மாணவர் முரசு
இ-பேப்பர்
மியூனிக்: காற்பந்தில் விளையாட்டு வீரராக முத்திரைப் பதித்த ஸ்பெயினின் சாபி அலோன்சோ, தற்போது நிர்வாகியாகவும் சாதித்து வருகிறார்.
ஜெர்மனிய காற்பந்து அணியான பாயர் லிவர்குசன் குழுவுக்கு நிர்வாகியாக செயல்பட்டு வருகிறார் அலோன்சோ.
அவரது நிர்வாகத்தின் கீழ் அந்த அணி சிறப்பாக விளையாடி வருகிறது. தற்போது புள்ளிப் பட்டியலில் அது முதலிடத்தில் உள்ளது.
இந்நிலையில் பிரபல காற்பந்துக்குழுக்களான லிவர்பூல், பயர்ன் மியூனிக் ஆகியவை அலோன்சோவை தங்களது நிர்வாகியாக மாற்றத் திட்டமிட்டுவருகின்றன.
“ விடுமுறை நேரத்தில் எனது எதிர்காலம் குறித்து சிந்தித்துப் பார்த்தேன். இளம் நிர்வாகியான எனக்கு பாயர் லிவர்குசன் சிறந்த இடமாக இருக்கும், அதனால் அந்த அணியின் பயிற்றுவிப்பாளராக தொடர்வேன்” என்று அலோன்சோ வதந்திகளுக்கு முற்றுப்புள்ளி வைத்தார்.
பாயர் லிவர்குசன் அணிக்கு 2026ஆம் ஆண்டு வரை நிர்வாகியாக ஒப்பந்தம் செய்யப்பட்டுள்ளார் அலோன்சோ.
