மெக்டோனல்ட்ஸ் இணையச் சேவை தடை

மெக்டோனல்ட்ஸ் கைப்பேசி செயலியில் உணவை வாங்குவதற்கான சேவை வியாழக்கிழமை தடைபட்டது. ஆஸ்திரேலியா, ஹாங்காங், ஜப்பான் உட்பட ஆசிய பசிபிக் வட்டாரத்தின் பல நாடுகளிலும் இதே நாள் சேவைத் தடை ஏற்பட்டதாகத் தகவல்கள் தெரிவிக்கின்றன.

மெக்டோனல்ட்ஸ் செயலியில் மாலை 4.30 மணிக்கு வெளியான செய்தியில், செயலி வழியாக உணவு வாங்குவதற்கான சேவை தடைபட்டதாகத் தெரிவிக்கப்பட்டது.

மெக்டோனல்ட்ஸ் இணையப் பக்கம் பராமரிப்புக்காக இயங்கவில்லை என்று குறிப்பிடப்பட்டது.

சிங்கப்பூரில் உள்ள மெக்டோனல்ட்ஸ் கிளைகளில் இருக்கும் சில மின்னணுவியல் கூடங்களும் சேவைத் தடையால் பாதிக்கப்பட்டுள்ளதாக தெரிகிறது.

ஆஸ்திரேலியா, ஹாங்காங், ஜப்பான் ஆகிய நாடுகளில் உள்ள மெக்டோனல்ட்ஸ் கிளைகளிலும் கணினிக் கட்டமைப்பில் வியாழக்கிழமை கோளாறு ஏற்பட்டதாகவும் தெரிவிக்கப்பட்டது.