மாணவர் முரசு
இ-பேப்பர்
வாஷிங்டன்: அமெரிக்காவில் பணிபுரிவதற்கான ஹெச்-1பி விசாவுக்கு புதிதாக அறிமுகப்படுத்தப்பட்டுள்ள $100,000 (ரூ.88 லட்சம்) கட்டணத்திலிருந்து மருத்துவர்களுக்கு விலக்கு அளிக்கப்படலாம் என்று வெள்ளை மாளிகையின் செய்தித் தொடர்பாளர் டெய்லர் ரோஜர்ஸ், ப்ளூம்பெர்க் செய்திக்கு அளித்த அறிக்கையில் கூறியுள்ளார்.
“விசா கட்டண உயர்வில் சில விலக்குகள் அளிக்கப்படவுள்ளன. அதில், மருத்துவர்களும் மருத்துவப் பணியாளர்களும் அடங்குவார்கள்,” என்றார் அவர்.
ஹெச்-1பி விசா கட்டண உயர்வு அமெரிக்காவின் மருத்துவத்துறையைக் கடுமையாகப் பாதிக்கும் என்ற கருத்து எழுந்த நிலையில், இந்த முடிவு எடுக்கப்பட்டிருப்பதாகக் கூறப் படுகிறது. எனினும், இதுகுறித்த அதிகாரபூர்வ அறிவிப்புகள் இன்னும் வெளியிடப்படவில்லை.
அமெரிக்காவின் ஹெச்-1பி விசா கட்டணத்தை உயர்த்தும் உத்தரவில் அமெரிக்க அதிபர் டிரம்ப் கடந்த வெள்ளிக்கிழமை கையொப்பமிட்டார். ஏற்கெனவே ஹெச்-1பி விசா வைத்திருப்போர் அல்லது புதுப்பிப்பவர்களுக்கு இந்தக் கட்டண உயர்வு பொருந்தாது எனக்கூறப்பட்டது.
