கடகம்

இன்றைய பலன்:

கடகம் சில்லரை விவகாரங்களைப் பெரிதுபடுத்த வேண்டாம். இன்று நெருக்கமானவர்களுக்காக விட்டுக்கொடுத்துச் செயல்படுவது நல்லது.

அதிர்ஷ்ட எண்கள்: 1, 5 நிறம்: ஊதா, சிவப்பு

வாரப் பலன்:

அன்­புள்ள கடக ராசிக்­கா­ரர்­களே,

இவ்வாரம் சந்திரன் அருள்பார்வை கிடைத்திடும். புதன், சூரியன், சுக்கிரன், ராகு, கேது நலம்புரிவர். குரு, சனிபலம் கெடும். செவ்வாயின் இடமாற்றம் சாதகமாக அமையாது.

நல்ல திட்டங்களைத் தீட்டி திறமையாகச் செயல்படக் கூடியவர் நீங்கள். தற்போது அமைதியாகவும் அதிக எதிர்பார்ப்புகள் இன்றியும் செயல்பட வேண்டி இருக்கும். கோள்களின் சாதகமற்ற தன்மையைக் கவனத்தில் கொண்டு நிதானமாக நடைபோடப் பாருங்கள். இவ்வாரம் மனதில் இனம்புரியாத ஒரு குழப்பம் குடிகொண்டிருக்கும். யாரை நம்புவது, எதைச் செய்வது என முடிவு எடுக்க இயலாமல் தடுமாற நேரிடலாம். திட்டமிட்ட வேலைகளைச் செய்து முடிப்பதற்கு அதிகம் மெனக்கெட வேண்டியிருக்கும். எப்பாடுபட்டாவது தடைகளை மீறி முக்கியப் பொறுப்புகளை நிறைவேற்றி விடுவீர்கள் என நம்பலாம். உங்களில் சிலருக்கு வயிற்று வலி, மனச்சோர்வு என சிறு உடல் கோளாறுகள் தோன்றி மறையக்கூடும். உழைப்பிற்குரிய ஓய்வும் மருத்துவ ஆலோசனைகளும் தேவை. வருமானம் சற்றே அதிகரிக்கும் என எதிர்பார்க்கலாம். எனினும் சிக்கனமாகச் செயல்பட்டு நாள்களை கடத்தப்பாருங்கள். பயணங்கள் மூலம் நேரம் விரயமாகும். புது முயற்சிகளில் அதிக முதலீடுகள் கூடாது. முன்பே திட்டமிட்ட மங்கலப் பேச்சுகள் இனிதே நடந்தேறும். சொத்துகள் வாங்கும், விற்கும் முயற்சிகள் வளர்முகமாக அமையும். பணியாளர்களுக்கு திடீர் சலுகைகள் கிட்டும். வியாபாரத்தில் புதிய நுணுக்கங்கள் பிடிபடும். வார இறுதியில் எதிர்பாராத உதவிகள் தேடி வரக்கூடும். இச்சமயம் வீண் விவகாரங்கள் தலைதூக்கும் வாய்ப்பு உண்டு.

குடும்பத்தில் அனைவரும் விட்டுக்கொடுத்துச் செயல்படுவது நல்லது.

அனுகூலமான நாள்கள்: ஏப்ரல் 25, 27

அதிர்ஷ்ட எண்கள்: 4, 9