You are here

சிங்க‌ப்பூர்

கம்போங் பூகிஸ்: ரசாயன மண்ணால் 3.14 ஹெக்டர் நிலத்துக்குப் பராமரிப்பு

காலாங்கில் புதிய குடியிருப்புப் பகுதி ஒன்றைத் தயார் செய்வதற்காக அதிகாரிகள் அதற்கான நிலத்தைப் பராமரிக்க உள்ளனர். பழைய எரிவாயு ஆலையான ‘காலாங் கேஸ் வோர்க்ஸ்’ முன்பு அங்கு தளங்கொண்டிருந்ததால் அந்த நிலப்பகுதியில் ரசாயனம் கலந்திருந்தது.
1862ல் கட்டப்பட்ட அந்த ஆலை 1997 வரை செயல் பட்டது. சுமார் மூன்று காற்பந்துத் திடல் அளவிலான பரப்பளவைக் கொண்டிருக்கிறது. நீர்நிலையை நோக்கியுள்ள அந்த நிலப்பகுதி, அடுத்த 10 ஆண்டுகளில் 4,000 தனியார் வீடுகளைக் கொண்ட இடமாக உருமாறும் எனக் கூறப்படு கிறது. கார்கள் அதிகம் பயன்படுத்தப்படாத பகுதியாக இது இருக்கும்.

லண்டனைச் சேர்ந்த டாக்சி நிறுவனத்தை வாங்கும் கம்ஃபர்ட் டெல்குரோ

சிங்கப்பூரின் ‘கம்ஃபர்ட்டெல்குரோ’ நிறுவனம், பிரிட்டனைச் சேர்ந்த ‘டைல்-எ-கேப்’ என்ற டாக்சி நிறுவனத்தை 1.2 மில்லியன் பவுண்டுக்கு ($2.2 மில்லியன்) வாங்கியுள்ளது என அறிவித்திருக்கிறது. வாங்குதல் நடவடிக்கைக்குப் பின்னர், கம்ஃபர்ட்டெல்குரோவுக்குச் சொந்தமான ‘சிட்டிஃப்லீட் நெட்வோர்க்ஸ்’ன் மொத்த டாக்சி எண் ணிக்கை 3,000 ஆக அதிகரிக்கும். லண்டனில் தற்போது ஆகப் பெரிய டாக்சி நிறுவனமாக கம்ஃபர்ட்டெல்குரோ உள்ளது. “வாங்குதல் நடவடிக்கையால் ஓட்டுநர்கள், வாடிக்கையாளர் கள் ஆகியோரின் எண்ணிக்கை அதிகமாகிறது.

சிஓஇ ஒதுக்கீடு: மூன்று மாதங்களில் 4% குறையும்

அடுத்த மூன்று மாதங்களில், ஏலக்குத்தகையில் விடப்படும் வாகன உரிமைச் சான்றிதழ்கள் குறையவுள்ளது. அதனால் மொத்த வாகனங்க ளுக்கான வாகன உரிமைச் சான் றிதழ்கள் (சிஓஇ) 4 விழுக்காடு குறையும். சிஓஇ ஒதுக்கீட்டில், அரசாங்கம் இரண்டாவது முறையாக பூஜ்ஜிய விழுக்காட்டு வளர்ச்சியை அமல் படுத்தியுள்ளது. அடுத்த மாதம் முதல் ஜூலை வரை 24,614 சிஓஇ சான்றிதழ்கள் ஏலக் குத்தகைக்கு விடப்படும். இந்த எண்ணிக்கை, முந்தைய காலாண்டின் எண்ணிக்கையான 25,632ஐ விடக் குறைவு. மற்ற பிரிவுகளுடன் ஒப்பு நோக்க, கார்களுக்கான சிஓஇ ஆக அதிகமாகக் குறைந்திருக்கிறது.

ஓட்டுநரின் தும்மலால் விபரீதம்

காரை ஓட்டிசென்றுகொண்டிருந்த போது தும்மல் ஏற்பட்டதால் 66 வயது ஓட்டுநர் வாகனத்தின் கட் டுப்பாட்டை இழந்தார். அதனால் தோ பாயோ லோரோங் 1ன் சாலை தடுப்பில் அவரது கார் மோதி விளக்குக் கம்பம் சாய்ந்தவாறு இருந்தது. காரின் முற்பகுதியில் உள்ள சக்கரம் வெளியாகி சாலையின் இதர இரண்டு தடங்க ளில் சிதறியது.

தாய்க்குத் துன்புறுத்தல், போலிசார் மீது தகாத சொல்; மாது மீது குற்றச்சாட்டு

செரில் செங் யு சின் எனும் 33 வயது மாது தனது 59 வயது தாயாரைத் துன்புறுத்திய குற்றத்தை நீதிமன்றத்தில் ஒப்புக்கொண்டுள்ளார். தோ பாயோவில் உள்ள அவரது வீட்டில் நடந்த அச்சம்பவம் பற்றி செங்கின் 68 வயது தந்தை போலிசாருக்குத் தகவல் கொடுத்தார். சம்பவ இடத்திற்குச் சென்ற போலிசாருக்கு எதிராக செங் தகாத வார்த்தைகளைப் பயன்படுத்தினார். மேலும் சம்பவம் குறித்த தகவல்களைப் பெற்றுகொண்டிருந்த போலிஸ் அதிகாரியின் குறிப்புகளைக் கிழித்துள்ளார். அந்தக் குற்றத்தையும் அவர் ஒப்புக்கொண்டார்.

