You are here

இந்தியா

எஸ்விஎஸ் மாணவர்களை அரசு கல்லூரிக்கு மாற்ற தமிழக அரசு உத்தரவு

விழுப்புரம்: எஸ்விஎஸ் யோகா, இயற்கை மருத்துவக் கல்லூரியில் பயின்று வரும் மாணவர்களை அரசு யோகா, இயற்கை மருத்துவக் கல்லூரிக்கு மாற்றம் செய்திட தமிழக அரசு உத்தரவிட் டுள்ளாது. இது தொடர்பாக வெளி யிடப்பட்டுள்ள அறிக்கையில், எஸ்விஎஸ் யோகா, இயற்கை மருத்துவக் கல்லூரியில் பயின்று வரும் மாணவர்களின் நலன் கருதியும் அவர்களின் கல்வி எவ்விதத்திலும் பாதிக்கக் கூடாது என்ற நோக்கிலும் நடவடிக்கை எடுத்துள்ளதாகக் கூறியுள்ளார். இந்நிலையில், தனியார் மருத்துவக் கல்லூரி மாணவிகள் மூவர் உயிரிழந்தது தொடர்பான வழக்கை சிபிசிஐடி பிரிவுக்கு மாற்றம் செய்து டிஜிபி அசோக் குமார் உத்தரவு பிறப்பித்துள்ளார்.

சிங்கப்பூர் பயணியிடம் கத்தை கத்தையாக அமெரிக்க கள்ளப் பணம் பறிமுதல்

சென்னை விமான நிலையம். கோப்புப்படம்

ஏராளமான அமெரிக்க டாலர் நோட்டுகளை சிங்கப்பூருக்குக் கடத்தி வரமுயன்ற ஆடவர் சென்னையில் பிடிபட்டுள்ளார். சென்னை அனைத்துலக விமான நிலையத்தில் இருந்து நேற்று அதிகாலை 2 மணியளவில் விமானம் ஒன்று சிங்கப்பூருக்குப் புறப்படத் தயாரானது. பயணிகளின் உடைமைகளைச் சுங்க அதிகாரிகள் சோதனை செய்தபோது ஆடவர் ஒருவரின் கைப்பை மீது அவர்களுக்குச் சந்தேகம் ஏற்பட்டது. அந்தப் பை நிறைய கத்தை கத்தையாக அமெரிக்க டாலர் நோட்டுகள் இருந்ததால் அவரைத் தனியாக அழைத்துச் சென்று அதிகாரிகள் சோதனை செய்தனர்.

‘கவரிங்’ நகையை வீசியெறிந்து பெண்ணை அறைந்த திருடன்

திருச்சி: திருவானைக்காவல் ஒத்ததெருவில் வசிப்பவர் தனபாக்கியத்தம்மாள் (60). இவர் கடந்த சில நாட்களுக்கு முன்பு தமது வீட்டு வாசலில் அதிகாலையில் கோலம் போட்டுக்கொண்டு இருந்தார். அப்போது, இருசக்கர வாகனத்தில் வந்த இரண்டு பேர் தனபாக்கியத்தாம்மாளின் கழுத்தில் கிடந்த சங்கிலியைப் பறித்துச் சென்றனர். புகாரின் பேரில், ஸ்ரீரங்கம் குற்றப் பிரிவு காவல்துறையினர் இது குறித்து விசாரித்தனர். இதனிடையே, சங்கிலியைப் பறித்துச் சென்ற நபர்கள் அதை விற்க முயன்றபோது, அது “கவரிங்’ என்று தெரியவந்தது.

விண்ணப்பித்த நான்கே நாட்களில் பாஸ்போர்ட்

மதுரை கடப்பிதழ் வழங்கும் அலுவலகம், படம்: தி இந்து

போலிஸ் விசாரணையின்றி பாஸ்போர்ட் வழங்கும் முறை இந்தியா முழுவதும் கடந்த புதன்கிழமை நடப்புக்கு வந்தது. இது குறித்து நேற்று முன்தினம் விவரித்த மதுரை மண்டல பாஸ் போர்ட் அதிகாரி எஸ். மணீஸ்வர ராஜா, “ஆதார் அட்டை, வாக்காளர் அட்டை, நிரந்தரக் கணக்கு எண் (பான்) அட்டை ஆகியவற்றைச் சமர்ப்பித்தால் நான்கு வேலை நாட்களுக்குள் பாஸ்போர்ட் வழங் கப்படும்,” என்றார்.

ஜெயலலிதா சொத்துக்குவிப்பு வழக்கு; விசாரணை ஒத்திவைப்பு

புதுடெல்லி: ஜெயலலிதா மீதான சொத்துக்குவிப்பு மேல்முறையீட்டு வழக்கில் இறுதி விசாரணை வரும் பிப்ரவரி 23ஆம் தேதிக்கு ஒத்திவைத்து உச்சநீதிமன்றம் உத்தரவு பிறப்பித்துள்ளது. கர்நாடக அரசு, ஜெயலலிதா தரப்பு கோரிக்கையை ஏற்று பிப்ர வரி 2ஆம் தேதி விசாரிக்கப்பட இருந்த இந்த வழக்கை உச்ச நீதிமன்றம் ஒத்திவைத்துள்ளது. நீதிபதி பினாகி சந்திரகோஸ் அமர்வு இந்த உத்தரவைப் பிறப் பித்துள்ளது. தமிழக முதல்வர் ஜெயலலிதா மீதான சொத்துக்குவிப்பு வழக்கு உச்ச நீதிமன்றத்தில் பினாகி சந்திரகோஷ், அமித்வா ராய் ஆகியோர் அடங்கிய அமர்வு முன் விசாரணைக்கு வந்தது.

