உப்பு, கல்லுப்பு, இமாலயக் கடலுப்பு: அதிக வேறுபாடு இல்லை

அள­வுக்கு அதி­க­மான உப்பு, உயர் ரத்த அழுத்­தம், இதய நோய், வாதம் போன்ற நோய்­களுக்கு இட்­டுச்­செல்­லும். அத­னால் பல வாடிக்­கை­யா­ளர்­கள் உப்­புக்கு மாற்றுவழி­களை நாடி வரு­கின்­ற­னர்.

அவற்­றில் கட­லுப்பு, இமா­லயக் கட­லுப்பு போன்­றவை அடங்­கும். தற்­போது பல கடை­களில் கிடைக்­கும் சாதா­ரண உப்­பை­விட இவை நலமிக்கவை என்­றும் பலர் நம்­பு­கின்­ற­னர். குறிப்­பாக இளஞ் ­சி­வப்பு நிறத்­தில் உள்ள இம­லா­யக் கட­லுப்­பில் உட­லைக் குணப்­ப­டுத்­தும் அம்­சங்­கள் இருப்­ப­தாகக் கூறப்படுகிறது.

ஆனால் சாதா­ரண உப்­புக்­கும் இமா­ல­யக் கட­லுப்­புக்­கும் அதிக வேறுபாடு இல்லை என்ற அமெ­ரிக்­கா­வின் புகழ்­பெற்ற மேயோ கிளி­னிக்­கில் பணி­யாற்­றும் இத­ய­நோய் சிகிச்சை நிபுணர் ரெஜிஸ் ஃபெர்னாண்­டஸ், கடலுப்பு, கல்­லுப்பு, இமா­ல­யக் கட­லுப்பு எல்­லாமே உப்­பு­தான் என்­று வலியுறுத்தினார்.

தின­மும் ஒரு தேக்­க­ரண்டி உப்பை மட்­டுமே உட்­கொள்­ளும்­படி உலக சுகா­தார நிறு­வ­னம் பரிந்­து­ரைக்­கிறது. இது சுமார் 2,000 மில்­லி­கி­ராம் அளவு உப்பு மட்­டுமே. ஆனால் ஒரு தேக்­க­ரண்டி கடல் உப்பு, இமா­ல­யக் கடல் உப்பு, கல்­லுப்பு ஆகி­ய­வற்­றில் சுமார் 2,200 முதல் 2,300 மில்­லி­கி­ராம் உப்பு இருப்­ப­தா­கக் கூறப்­பட்­டுள்­ளது.

தாதுப் பொருள்­கள் இருப்­ப­தால் இமா­லயக் கட­லுப்­பு இளஞ்சிவப்பு நிறத்தில் உள்ளது. அதனால் அது சாதாரண உப்பைவிட நலமிக்கது என்றாகிவிடாது என்றார் டாக்டர் ஃபெர்னாண்டஸ். உணவில் உப்பைக் குறைத்துக்கொள்வதே நலம் காக்க சிறந்த வழி என்று அவர் கூறினார்.