கும்பம்

இன்றைய பலன்:

கும்பம் பணிகளைப் பட்டியலிட்டுக் கொண்டு ஒன்றன்பின் ஒன்றாகச் செய்து முடிக்கப் பாருங்கள். இன்று தடைகள் உண்டு. நல்ல ஆலோசனைகளும் கிட்டும்.

அதிர்ஷ்ட எண்கள்: 4, 9 நிறம்: ஊதா, வெண்மை

வாரப் பலன்:

அன்­புள்ள கும்ப ராசிக்­கா­ரர்­களே,

இவ்வாரம் நிகழும் மாதக்கோளான சுக்கிரனின் இடமாற்றம் சிறப்பானது. புதன், சூரியனின் ஆதரவுண்டு. குரு, சனி, ராகு, கேது, சந்திரனால் நலமில்லை. செவ்வாயின் இடமாற்றம் சாதகமற்றது.

அதிகம் பேசாமல் அமைதியாகவே நினைத்ததைச் சாதிக்கக் கூடியவர் என உங்களைக் குறிப்பிடலாம். இவ்வார கிரக அமைப்பைப் பார்த்தால் உங்களது வாழ்க்கைப் பயணத்தில் மேடு, பள்ளம் இரண்டும் இருக்கும் எனப் புலனாகிறது. அடுத்து வரும் நாள்களில் சவாலான பொறுப்புகள் காத்திருக்கும். இச்சமயம் வேகம் இருந்தால் மட்டும் போதாது. சூழ்நிலைக்கேற்ற, விவேகமான செயல்பாடுதான் உரிய வெற்றியைத் தரும். இவ்வாரம் உங்களுக்குரிய வரவுகள் ஓகோ என்று இல்லாவிட்டாலும் ஓரளவு மனநிறைவு தருவதாக இருக்கும். வீண் செலவுகளைக் கட்டுப்படுத்துவது முக்கியம். உடல்நலத்தைப் பொறுத்தவரையில் ஒரே சீராக இருக்காது. எனவே ரத்த அழுத்தம், நீரிழிவுப் பிரச்சினை உள்ளவர்கள் இரட்டிப்புக் கவனத்துடன் செயல்படுவது நல்லது. மங்கலப் பேச்சுகள் ஆமை வேகத்தில் நகரும். பணியாளர்கள் சக ஊழியர்களை அனுசரித்து நடப்பது முக்கியம். சுயதொழில் புரியும் வியாபாரிகள் அனுபவசாலிகளின் ஆலோசனைப்படி செயல்படுவது நல்லது. வார இறுதியில் உங்கள் மனம் மகிழும்படியான நல்ல செய்தி கிடைத்திடும்.

குடும்பத்தில் அமைதி நிலவும். பிள்ளைகள் அன்பாகவும் ஆதரவாகவும் இருப்பர்.

அனுகூலமான நாள்கள்: ஏப்ரல் 26, 27

அதிர்ஷ்ட எண்கள்: 3, 7