தொழில்நுட்பக் கல்விக் கழகத்தின் எதிர்காலத்தில் அதிபர் நம்பிக்கை

தொழில்நுட்பக் கல்விக் கழகத் தின் எதிர்காலம் குறித்து தான் நம்பிக்கை கொண்டுள்ளதாக அதிபர் ஹலிமா யாக்கோப் தெரி வித்துள்ளார். தொழில்நுட்பக் கல்விக் கழகத்தின் மேற்கு வளாகத்துக்கு முதல் முறையாக நேற்று காலை சென்ற அதிபர் அவ்வாறு கூறினார். கல்விக் கழகத்தின் வாகன மையத்திற்கும் கட்டமைப்பு பாது காப்பு மையத்திற்கும் சமையலறை, உணவகப் பயிற்சியகத்திற்கும் அதிபர் சென்றார். ஆசிரியர்கள், மாணவர்கள், பட்டம்பெற்றவர்கள் என அனை வரையும் அதிபர் சந்தித்தார்.

மரணம் விளைவித்த குற்றத்தை ஒப்புக்கொண்ட ஓட்டுநர்

மஞ்சள் சமிக்ஞை விளக்கு ஒளித்தபோது வலது பக்கம் திரும்பிய வாகனமோட்டி எதிர்திசையில் வந்துகொண்டிருந்த மோட்டார் சைக்கிளோட்டியைக் கவனிக்காததால் 25 வயது திரு அரவிந்த் ராஜா கோபால் மீது மோதியுள்ளார். 2016ஆம் ஆண்டு ஜனவரி 2ஆம் தேதி நடந்த இந்த விபத்தால் காயமடைந்த திரு அரவிந்த் ஒரு வாரத்தில் மரணமடைந்தார். இதன் தொடர்பில் 57 வயது வில்சன் லிம் ஹீ லெங் தனது கவனக்குறைவால் மரணத்தை விளைவித்த குற்றத்தை ஒப்புக்கொண்டார். $15,000 பிணையில் விடுவிக்கப்பட்டுள்ள வில்சனுக்கு, அதிகபட்சமாக இரண்டு ஆண்டு சிறையோ அபராதமோ அல்லது இரண்டுமோ தண்டனையாக விதிக்கப்படலாம்.2018-04-20 06:00:00 +0800

இரண்டாவது முறை கொலை; ஆடவருக்கு ஆயுள் தண்டனை

1999ஆம் ஆண்டு உறவினரைக் கொலை செய்ததற்காக மனநலக் கழகத்தில் ஏழாண்டுகள் செலவிட்டும் 58 வயது யாக்கூப் முகமது யதீம் மற்றுமொரு கொலையைச் செய்துள்ளார். 2015ஆம் ஆண்டு மே 3ஆம் தேதி 48 வயது அப்துல் ர‌ஷீத் முகமது நெங்கலை கத்தியால் குத்தி அவரது மரணத்திற்குக் காரணமாகியுள்ளார். இருவருக்குமிடையிலான பகையால் ஒருவருக்கொருவர் வாக்குவாதத்தில் ஈடுபட்ட தாகவும் கேலாங்கின் காப்பிக் கடை ஒன்றில் இருந்தபோது இச்சம்பவம் ஏற்பட்டதாகவும் கூறப்படுகிறது. மறுநாள் யாக்கூப் கைது செய்யப்பட்டார். அவரது வழக்கறிஞர் கேட்டுக்கொண்டதுபோல நீதிபதி ஆயுள் தண்டனையை யாக்கூப்பிற்கு விதித்துள்ளார்.

மாணவர்கள் கைகலப்பு: விசாரணை நடத்தும் பலதுறைத் தொழிற்கல்லூரி

தெமாசெக் பலதுறைத் தொழிற்கல்லூரியைச் சேர்ந்த மூன்று மாணவர்கள் கல்லூரியின் விரிவுரை அரங்கில் நேற்று முன்தினம் கைகலப்பில் ஈடுபட்டதையடுத்து அது குறித்து கல்லூரி விசாரணை நடத்திவருகிறது. சம்பவம் குறித்து சமூக ஊடகங்களில் வீடியோ பதிவுகள் பரவி வந்துள்ளன. அந்த 18 நிமிட காணொளியில் மாணவர் ஒருவர் தகாத வார்த்தைகளைக் கூறி கத்தியதும் அவரை மற்றொரு மாணவர் கழுத்தை நெரித்த காட்சியும் பதிவாகியுள்ளது. விரிவுரையாளர் மாணவரைத் தடுத்தும் சண்டை தொடர்ந்துள்ளது. பாதுகாவலர் வந்தபின் கைகலப்பு முடிவுற்றது. இது குறித்து மாணவர்கள் மீது தக்க நடவடிக்கை எடுக்கப்படும் என்றும் கல்லூரி தெரிவித்துள்ளது.

வேலை தேடுவதில் கைதிகளுக்கு உதவி

ஊழியர் சந்தையில் ஏற்பட்டு வரும் அதிவிரைவான மாற்றம், ஊழியர்கள் பலருக்கு கவலை அளித்துள்ளது. பல ஆண்டுகளாக வேலை அனுபவமின்றி சமுதாயத் திற்குள் மீண்டும் அடியெடுக்கும் முன்னைய கைதிகளுக்கு அந்தக் கவலை பன்மடங்கு அதிகம். அவர்களுக்கு உதவும் பொருட்டு, ‘ஸ்கோர்’ எனப்படும் மறுவாழ்வு அமைப்புகளுக்கான சிங்கப்பூர் கழகம், கைதிகளுக் கான தனது வேலைவாய்ப்பு வழி காட்டுதலை மேம்படுத்தியிருக் கிறது. மறுவாழ்வு தொடர்பான பல முயற்சிகள் அதன் திட்டங்க ளில் செயல்படுத்தப்படும்.

Pages