மாணவர் முரசு
இ-பேப்பர்
சென்னை: நகராட்சி நிர்வாகத்துறை, குடிநீர் வாரியத்தின் பணி நியமனத்தில் பெரும் ஊழல் நடந்துள்ளதாகத் தகவல் வெளியாகி உள்ளது. இதையடுத்து அத்துறையின் அமைச்சர் கே.என்.நேருவுக்கு கடும் நெருக்கடி ஏற்பட்டுள்ளது.
ஒரேயொரு பத்து ரூபாய் நோட்டை வைத்து இந்தப் பெரும் ஊழல் அரங்கேறி உள்ளதாக அமலாக்கத்துறை வட்டாரங்கள் தெரிவித்தன.
தனது துறையில் உள்ள 2,538 காலிப் பணியிடங்களை நிரப்ப அமைச்சர் நேரு உத்தரவிட்டிருந்தார். அதன் பேரில், இளநிலை பொறியாளர்கள், உதவிப் பொறியாளர்கள், நகரமைப்புத் திட்டமிடல் அதிகாரிகள் ஆகியோர் தேர்வு செய்யப்பட்டனர்.
இவர்களில் பலருக்கு அமைச்சரின் சகோதரர்கள் ரவிச்சந்திரன், மணிவண்ணன், இவர்களின் உதவியாளர்கள் ரமேஷ், செல்வமணி, கவி பிரசாத் ஆகியோர் பணம் பெற்றுக்கொண்டு பணி நியமன ஆணையை வழங்கியதாகவும் பதவிக்கு ஏற்ப 25 முதல் 35 லட்சம் ரூபாய் வரை லஞ்சத்தொகை வசூலிக்கப்பட்டதாகவும் கூறப்படுகிறது.
இதுதொடர்பாக, நேருவின் தம்பி ரவிச்சந்திரன், அவரது உறவினர்கள் வீடுகளில் சோதனை நடத்தப்பட்டு முக்கியமான ஆவணங்கள் பறிமுதல் செய்யப்பட்டுள்ளன.
தமிழகக் காவல்துறை தலைமை இயக்குநருக்கும் அமலாக்கத்துறை கடிதம் அனுப்பியுள்ளது.
பணி நியமனம் தொடர்பாக, ஏராளமானோர் இவர்களைத்தான் அணுகி உள்ளனர். எங்களிடம் சிக்கிய ஆவணங்களில், 150 விண்ணப்பதாரர்களும் ரவிச்சந்திரன், மணிவண்ணன் உள்ளிட்டோர் வாயிலாக முறைகேடாகப் பணி நியமனம் பெற்றிருப்பது தெரியவந்துள்ளது.
ரவிச்சந்திரன் வீட்டில் பறிமுதல் செய்யப்பட்ட பட்டியல் ஒன்றில், விண்ணப்பதாரர்கள் பற்றிய குறிப்புகள் இருந்தன. அவர்களிடம் இருந்து பணம் வசூலிக்கப்பட்டது என்பதை அடையாளப்படுத்தும் விதமாக, சில குறியீடுகளும் எழுதி இருந்தன.
தொடர்புடைய செய்திகள்
பணி நியமன ஆணை அதிகாரபூர்வமாக வெளியிடப்படும் முன்பே, லஞ்சம் கொடுத்த விண்ணப்பதாரர்களுக்கு ‘வாட்ஸ்அப்’ மூலம் அனுப்பப்பட்டுள்ளதாகவும் அதிகாரிகள் கூறிய ஊடகச் செய்தியில் குறிப்பிடப்பட்டுள்ளது.
அமைச்சர் நேருவின் சகோதரர்கள், அவர்களின் உதவியாளர்கள் தங்களை அணுகிய விண்ணப்பதாரர்களிடம் முன்கூட்டியே, 10 ரூபாய் நோட்டில் உள்ள எண்களைத் தெரிவித்துள்ளனர்.
“அந்த எண்கள் கொண்ட 10 ரூபாய் நோட்டின் படம் ‘வாட்ஸ்அப்’ செயலியில் இருக்கும். அதைக் காண்பித்தால் எண்களைச் சரிபார்த்து, விண்ணப்பதாரரிடம் கொடுக்கப்படும் வங்கிக்கணக்கிற்கு லஞ்சத் தொகையை அனுப்பி வைக்க வேண்டும் என்பதுதான் ஏற்பாடு.
“மொத்த ஊழலும், அந்த 10 ரூபாய் நோட்டை மையமாக வைத்தே நடந்துள்ளது,” என்று அமலாக்கத்துறை அதிகாரிகள் கூறியதாக அந்த ஊடகச் செய்தியில் மேலும் குறிப்பிடப்பட்டுள்ளது.