வடக்கு-தெற்கு மற்றும் கிழக்கு-மேற்கு ரயில் பாதைகளில் ஒலி இரைச்சல் தடுப்புச் சுவர்களைப் பொருத்தும் மூன்றாம் கட்டப் பணிகளுக்கான ஏலக் குத்த கைக்கு நிலப் போக்குவரத்து ஆணையம் அழைப்பு விடுத்துள் ளது. இந்தப் பணிகளில் தலைக்கு மேல் செல்லும் 5.5 கிலோ மீட்டர் எம்ஆர்டி ரயில் பாதை நெடுகிலும் தடுப்புச் சுவர்கள் அமைக்கப்படும் என்று ஆணையம் நேற்று வெளி யிட்ட அறிக்கையில் தெரிவித்தது. இந்தப் பணிகளுக்கான குத் தகை அடுத்த ஆண்டு ஜூலை மாதத்தில் வழங்கப்படும் என்று எதிர்பார்க்கப்படுகிறது.

சட்டவிரோதமாக 12 நாய்க் குட்டிகளைச் கடத்திக் கொண்டு வர முயன்ற 25 வயது சிங்கப்பூர் ஆடவர் பிடிபட்டார். இம்மாதம் 11ஆம் தேதி அதிகாலை 3.45 மணியளவில் துவாஸ் சோதனைச்சாவடியில் அதிகாரிகள் வாகனச் சோத னையில் ஈடுபட்டிருந்தனர். அப் போது அங்கு வந்து சேர்ந்த சிங்கப்பூர் பதிவெண் கொண்ட காரை சோதித்தபோது ஏதோ வித்தியாசமாக இருந்ததை அவர்கள் உணர்ந்தனர். அவசர காலத்திற்கான மாற்று டயர் வைக்கப்படும் பகுதியில் 12 நாய்க்குட்டிகள் மயக்கநிலையில் இருந்ததை அதிகாரிகள் கண்டு பிடித்தனர். அடைத்து வைக்கப் பட்டிருந்ததால் அவற்றுள் மூன்று குட்டிகள் இறந்துவிட்டன.

‘தி ஆன்லைன் சிட்டிசன்’ என்ற இணையத்தள ஆசிரியர் டெர்ரி ஸுவும், 36, அந்த ஊடகத்திற்கு கட்டுரை எழுதியதாகக் கூறப்படும் டேனியல் டி கோஸ்டா அகஸ்டின், 35, என்பவரும் நேற்று நீதிமன் றத்தில் முன்னிலையானார்கள். அந்த இருவர் மீதும் அவதூறு குற்றச்சாட்டு சுமத்தப்பட்டது. முறைகேடான கணினிப் பயனீட் டுச் சட்டத்தின் கீழ் ஒரு குற்றச் சாட்டையும் அகஸ்டின் எதிர் நோக்குகிறார்.

ஓசிபிசி வங்கியின் முன்னாள் வர்த்தகரான லு சோர் ஷெங், 40, என்பவர், இரண்டு ஆண்டுகளுக்கும் மேற்பட்ட கால கட்டத்தில் அங்கீகாரம் இல்லாமல், இந்த வங்கி முறை மூலம் ஏராளமான அந்நியச் செலாவணி வர்த்தகத்தில் ஈடுபட்டதாகக் கூறப்படுகிறது. இதற்காக அவர் வாடிக்கையாளர்களின் கணக்குகளைப் பயன்படுத்தி இருக்கிறார் என்றும் கூறப்படுகிறது. முறைகேடான கணினிப் பயனீட்டுச் சட்டத்தின் கீழ் லு மீது 40 குற்றச்சாட்டுகள் சுமத்தப்பட்டு இருக்கின்றன. இதர இரண்டு குற்றச்சாட்டுகளையும் அவர் எதிர்நோக்குகிறார். அக்டோபர் தொடக்கத்தில் அவர் குற்றச்சாட்டுகளின் பேரில் குற்றத்தை ஒப்புக்கொண்டார்.

ஜாலான் பூன் லேயில் சென்ற ஆண்டு நவம்பர் 8ஆம் தேதி காலை சுமார் 6.30 மணிக்கு மாடிப் பேருந்தை ஓட்டிச் சென்ற குவா ஆ பா, 67, என்பவர் சாலையில் ஒரு மாது மீது மோதிவிட் டார். இந்த விபத்து காரணமாக டான் மியோவ் ஹியாங், 46, என்ற அந்த மலேசிய மாது மாண்டுவிட்டார். குற்றத்தை ஒப்புக்கொண்ட குவாவுக்கு ஒரு வாரச் சிறைத் தண்டனை விதிக்கப்பட்டது. நான்கு ஆண்டுகளுக்கு அனைத்து வகை வாகனங்களையும் ஓட்டக்கூடாது என்று தடைவிதிக்கப்பட்டது.

