மாணவர் முரசு
இ-பேப்பர்
நெல்சன் திலீப்குமார் இயக்கத்தில் ரஜினி நடித்து வரும் ‘ஜெயிலர்’ படத்தில் சிவகார்த்திகேயனும் (படம்) இணைந்துள்ளார். அவர் இந்தப் படத்தில் முக்கிய கதாபாத்திரத்தில் நடிப்பதாக முன்பு தகவல் வெளியானது. எனினும் அது வெறும் வதந்தி எனப் பின்னர் தெரியவந்தது.
இந்நிலையில், ‘ஜெயிலர்’ படத்துக்காக ஒரு பாடலை எழுத உள்ளாராம் சிவா. ரஜினியின் தீவிர ரசிகரான அவர், இந்த வாய்ப்பு கிடைக்கும் என எதிர்பார்க்கவே இல்லை என்கிறார்.
திரைப்படப் பாடல்களை எழுதுவதன் மூலம் கிடைக்கும் பணத்தை மறைந்த பாடலாசிரியர் நா.முத்துக்குமாரின் குடும்பத்துக்கு வழங்கி வருகிறார் சிவா.
‘ஜெயிலர்’ படப் பாடலுக்காக அவருக்கு வழக்கத்தைவிட பெரிய தொகை சம்பளமாகப் பேசப்பட்டுள்ளதாம்.
இதற்கிடையே, ரஜினிக்காக அவர் எத்தகைய வரிகளை எழுதப் போகிறார் எனும் எதிர்பார்ப்பு கோடம்பாக்கத்தில் அதிகரித்து வருகிறது. இளையர்களைக் கவரும் வகையில் சிவா வார்த்தைகளையும் வரிகளையும் அமைத்து வருவதாகத் தகவல்.
விக்னேஷ் சிவன் இயக்கும் புதிய படத்தில், விஜய் சேதுபதி நாயகனாக நடிப்பதாகத் தகவல். நயன்தாராதான் கதாநாயகியாம்.
, : தமிழகத்
