மாணவர் முரசு
இ-பேப்பர்
சென்னை: போதையின் பாதையில் செல்லவேண்டாம் என காணொளி வெளியிட்டு தமிழக மக்கள், இளைஞர்களுக்கு முதலமைச்சர் மு.க.ஸ்டாலின் உருக்கமாக வேண்டுகோள் விடுத்துள்ளார்.
தமிழ்நாடு அரசு போதை ஒழிப்பு நடவடிக்கையில் தீவிரமாக ஈடுபட்டு வருகிறது. அதற்காக காவல்துறையினரும் தீவிர நடவடிக்கைகளை எடுத்து வருகின்றனர்.
இந்நிலையில் போதை இல்லாத தமிழ்நாட்டை உருவாக்கவேண்டும் என தமிழக மக்களுக்கு மு.க.ஸ்டாலின் அறிவுறுத்தியுள்ளார்.
இதுதொடர்பாக அவர் வெளியிட்டுள்ள காணொளியில், “தமிழ்நாட்டில் இளைஞர், மாணவ சமுதாயத்திற்கு உங்கள் குடும்பத்தைச் சேர்ந்த ஒருவனாக, உங்கள் தந்தையாக ஓர் வேண்டுகோள். போதையின் பாதையில் யாரும் போகக்கூடாது என்று மன்றாடி கேட்டுக் கொள்கிறேன். போதை ஒழியட்டும். பாதை ஒளிரட்டும்,” என்று அவர் பேசியுள்ளார்.
தமிழக அரசு வெளியிட்டுள்ள இந்தக் காணொளியில் நடிகரும் இசையமைப்பாளருமான விஜய் ஆண்டனியும் போதைக்கு எதிராக தனது கருத்தைப் பகிர்ந்துள்ளார்.
அதில், “போதை என்பது ஒரு கொடிய விலங்கு. அண்மைக்காலமாக தமிழ்நாடு அரசு அதை ஒழிக்க பெரும்பாடுபட்டு வருகிறது. தமிழ்நாடு அரசுக்கு நாமும் துணை நிற்க வேண்டும்,” என்று விஜய் ஆண்டனி பேசியுள்ளார்.
