You are here

திரைச்செய்தி

தெலுங்கில் கால்பதிக்கும் விஜய் சேதுபதி

தமிழ்த் திரையுலகில் வெற்றி வலம் வந்த மகிழ்ச்சியில் தற்போது தெலுங்கில் கால்பதிக்கிறார் விஜய் சேதுபதி. ‘சைரா நரசிம்ம ரெட்டி’ என்ற தலைப்பில் தெலுங்கில் சரித்திரப் படம் ஒன்று உருவாகி வருகிறது. உய்யாலவாடா நரசிம்ம ரெட்டி என்ற கதாபாத்திரத்தில் நடிக்கிறார் சிரஞ்சீவி. இவருக்கு ஜோடியாக நடிப்பவர் நயன்தாரா. இது சிரஞ்சீவி நடிக்கும் 151ஆவது படம். சுரேந்தர் ரெட்டி இயக்க, ராம் சரண் தயாரிக்கும் இப்படம் 150 கோடி பட்ஜெட்டில் உருவாகிறதாம். பண்டைய காலத்தில் தெலுங்கு தேசத்தில் நடந்த சுதந்திரப் போராட்டத்தை மையமாக வைத்து உருவாகும் இப்படத்தில் அமிதாப் பச்சன் முக்கிய வேடத்தில் தோன்றுகிறார்.

இரண்டு வாரங்கள் கழித்து கணவரின் படத்தைப் பார்த்த நஸ்ரியா

அண்மையில் வெளிவந்து பெரும்பாலான மக்கள் பார்த்து ரசித்த ‘வேலைக்காரன்’ படத்தை நஸ்ரியா நேற்று முன்தினம்தான் பார்த்திருக்கிறார். இந்தப் படத்தில் நஸ்ரியாவின் கணவர் ஃபஹத் ஃபாசில் முதன் முதலாக தமிழில் வில்லனாக நடித்திருக்கிறார். இந்தப் படத்தில் நாயகனாக சிவகார்த்திகேயன் நடித்திருக்கிறார். இந்தப் படத்தைப் பார்த்ததும் டுவிட்டரில் “வேலைக்காரன் படத்தை மிகவும் ரசித்துப் பார்த்தேன். என் கணவர் தமிழில் அறிமுகமானதற்கு நான் மகிழ்ச்சி அடைகிறேன்,” என்று கூறியிருந்தார் நஸ்ரியா. அதைப் பார்த்த ரசிகர்கள் பதிலுக்கு, “கணவர் நடித்த படத்தை இத்தனை நாட்கள் கழித்துப் பார்த்திருக்கிறீர்கள்.

ஜெயம் ரவி: என் மகனுக்கும் உங்கள் ஆதரவு வேண்டும்

ஆரவ்

ஜெயம் ரவி, நிவேதா பெத்துராஜ் நடிப்பில் வெளிவர இருக்கும் படம் ‘டிக் டிக் டிக்’. ‘நாணயம்’, ‘நாய்கள் ஜாக்கிரதை’, ‘மிருதன்’ படங்களை இயக்கிய சக்தி சவுந்தர்ராஜன் இந்தப் படத்தை இயக்கி உள்ளார். இமான் இசை அமைத்துள்ளார். படத்தின் பாடல் வெளியீட்டு விழா நேற்று முன்தினம் நடந்தது. இதில் கலந்துகொண்டு ஜெயம் ரவி பேசியபோது, “முதன் முதலில் ‘ஸ்பேஸ் திரில்லர்’ படத்தில் நடிக்கிறேன். இந்தப் படத்தின் அரங்கத்தைப் பார்த்ததும் இதில் நடிக்கும் ஆவல் அதிகமானது. அரங்கம் உண்மையான விண்வெளி ஆய்வகத்தைப் போலவே இருந்தது.

