போக்குவரத்து அபராதத் தொகையை மின்கட்டணம் மூலம் வசூலிக்க தெலுங்கானா யோசனை

ஹைத​ரா​பாத்: தெலுங்கானா மாநிலத்தில் போக்குவரத்து விதிகளை மீறிய வாகன ஓட்டுநர்களுக்கு விதிக்கப்பட்ட அபராதத் தொகையில் கிட்டத்தட்ட ரூ.926 கோடி இன்னும் செலுத்தப்படவில்லை.

அதிகமான அபராதத் தொகையைக் கட்டாமல் வாகன ஓட்டுநர்கள் இழுத்தடிப்பதால், அதனை மின்சாரக் கட்டணத்துடன் வசூலிக்க மாநில அரசு யோசித்து வருகிறது.

அதிவேகம், போக்குவரத்து விளக்கில் நிற்​காமல் செல்​வது, தலைக்கவசம் அணியாமல் இருசக்கர வாக​னம் ஓட்​டு​வது, இருக்கை வார் அணியாமல் வாகனம் ஓட்டுவது, தவறான பாதையில் வாகனத்தை ஓட்டுவது, வாக​னம் ஓட்​டும்​போது கைப்பேசியில் பேசிய​வாறு செல்​வது போன்றவை விதிமீறல்கள் ஆகும்.

அதுபோன்ற விதிமீறல்களுக்காக தெலுங்கானாவில் வாகன ஓட்டுநர்களுக்கு ரூ.1,332.42 கோடி அபராதம் விதிக்கப்பட்டது.

ஆனால், இது​வரை அதில் 25 விழுக்காட்டினர் மட்​டுமே அபராதத் தொகையைச் செலுத்தியுள்​ளனர். எஞ்சிய ரூ.925.77 கோடி பாக்கி உள்​ளது.

இதனை எவ்​வாறு சம்​பந்​தப்​பட்​ட​வர்​களின் மின்​சாரக் கட்டணப் பட்டியலில் சேர்ப்​பது என்​பது குறித்து தெலுங்​கானா போக்​கு​வரத்துத் துறை ஆலோ​சித்து வரு​கிறது.

போக்குவரத்து விதிமீறல் அபராதத்தைச் செலுத்தாதவர்களிடமிருந்து மின்சாரக் கட்டணம் மூலம் அதனை வசூலிக்கலாம் என இந்திய உச்ச நீதிமன்றம் அண்மையில் கருத்துத் தெரிவித்திருந்தது.

அடிக்​கடி விதி​மீறலில் ஈடு​படு​பவர்​களின் ஓட்​டுநர் உரிமத்தை ரத்து செய்யலாம் எனவும் உச்ச நீதி​மன்​றம் ஓர் ஆலோசனையை மாநில அரசுகளுக்கு வழங்​கியது.