ரிஷபம்

இன்றைய பலன்:

ரிஷபம் முக்கியம் எனக் கருதிய பணிகள் தங்கு தடைகள் இன்றி எளிதே நடந்தேறும். இன்று உழைப்பிற்குரிய ஆதாயங்கள் கிட்டும்.

அதிர்ஷ்ட எண்கள்: 5, 9 நிறம்: இளஞ்சிவப்பு, நீலம்

வாரப் பலன்:

அன்­புள்ள ரிஷப ராசிக்­கா­ரர்­களே,

இவ்வாரம் இடம்பெயரும் சுக்கிரன், செவ்வாயின் மங்கலத்தன்மை சிறக்கும். சந்திரன், புதன், ராகு நற்பலன்களைத் தருவர். குரு, சனி, சூரியன், கேது ஆகியோர் வலுவிழந்துள்ளனர்.

நேர்மை ஒன்றையே கொள்கையாகக் கொண்டு வாழக்கூடியவர்கள் நீங்கள். தற்போது கோள்களின் அமைப்பு மாறவில்லை என்றாலும் உங்களுடைய வாழ்க்கைப் பயணத்தில் தடைகளும் சிக்கல்களும் ஓரளவு குறைந்திருக்கும் என எதிர்பார்க்கலாம். இவ்வாரம் வருமானம் அதிகரிக்க வாய்ப்பில்லை. எனினும் விரயங்களும் செலவுகளும் குறைந்திருக்கும். கையிருப்பைக் கொண்டு நாள்களைக் கடத்திட இயலும். திட்டமிட்டபடி பணிகளை முடிக்க அதிக உழைப்பு தேவைப்படும். உதவிகளை எதிர்பார்க்க வேண்டாம். நண்பர்களும் உறவினர்களும் அளவோடு பேசிப் பழகுவர். உடல்நலம் லேசாகப் பாதிக்கப்படலாம். கூடுமானவரை அலைச்சல் தரும் பயணங்களைத் தவிர்க்கப் பாருங்கள். பண விவகாரங்கள், சொத்துகள் தொடர்பான நடவடிக்கைகளில் நிதானம் தேவை. பணியாளர்கள் அதிகம் உழைக்க வேண்டியிருக்கும். வியாபாரம் சிக்கலின்றி நடந்தேறும். இவ்வார இறுதியில் சூழ்நிலை சாதகமாகும். முன்பு தடைபட்ட பணிகள் சில இச்சமயம் முன்னேற்றம் காணும்.

குடும்பத்தில் புரிந்துணர்வு அதிகரிக்கும். பிள்ளைகள் ஆதரவு உண்டு.

அனுகூலமான நாள்கள்: ஏப்ரல் 25, 26

அதிர்ஷ்ட எண்கள்: 3, 7