தீவு விரைவுச்சாலையில் புதன் கிழமை இரவு நிகழ்ந்த பல வாக னங்கள் சம்பந்தப்பட்ட சாலை விபத்தில் காயம் அடைந்த, மோட் டார்சைக்கிள் பின்னிருக்கை பயணியான 20 வயது மாது ஒருவர் மாண்டுவிட்டார். அந்த விபத்தில் இரண்டு கார்கள், ஒரு பேருந்து, ஒரு மோட் டார்சைக்கிள், ஒரு லாரி ஆகியவை சம்பந்தப்பட்டு இருந்ததாக போலிஸ் தெரிவித்தது. விபத்தில் சிக்கிய மோட்டார் சைக்கிளை ஓட்டிவந்த 22 வயது ஆடவர் சுயநினைவுடன் மருத்துவ மனைக்குக் கொண்டுசெல்லப்பட் டார். இந்த விபத்தில் மோட்டார் சைக்கிளில் பயணம் செய்த இரு வரைத் தவிர வேறு யாருக்கும் காயமில்லை. யாரும் கைதுசெய் யப்படவில்லை. புலன்விசாரணை நடக்கிறது.

ஒரு டாக்சி, பாதசாரி ஒருவர் மீது மோதி அவரைக் கொன்றுவிட்டதை அடுத்து அந்த வாகனத்தை ஓட்டி வந்தவர் கைதானார். இந்த விபத்து அப்பர் தாம்சன் ரோட்டில் நேற்றுக் காலை 6.30 மணிக்கு நிகழ்ந்ததாக போலிஸ் தெரிவித்தது. மாண்ட ஆடவருக்கு வயது 61. போலிஸ் விசாரணை நடக்கிறது. விபத்து நிகழ்ந்த இடத்திலேயே அந்த ஆடவர் மாண்டுவிட்டதாக மருத்துவ அதிகாரிகள் அறிவித்தனர். படம்: ஃபேஸ்புக்/லாரன்ஸ் லோ

வெஸ்ட் கோஸ்ட் நெடுஞ்சாலை யில் 2016 அக்டோபர் 27ஆம் தேதி நிகழ்ந்த ஒரு விபத்தில் சைக்கிளோட்டிகள் இரண்டு பேர் கொல்லப்பட்டார்கள். அந்தச் சம்பவம் தொடர்பில் கனரக வாகன ஓட்டுநராக பணியாற்றிய சகாதேவன் செங் குட்டுவன், 36, என்பவருக்கு நேற்று 12 வாரச் சிறைத்தண் டனை விதிக்கப்பட்டது. ஐந்தாண்டு காலத்திற்கு அனைத்து வகை வாகனங்களை யும் ஓட்டக்கூடாது என்று அவ ருக்குத் தடை விதிக்கப்பட்டது. சகாதேவன், சம்பவம் நிகழ்ந்த நாளில் காலை சுமார் 7.20 மணிக்கு வேலையைத் தொடங்கி ஏறக்குறைய 17 மணி நேரம் தொடர்ந்து வாகனத்தை ஓட்டிய நிலையில் பணியாற்றிக் கொண்டிருந்தார்.

தன் மனைவியைக் கொல்ல திட்டமிட்டு கடைசியில் மரண தண்டனை விதிக்கப்பட்ட ஆண் டனி லெர் என்பவரின் உடந்தை யாளராக இருந்த பதின்ம வயதுப் பையன் 17 ஆண்டுகாலம் சிறைத்தண்டனையை அனுப வித்துவிட்டு கடைசியாக வெளியே வந்து இருக்கிறார். அந்த ஆடவருக்கு இப்போது வயது 32. அவர் நவம்பர் மாதம் 2ஆம் தேதி பல நிபந்தனைகளின் பேரில் விடுவிக்கப்பட்டார். பல ஆண்டு காலம் சிறைத் தண்டனையை அனுபவித்து விட்ட அந்த ஆடவர் மீது கருணை காட்டும்படி அதிபரிடம் கருணை மனு தாக்கல் செய்யப் பட்டது. அதனை அதிபர் ஹலிமா யாக்கோப் ஏற்றுக்கொண்டார். அந்த ஆடவரின் பெயரை வெளியிடக்கூடாது என்பது சட் டம்.

தொழிலாளர் சந்தை இந்த ஆண் டின் மூன்றாவது காலாண்டில் தொடர்ந்து மேம்பட்டது. இருந் தாலும் உலகப் பொருளியல் சூழ் நிலை நிச்சயமில்லாமல் இருப்பதால் வேலைகளில் ஆட்சேர்ப்பு நடை முறை மெதுவடையக்கூடும் என் பது பல அறிகுறிகள் மூலம் தெரிய வந்திருக்கிறது. மனிதவள அமைச்சு நேற்று வெளியிட்ட அதிகாரபூர்வ புள்ளி விவரங்கள், கடந்த அக்டோபரில் வெளியிடப்பட்ட பூர்வாங்க மதிப் பீடுகளில் இடம்பெற்ற போக்கு களை உறுதிபடுத்துபவையாக இருக்கின்றன.