முதன்முறையாக, பன்றியின் இதயம் பொருத்தப்பட்ட ஆடவர் காலமானார்.
இரண்டு மாதங்களுக்கு முன் அவருக்கு மரபணு மாற்றம் செய்யப்பட்ட பன்றியின் இதயம் கொண்டு உறுப்பு மாற்று அறுவை சிகிச்சை செய்யப்பட்டது.
இது மருத்துவ உலகில் மாபெரும் சாதனை எனக் கருதப்பட்டது.
உறுப்பு மாற்று அறுவை சிகிச்சைக்காகக் காத்திருக்கும் நூற்றுக்கணக்கானோரிடம் இது பெரும் நம்பிக்கையை ஏற்படுத்தியது.
சிகிச்சையை மேற்கொண்ட மருத்துவக் குழு எதிர்காலத்தில் இதுபோன்ற அதிகமான உறுப்பு மாற்று அறுவை சிகிச்சைகள் நடத்த நம்பிக்கை கொண்டிருந்தது.
உயிருக்கு அச்சுறுத்தலான இதய நோயால் பாதிக்கப்பட்டிருந்த, அமெரிக்காவைச் சேர்ந்த 57 வயதான டேவிட் பென்னட்டுக்கு ஜனவரி 7ஆம் தேதி சிகிச்சை மேற்கொள்ளப்பட்டது.
சிகிச்சைக்குப் பிறகு அவர் உடல்நலனுடன் இருப்பதாகத் தெரிவிக்கப்பட்டது.
ஆனால் கடந்த சில வாரங்களாக அவருடைய உடல்நிலை மோசமடைய தொடங்கியதாக அவருடைய மருத்துவக் குழு தெரிவித்தது.
பென்னட்டின் இறப்புக்குக் காரணம் சரியாகத் தெரியவில்லை என மருத்துவர்கள் கூறுகின்றனர்.