பெட்ரோல், டீசல் விலை குறைந்தது

பொருள் சேவை வரி அண்­மை­யில் உயர்வதற்கு ­முன்­னர் இருந்த அள­வுக்கு பெட்­ரோல், டீசல் ஆகி­ய­வற்­றின் விலை­ குறைந்­துள்­ளது. உலக அள­வில் எண்­ணெய் விலை­ உயர்ந்­து­வந்­த­போ­தும் விலைக் குறைவு ஏற்பட்­டுள்­ளது.

எண்­ணெய் விலைக்கு அள­வு ­கோ­லான பிரென்ட் கச்சா எண்­ணெய், ஒரு பீப்­பாய்க்கு 86.56 அமெ­ரிக்க டால­ருக்கு விற்­கப்­பட்­டுள்­ளது.

இது 2022 நவம்­ப­ருக்­குப் பின்­னர் அதன் ஆகக் கூடிய விலை­யா­கும். சீனா பெரும்­பா­லான கொவிட்-19 கட்­டுப்­பா­டு­களை நீக்­கி­யுள்­ள­தால், அங்கு பெட்­ரோல், டீச­லுக்­கான தேவை அதி­க­ரிக்­கும். அத­னால் இவ்­வாண்டு எண்­ணெய் விலை உயர்ந்தே இருக்­கும் என்று எதிர்­பார்க்­கப் ­ப­டு­கிறது.

அதே வேளை­யில், சீனா கச்சா எண்­ணெய்யை கூடு­த­லாக இறக்­கு­மதி செய்­து­ வ­ரு­வ­தால் சிங்­கப்­பூ­ரில் எண்­ணெய், டீசல் ஆகி­ய­வற்­றின் ஒட்­டு­மொத்த விலை குறை­யும் என்று கரு­தப்­ப­டு­கிறது.

கால்­டெக்ஸ், ஷெல், எஸ்­பிசி ஆகிய நிறு­வ­னங்­கள் சீனப் புத்­தாண்­டுக்கு முன்­னர் எண்­ணெய் விலையை லிட்­ட­ருக்கு மூன்று காசி­லி­ருந்து ஐந்து காசு வரை குறைத்­தன. கேஸ் எனப்­படும் சிங்­கப்­பூர் வாடிக்­கை­யா­ளர் சங்­கத்­தின் ஃபியுல் காக்கி எண்­ணெய் விலை கண்­கா­ணிப்­புத் தளம் அதைத் தெரி­வித்­தது.

சினோ­பெக் நிறு­வ­னத்­தில் டீசல் விலை லிட்­ட­ருக்கு $2.63. கால்­டெக்ஸ், எஸ்ஸோ, எஸ்­பிசி ஆகி­யவை 92-ரக பெட்­ரோலை லிட்­ட­ருக்கு $2.65ஆக விற்று வரு­கின்­றன. எஸ்­பி­சி­யி­லும் வேறு சில நிறு­வ­னங்­க­ளி­லும் 95-ரக பெட்­ரோல் விலை லிட்­ட­ருக்கு $2.69 ஆக உள்­ளது.