தான் கேட்க வேண்டும்”, என்று பதிலளித்தார். ஜனநாயக செயல்கட்சி நாடாளுமன்ற உறுப்பினர்களும் அவர்களின் சொத்து விவரங்களை அறிவிப்பார்கள் என அக்கட்சி ஏற்கெனவே கூறியிருந்தது.

‘எம்ஏசிசி அதிகாரிகள் கைப்பற்றிய கடிகாரங்கள் போலியானவை’

கோலாலம்பூர்: மலேசிய ஊழல் தடுப்பு ஆணையத்தின் (எம்ஏசிசி) அதிகாரிகள் அம்னோ உச்சமன்ற உறுப்பினர் அப்துல் அஸிஸ் அப்துல் ரஹீம் வீட்டில் சோதனை மேற்கொண்டபோது விலை மதிப்புள்ள கைக்கடிகாரங்களைக் கைப்பற்றினர். அதிகாரிகள் கைப்பற்றியதாகக் கூறப்படும் விலைமதிப்புள்ள கைக்கடிகாரங்களில் பெரும்பாலானவை போலியானவை என்றும் அவை சாதாரணமாக சந்தையில் வாங்கப்பட்டவை என்றும் அப்துல் அஸிஸ் கூறியுள்ளார். அப்துல் அஸிஸின் வீட்டில் புகுந்து திடீர்ச் சோதனைகளை நடத்திய ஊழல் தடுப்பு அதிகாரிகள், ரொக்கப்பணம், அந்நிய நாணயங்கள், 20க்கும் மேற்பட்ட விலை மதிப்புள்ள கைக்கடிகாரங்கள் மற்றும் நகைகள் ஆகியவற்றைக் கைப்பற்றியுள்ளனர்.

Pages