ரகசிய ஆவணங்கள் கசிவு: அமெரிக்கர்மீது சந்தேகம்

11 Apr 2023 - 5:30 am

2 mins read

ரகசிய ராணுவ, உளவு ஆவணங்கள் இணையத்தில் கசிந்ததைத் தொடர்ந்து, அது எப்படிக் கசிந்தது என்பதைக் கண்டறிய அமெரிக்க அதிகாரிகள் தடுமாறி வருகின்றனர்.

அமெரிக்காவைச் சேர்ந்த ஒருவரால்தான் அந்த ஆவணங்கள் கசிந்திருக்கக்கூடும் என சில பாதுகாப்பு நிபுணர்களும் அமெரிக்க அதிகாரிகளும் சந்தேகிக்கின்றனர்.

உக்ரேனில் நிலவிவரும் போர், சீனா, மத்திய கிழக்கு, ஆப்பிரிக்கா போன்று ஆவணங்களில் குறிப்பிடப்பட்ட தலைப்புகளைப் பார்க்கும்போது, அமெரிக்கர் ஒருவரே அவற்றை இணையத்தில் வெளியிட்டிருக்கக்கூடும் என்று தெரிவதாக அதிகாரிகள் கூறுகின்றனர்.

இணையத்தில் கசிந்த உளவு ஆவணங்கள், அமெரிக்க தேசியப் பாதுகாப்பிலும் அதன் நட்பு நாடுகள் மீதும் ஏற்படுத்தக்கூடிய தாக்கத்தை அமைப்புகள்நிலைப் பணிக்குழு மதிப்பிட்டு வருவதாக அமெரிக்கத் தற்காப்பு அமைச்சு நேற்று முன்தினம் கூறியது.

விசாரணை தொடக்கநிலையில் இருப்பதாகவும் தகவல் கசிவுக்குப் பின்னால் ரஷ்யாவுக்கு ஆதரவான அம்சங்கள் இருப்பதை விசாரணைக்குழு மறுக்கவில்லை என்றும் அமெரிக்க அதிகாரிகள் கூறினர்.

2013ல் 'விக்கிலீக்ஸ்' இணையப் பக்கத்தில் 700,000க்கும் அதிகமான ஆவணங்கள், காணொளிகள் கசிந்ததைத் தொடர்ந்து, ஆகக் கடுமையான பாதுகாப்பு அத்துமீறல்களில் ஒன்றாக இது கருதப்படுகிறது.

அந்த ஆவணங்கள் திரித்து வெளியிடப்பட்டிருக்கலாம் என்பதற்கான சாத்தியத்தையும் அமெரிக்க அதிகாரிகள் மறுக்கவில்லை.

'பிப்ரவரி 23' என தேதியிடப்பட்டு, 'ரகசியம்' எனக் குறிக்கப்பட்ட ஓர் ஆவணம், தற்போது பயன்பாட்டு விகிதத்தில் உக்ரேனின் எஸ்-300 ரக ஆகாயத் தற்காப்பு முறை மே 2ஆம் தேதிக்குள் எப்படி தீர்ந்துவிடும் என்பதை விவரமாகப் பட்டியலிட்டது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

அண்மையில், டெல்லியில் எதிர்க்கட்சிகள் நடத்திய உச்ச நீதிமன்றத்தை நோக்கிய பேரணி, அதிபர் திரௌபதி முர்முவைச் சந்தித்து மனு அளித்த போராட்டங்களை ஆகியவற்றைத் தொடர்ந்து, இந்தப் பேரணி முக்கியத்துவம் பெறுகிறது.

டெல்லி பேரணி: மாணவர், சமூக அமைப்புகளுக்கு இண்டியா கூட்டணி அழைப்பு

19 Oct 2026 - 6:14 PM

தற்போது இந்தியாவின் மொத்த எண்ணெய் இறக்குமதியில் ரஷ்யாவின் பங்கு சுமார் 35 விழுக்காடாக உள்ளது.

இந்தியாவுக்கான வரி விலக்கு: அமெரிக்கா விளக்கம்

19 Oct 2026 - 4:45 PM

ஸ்ரீ மாரியம்மன் கோயில் தொண்டூழியர் ஜதீஸ்வரன் நாயுடு, 32.

இளையரின் தளரா இறைத் தொண்டு

19 Oct 2026 - 11:19 AM

கிளமென்டியில் காலை 7.30 மணி வாக்கில் தென்பட்ட புகைமூட்டம்.

சிங்கப்பூரில் சற்று மேம்பட்டது காற்றின் தரம்

19 Oct 2026 - 12:16 PM

ரகசியமாக காக்கப்பட வேண்டிய இத்தகைய தகவல், ரஷ்யப் படைக்குப் பயன்தரும் வகையில் இருக்கக்கூடும். கசிவுகளைத் தவிர்ப்பதற்கான வழிகளை ஆராய்வதன் பொருட்டு, உக்ரேனிய அதிபரும் உயர் பாதுகாப்பு அதிகாரிகளும் கடந்த வெள்ளிக்கிழமை சந்திப்பு நடத்தியதாக உக்ரேன் தெரிவித்தது.

இணையத்தில் கசிந்த மற்றோர் ஆவணம், உக்ரேனுக்கு ஆயுதங்கள் வழங்க உதவியதாக தென்கொரியாவுக்கு அமெரிக்கா கொடுத்து வந்த அழுத்தம் பற்றி மூத்த தென்கொரிய அதிகாரிகளுக்கு இடையே நடந்த உரையாடல்கள் குறித்த விவரங்களை வெளியிட்டது.

இணையத்தில் கசிந்த ஆவணங்கள் குறித்த செய்திகளைப் பற்றி தென்கொரியா அறிந்துள்ளதாகக் குறிப்பிட்ட அதிபர் மாளிகைப் பேச்சாளர், இந்த விவகாரம் குறித்து அமெரிக்காவுடன் தென்கொரியா கலந்தாலோசிக்க இருப்பதாகச் சொன்னார்.

இந்நிலையில், உளவு ஆவணங்கள் எவ்வாறு பரவலாக பகிரப்படுகின்றன என்பதன் தொடர்பில் ராணுவ, உளவு அமைப்புகள் ஆராய்ந்து வருவதாக இரு அதிகாரிகள் தெரிவித்தனர்.

ரகசியத் தகவல்களை வெளியிடுவதில் அமெரிக்க அதிகாரி அல்லது அதிகாரிகளுக்கு என்ன உள்நோக்கம் இருந்திருக்கக்கூடும் என்பது பற்றியும் அதிகாரிகள் விசாரித்து வருகின்றனர்.

இச்செய்தியைப் பகிரவும்