மீண்டும் விஜய்க்கு ஜோடியான கீர்த்தி

விஜய், இயக்குநர் ஏ.ஆர்.முருகதாஸ் கூட்டணியில் உருவாகும் புதிய படம் ‘தளபதி 62’ என்பது தெரிந்த சங்கதிதான். இதுநாள் வரை படத்தின் கதாநாயகிக்கான தேடுதல் வேட்டை நடந்து வந்தது. தற்போது ஒருவழியாக நாயகியைத் தேர்வு செய்திருக்கிறது படக்குழு. ‘பைரவா’ படத்தில் விஜய்யுடன் இணைந்து நடித்த கீர்த்தி சுரேஷ் தான் இப்படத்திலும் அவருடன் மீண்டும் ஜோடி சேர இருக்கிறார். சூர்யாவுடன் இணைந்து நடிக்க வேண்டும் என்ற தனது சிறு வயது கனவு தற்போது நனவானது என அண்மையில் கூறியிருந்தார் கீர்த்தி. தற்போது விஜய்யின் அடுத்த படத்திலும் தனக்கு வாய்ப்பு கிடைத்திருப்பது மேலும் உற்சாகம் அளிப்பதாகக் கூறுகிறார்.

மலேசியாவில் வெளியிடப்படும் விஜய் சேதுபதி படப் பாடல்கள்

ஆறுமுக குமார் இயக்கத்தில் விஜய் சேதுபதி, கெளதம் கார்த்திக் இணைந்து நடித்துள்ள படம் ‘ஒரு நல்ல நாள் பாத்து சொல்றேன்’. நிகரிகா நாயகியாக நடித்துள்ளார். இதில் விஜய் சேதுபதி பழங்குடி இனத் தலைவராகவும், பல வித்தியாசமான தோற்றங்களிலும் திரையில் தோன்றுவாராம். அண்மையில் வெளியான இப்படத்தின் முன்னோட்டம், முதல் பார்வைக் காட்சிகள் ரசிகர்களை வெகுவாகக் கவர்ந்தன. இதையடுத்து நாளை மலேசியாவில் நடக்க இருக்கும் நட்சத்திரக் கலை விழாவில் இப்படத்தின் பாடல் வெளியீடு நடத்தப்படும் என அறிவிக்கப்பட்டுள்ளது.

‘மன்னர் வகையறா’ படத்தை நம்பும் விமல்

‘மன்னர் வகையறா’ படத்தில் விமல், கயல் ஆனந்தி.

ஒரு காலத்தில் முன்னணி நாயகர்களின் பட்டியலில் இரண் டாவது வரிசையில் இருந்தவர் தான் விமல். முதல் வரிசையை நோக்கி நகர்ந்து கொண்டிருந்த வேளையில், அவர் நடித்த ஒன்றிரண்டு படங்கள் சோடை போகவே பின்னுக்குத் தள்ளப் பட்டார். இந்நிலையில் பூபதி பாண்டி யன் இயக்கத்தில் உருவாகி உள்ள ‘மன்னர் வகையறா’வைத் தான் பெரிதும் எதிர்பார்த்து இருக்கிறாராம்.

ரஜினி ரசிகர் மன்றங்களில் இருந்து திமுகவினர் வெளியேறுவர்

மா.சுப்பிரமணியன். படம்: தகவல் ஊடகம்

சென்னை: கொள்கை வேறு, சினிமா வேறு என்பதை திமுக தொண்டர்கள் நன்றாக அறிந்து வைத்துள்ளதாக சென்னை முன்னாள் மேயரும் திமுக எம்எல் ஏவுமான மா.சுப்பிரமணியன் தெரிவித்துள்ளார். நடிகர் ரஜினி புதுக்கட்சி தொடங்க இருப்பது குறித்து செய்தியாளர்களிடம் பேசிய அவர், புதுக்கட்சிகளின் வருகை யால் தங்களுக்கு எந்தவித பிரச்சினையும் இல்லை என்றார். “ரஜினி தனிக்கட்சி ஆரம் பிப்பதாக அறிவித்து இருப்பதன் மூலம் எங்கள் தொண்டர்கள் ரஜினி ரசிகர் மன்றங்களில் இருந்து வெளியேறுவார்கள். ஏனெனில் அரசியல், சினிமா ஆகியவை குறித்து திமுகவின ருக்கு நன்றாகத் தெரியும்,” என் றார் மா. சுப்பிரமணியன்.