40 லட்சம் போலி வாக்காளர்களை நீக்க தேர்தல் அதிகாரியிடம் திமுக மனு

திமுக செய்தித் தொடர்பாளர் டிகேஎஸ் இளங்கோவன்

சென்னை: அண்மையில் வெளி யிடப்பட்ட வாக்காளர் பட்டியலில் 5 கோடியே 79 லட்சம் வாக்காளர் கள் இடம்பெற்றிருந்தனர். ஆனால், வாக்காளர்களின் எண்ணிக்கை திடீரென அதிகரித் திருப்பதால் சுமார் 40 லட்சம் வாக்காளர்கள் போலியாக சேர்க் கப்பட்டிருக்கலாம் என்று திமுக தலைவர் கருணாநிதி கூறியிருந் தார். இந்த நிலையில் நேற்று திமுக செய்தித் தொடர்பாளர் டிகேஎஸ் இளங்கோவன் தலைமையிலான திமுகவினர் தலைமைச் செயல கத்தில் தலைமைத் தேர்தல் அதி காரி ராஜேஷ் லக்கானியைச் சந்தித்து போலி வாக்காளர்களை நீக்கக் கோரி மனு கொடுத்தனர்.

‘கட்டுவிரியன்’, ‘கண்ணாடி விரியன்’ என்று கூறியதற்காக திருமா வருத்தம்

மதுரை: ‘கட்டுவிரியன்’, ‘கண் ணாடிவிரியன்’ என்று பேசியதற் காக விடுதலைச் சிறுத்தைகள் கட்சித் தலைவர் திருமாவளவன் வருத்தம் தெரிவித்துள்ளார். மதுரையில் நடந்த மக்கள் நலக் கூட்டணியின் அரசியல் எழுச்சி மாநாட்டில் பேசிய திருமா வளவன், அதிமுகவையும் திமுக வையும் ‘கட்டுவிரியன்’, ‘கண் ணாடி விரியன்’ பாம்புகளுடன் ஒப்பிட்டுப் பேசினார். மதுரை மாநாட்டில் திருமா வளவன் காரசாரமாக தனது பேச்சைத் துவக்கினார்.

கருணைக் கொலை செய்ய மனுவுடன் வந்த பெண்

சென்னை: தன்னைக் கருணைக் கொலை செய்ய உத்தரவிடுங்கள் என்று கோரிக்கை விடுக்கும் மனுவுடன் வந்த பெண்ணால் சென்னை அரசு மருத்துவமனை யில் பரபரப்பு நிலவியது. தமிழ்நாடு சுதேசி பெண்கள் பாதுகாப்பு சங்கத்தின் தலைவர் கலைச்செல்வி. இவர் புதன் கிழமையன்று சென்னை அரசு மருத்துவமனைக்கு மனுவுடன் வந்தார். எனினும் அங்கிருந்த காவல்துறையினர் அவரை உள்ளே அனுமதிக்க மறுத்தனர். இதையடுத்து செய்தியாளர்க ளிடம் பேசிய கலைச்செல்வி, கடந்த பல ஆண்டுகளாக தமிழகத்தில் முழு மதுவிலக்கு வேண்டி தமிழக பெண்கள் போராடி வந்தும் அதற்குப் பலன் கிடைக்கவில்லை என்றும் இதற்குத் தமிழக அரசே காரணம் என்றும் கூறினார்.

திமுக, அதிமுக தலைவர்களை விமர்சிக்கவில்லை: திருமா விளக்கம்

மதுரை: திமுக, அதிமுக தலைவர் களை தனிப்பட்ட முறையில் விமர் சிக்கவில்லை என விடுதலைச் சிறுத்தைகள் கட்சித் தலைவர் திருமாவளவன் விளக்கம் அளித்துள்ளார். மதுரையில் செய்தியாளர்க ளிடம் பேசிய அவர், மக்கள் நல கூட்டணி மாநாடு அரசியலில் ஒரு திருப்புமுனையாக அமையும் என நம்பிக்கை தெரிவித்தார். “மதுரையில் நடைபெற்ற மாநாட்டில் நான் பேசும்போது சில ஊழல்களை குறிப்பிட்டிருந்தேன். அது திமுக தலைவரையோ, அதி முக பொதுச்செயலரையோ விமர் சித்து தனிப்பட்ட முறையில் பேசியதல்ல. அவ்வாறு நான் விமர்சித்துள்ளதாக அந்தந்தக் கட்சிகளின் தொண்டர்கள் கருதி இருந்தால் அதற்கு நான் வருத் தம் தெரிவித்துக் கொள்கிறேன்,” என்றார் திருமாவளவன்.

மதிக்காத தமிழக அரசு: சாடுகிறார் ராமதாஸ்

சென்னை: நீதிமன்ற உத்தரவுகளை அரசு மதித்துச் செயல்பட வேண் டும் என பாமக நிறுவனர் டாக்டர் ராமதாஸ் வலியுறுத்தி உள்ளார்.
இது தொடர்பாக அவர் வெளி யிட்ட அறிக்கையில், ஜனநாயகத் தின் தூண்களில் ஒன்றான நீதித் துறையை இன்னொரு தூணான அரசு நிர்வாகம் மதிக்காமல் செயல்பட்டால் அது ஜனநாயகத் துக்கு பெரும் ஆபத்தாக முடியும் என கூறியுள்ளார்.
ஜனநாயகத்தை காப்பதற்காக இனியாவது தமிழக அரசு திருந்த வேண்டும் என்று குறிப்பிட்டுள்ள அவர், நீதிமன்றங்களை மதித்து நடக்க அரசு முன்வர வேண்டும் என கேட்டுக் கொண்டுள்ளார்.

Pages