சிங்கப்பூரின் தொலைத்தொடர்பு நிறுவனமான சிங்டெல் ஜூன் 30ஆம் தேதி முடிவடைந்த முதலாம் காலாண்டுக்கான அதன் நிகர லாபம் 23.1 விழுக்காடு குறைந்து $483 மில்லியனாக இருந்ததாய்க் கூறியது. ஓராண்டுக்கு முன்னர் அதே காலகட்டத்தில் அது $628 மில்லியனாக இருந்ததாக அது தெரிவித்தது.
பாரதி ஏர்டெல் நிறுவனத்திற்கு $88 மில்லியன் நிகர அசாதாரண இழப்பு ஏற்பட்டதால் சிங்டெலின் நிகர லாபம் குறைந்தது. அதில் சிங்டெலின் பங்கு $62 மில்லியன் என்று தெரிவிக்கப்பட்டது.
ஏர்டெலின் வெளிநாட்டு நாணயப் பத்திரங்களிலிருந்து $52 மில்லியன் இழப்பும் பதிவானது. அதன் காரணமாக ஏர்டெல் நிறுவனத்தின் இழப்பில், சிங்டெலின் மொத்த பங்குகள் $114 மில்லியனாக உள்ளது.
செயல்பாட்டு வருவாய் ஆண்டு அடிப்படையில் 2.7 விழுக்காடு குறைந்து, $3.5 பில்லியனாக இருந்தது. முன்னதாக, அது $3.6 பில்லியனாக இருந்ததாகத் தெரிவிக்கப்பட்டது.