சினிமாவில் அறிமுகமாகும் ஜூலி

‘பிக்பாஸ்’ புகழ் ஜூலி தமிழ்ச் சினிமா உலகில் நாயகியாக அடியெடுத்து வைக்க உள்ளார். இப்படத்தை ‘கே-7 புரொடக்ஷன்ஸ்’ நிறுவனம் தயாரிக்கிறது. ‘ஜூலியும் 4 பேரும்’, ‘தப்பாட்டம்’ போன்ற படங்களில் நடித்த துரை சுதாகர் இப்படத்தில் முக்கிய கதாபாத்திரத்தில் நடிக்க ஒப்பந்தமாகியுள்ள நிலையில், இயக்குநர், படத்தின் தலைப்பு, தொழில்நுட்பக் கலைஞர்கள் குறித்த விவரங்கள் விரைவில் அறிவிக்கப்பட உள்ளன. “கதையைக் கேட்டதும் எனக்குப் பிடித்துவிட்டது. இப்படம் என் வாழ்க்கையில் திருப்புமுனையை ஏற்படுத்தும். ஏனெனில் அந்தளவு எனக்கு முக்கியத்துவம் அளிக்கப்படுமாம்,” என்று உற்சாகத் துள்ளலுடன் சொல்கிறார் ஜூலி.

மனக்கதவைத் திறக்க வரும் ‘சாவி’

‘முத்துக்கு முத்தாக’ படத்தில் அறிமுகமான பிரகாஷ் சந்திரா நாயகனாக நடித்துள்ள படம் ‘சாவி’. அண்மையில் வெளியான ‘அறம்’ படத்தில் தனது யதார்த்தமான நடிப்பை வெளிப்படுத்திய சுனுலெட்சுமிதான் இப்படத்தின் நாயகி. “மதுரையில் வாழும் இளைஞன் ஒருவனுடைய வாழ்வில் ஏற்படும் திடீர் திருப்பங்களுடன் கூடிய சம்பவங்களே ‘சாவி’ படத்தின் கதை. இந்தச் ‘சாவி’ உங்களுடைய இதயங்களையும் திறக்கக்கூடும்,” என்கிறார் படத்தின் இயக்குநர் இரா.சுப்பிரமணியன். ராஜலிங்கம் வில்லனாக நடித்துள்ள ‘சாவி’க்கு இயக்குநரே இசையும் அமைத்துள்ளார்.

அன்பால் நெகிழ்ந்த நயன்தாரா

ரசிகர்கள் தன் மீது வைத்துள்ள அன்பின் உதவியால், வாழ்க்கை எவ்வளவு அழகானது என்பதைத் தான் உணர்ந்துள்ளதாக நடிகை நயன்தாரா தெரிவித்துள்ளார். புத்தாண்டையொட்டி தன் கைப்பட எழுதிய அறிக்கை ஒன்றை அவர் வெளியிட்டுள்ளார். “அர்ப்பணிப்புடன் கடுமையான உழைப்பைச் செலுத்தி மற்ற விஷயங்களைக் கடவுளிடம் விட்டு விட வேண்டும் என்பதையும் நீங்கள் எனக்கு உணர்த்தி உள்ளீர்கள். அன்பினாலும் நேர்மறை விஷயங் களாலும் இந்த வருடம் அருமையாக அமைந்துள்ளது. உங்களால்தான் நான் இந்த இடத்தில் உள்ளேன். “உங்கள் இதயத்தில் எனக்கும் சிறிய இடம் அளித்ததற்கு மிக்க நன்றி,” என்று குறிப்பிட்டுள்ளார் நயன்தாரா.

Pages