பர்மிங்ஹம்: இங்கிலிஷ் பிரிமியர் லீக் காற்பந்தில் அபாரமாக விளையாடிவந்த நியூகாசல் யுனைடெட்டை எதிர்பாரா விதமாக 3-0 எனும் கோல் கணக்கில் வீழ்த்தியுள்ளது ஆஸ்டன் வில்லா.
ஆட்டத்தின் 11வது நிமிடத்தில் வில்லாவை முன்னுக்கு அனுப்பினார் ஜேக்கப் ரேம்சி. பிறகு 64, 83வது நிமிடங்களில் இரண்டு கோல்களைப் போட்டார் வில்லாவின் நட்சத்திர தாக்குதல் ஆட்டக்காரர் ஒலி வாட்கின்ஸ்.
ஆட்டம் முழுவதும் நியூகாசலைவிட வில்லா மிகவும் சிறப்பாக விளையாடியது. கடந்த சில வாரங்களாக அசத்திவரும் வில்லா, லீக்கில் தொடர்ந்து ஐந்தாவது ஆட்டத்தில் வெற்றிகண்டுள்ளது.