பெரிய கார்களுக்கான வாகன உரிமைச் சான்றிதழ் கட்டணம் 2022ஆம் ஆண்டு அக்டோபர் மாதத்துக்குப் பிறகு முதல்முறையாக $100,000க்கும் குறைவாக இறக்கம் கண்டுள்ளது.
இப்பிரிவுக்கான கட்டணம் $110,001லிருந்து $85,010ஆகக் குறைந்துள்ளது.
சிறிய கார்களுக்கான வாகன உரிமைச் சான்றிதழ் இதைவிட அதிகம் குறைந்துள்ளது.
இரண்டு வாரத்துக்கு முன்பு அது $85,000ஆக இருந்தது.
தற்போது அது $65,010ஆகக் குறைந்துள்ளது.
பொதுப் பிரிவுக்கான கட்டணம் 10.1 விழுக்காடு குறைந்து $106,388ஆகப் பதிவாகியுள்ளது.
சரக்கு வாகனங்களுக்கான கட்டணம் 2.6 விழுக்காடு குறைந்துள்ளது. அதன் கட்டணம் $67,599.
மோட்டார் சைக்கிள்களுக்கான வாகன உரிமைச் சான்றிதழ் கட்டணம் மட்டும் உயர்ந்துள்ளது.
$9,002ஆக இருந்த கட்டணம், $9,114ஆக அதிகரித்துள்ளது.