மாணவர் முரசு
இ-பேப்பர்
சிங்கப்பூர்: ஒலிம்பிக் விளையாட்டுகளில் முதன்முறையாகப் பங்கேற்க ஆயத்தமாகிவருகிறார் சிங்கப்பூர் ஓட்டப் பந்தய வீராங்கனை வெரோனிக்கா சாந்தி ெபரேரா.
பெண்கள் 100 மீட்டர் ஓட்டத்தை முடிக்க அவருடைய குறைந்த அளவு நேரம் 11.58 விநாடிகள்.
200 மீட்டர் ஓட்டத்தை முடிக்க அவருடைய குறைந்த அளவு நேரம் 23.60 விநாடிகள்.
இரண்டும் இதுவரை முறியடிக்கப்படாத தேசிய சாதனைகள்.
2013ஆம் ஆண்டில் முதன்முறையாகப் பிரபலமானார் பெரேரா. அப்போது 17 வயதாகவிருந்த அவர், 100 மீட்டர் தூரத்தை 12 விநாடிகளுக்குள் ஓடிய முதல் சிங்கப்பூர் வீராங்கனையாக விளங்கினார்.
அதற்குப் பிறகு அவர் ஏற்றத் தாழ்வுகளைச் சந்தித்தார்.
உதாரணமாக, 2015ஆம் ஆண்டில் சிங்கப்பூரில் நடைபெற்ற தென்கிழக்காசிய விளையாட்டுகளின் 200 மீட்டர் ஓட்டப் பிரிவில் தங்கம் வென்றார்.
ஆனால் 2017ல் கோலாலம்பூரில் நடைபெற்ற தென்கிழக்காசிய விளையாட்டுகளின் 200 மீட்டர் ஓட்டத்தில் வெண்கலம் மட்டுமே வென்றார்.
அதற்கு சுமார் ஓராண்டுக்குப் பிறகு காயமுற்றார்.
தங்களின் விளையாட்டுப் பயணத்தில் ஏற்றத் தாழ்வுகள் இருக்கும் என்பதை ஏற்றுக்கொள்வதே விளையாட்டாளர்களுக்கு சவாலான ஒன்று என்பதை பெரேரா சுட்டினார்.
அதனால் தன்னைக் கட்டுப்படுத்திக்கொண்டு என்ன நடந்தாலும் தனது விளையாட்டுப் பயணத்தை அரவணைக்கும் பக்குவம் இருத்தல் அவசியம் என்றார் ெபரேரா.
ஒலிம்பிக் விளையாட்டுகளுக்குத் தகுதிபெறத் தவறிய ஆகச் சிறந்த தேசிய வீரர்கள் ஒருசிலர் போட்டியில் பங்கேற்க அனுமதிக்கப்படுவர்.
அந்க வகையில் தோக்கியோ ஒலிம்பிக் விளையாட்டுகளில் பங்கேற்கவிருக்கிறார் ெபரேரா. அவ்வாறு 200 மீட்டர் ஓட்டப் பிரிவில் பங்கேற்கவுள்ள நான்கு போட்டியாளர்களில் ஒருவர் ெபரேரா.
ஒலிம்பிக்கில் திடல்தடப் போட்டிகளில் சிங்கப்பூரைப் பிரதிநிதிக்கும் ஒரே வீரரும் இவரே.
ஒலிம்பிக்கில் தனக்கென ஒரு இலக்கை வைத்துக்கொள்ளவில்லை எனச் சொன்ன ெபரேரா, தனது பயிற்றுவிப்பாளர் லூயிஸ் குன்யாவிற்குக் கீழ் தொடர்ந்து முன்னேற்றம் காண்பதில் அக்கறை காட்டுவதாகக் கூறினார்.
குன்யா, 1988, 1992, 1996 ஒலிம்பிக் விளையாட்டுகளில் போர்ச்சுகலைப் பிரதிநிதித்தவர். சென்ற ஆண்டு ஜவனரி மாதம் முதல் அவர் பெரேராவின் பயிற்றுவிப்பாளர்.
