ஹைதராபாத்: தெலுங்கானா தேர்தலில் முதல்கட்டமாக பாஜகவின் 52 வேட்பாளர் பட்டியலை அக்கட்சியின் மேலிடம் ஞாயிற்றுக்கிழமை வெளியிட்டது.
தெலுங்கானா மாநில சட்டப்பேரவை தேர்தல் நவம்பர் மாதம் 30ஆம் தேதி நடைபெற உள்ள நிலையில், பாஜக ஞாயிற்றுக்கிழமையன்று முதற்கட்டமாக 52 வேட்பாளர் பட்டியலை வெளியிட்டது.
இதில், அக்கட்சியின் தெலுங்கானா மாநில பொதுச் செயலாளர் பண்டி சஞ்சய், கரீம் நகரில் இருந்து போட்டியிட உள்ளார். பிஆர்எஸ் கட்சியில் இருந்து வெளியேறிய முன்னாள் அமைச்சர் ஈடல ராஜேந்தர் இம்முறை சந்திரசேகர ராவுடன் கஜ்வேல் தொகுதியில் நேரடியாக மோதுகிறார். மேலும், ஹுஜூராபாத் தொகுதியிலும் இவர் போட்டியிடுகிறார்.
முதல் பட்டியலில் கோஷாமஹால் தொகுதியில் இருந்து இடைநீக்கம் செய்யப்பட்ட பாஜக எம்.எல்.ஏ. ராஜாசிங்குக்கு மறுபடியும் இதே தொகுதியில் போட்டியிட கட்சி மேலிடம் வாய்ப்பு கொடுத்துள்ளது.
சார்மினார் தொகுதியில் மேகராணியும், பத்ராசலத்தில் தர்மாராவும் போட்டியிடுகின்றனர். விஜயசாந்தி, ஜெயசுதா ஆகியோர் 2வது பட்டியலில் இடம்பெறுவர்.