மாணவர் முரசு
இ-பேப்பர்
புதுடெல்லி: மக்களவைத் தேர்தல், முதல் கட்ட தேர்தலில் போட்டியிடும் 1,625 வேட்பாளர்களில் 8 விழுக்காட்டினரே பெண்கள். 6 மாநிலங்களில் பெண் வேட்பாளர்களே இல்லை என்று தேர்தல் ஆணையம் வெளியிட்ட தரவுகள் சுட்டுகின்றன.
18-வது மக்களவை தேர்தலுக்கான வாக்குப்பதிவு ஏப்ரல் 19ஆம் தேதி தொடங்கி, 7 கட்டங்களாக நடைபெறவுள்ளன. முதல் கட்டத்தில் தமிழகம் உள்பட 21 மாநிலங்களின் 102 தொகுதிகளிலும் வரும் 19ஆம் தேதி வாக்குப்பதிவு நடைபெறவுள்ளன.
அதிகபட்சமாக தமிழகத்தில் போட்டியிடும் 950 வேட்பாளர்களில் 76 பேர் பெண்கள்.
மணிப்பூர், நாகலாந்து, லட்சத்தீவுகள், சத்தீஸ்கர், திரிபுரா மற்றும் ஜம்மு - காஷ்மீர் ஆகிய 6 மாநிலங்கள்/யூனியன் பிரதேசங்களில் பெண் வேட்பாளர்களே போட்டியிடவில்லை.
கடந்த 2019 மக்களவைத் தேர்தலில் போட்டியிட்ட 8,054 வேட்பாளர்களில் 726 பெண்கள் (9%). இவர்களில் 78 பேர் மக்களவைக்கு தேர்வான நிலையில், 575 பேர் டெபாசிட்டை இழந்தனர். பிற கட்சிகளுக்கு முன்னுதாரணமாக திரிணமூல் காங்கிரஸ் 41% பெண்களுக்கு வாய்ப்பு அளித்திருந்தது.
