பரிசுத் தொகையை வெல்லாத ‘லாட்டரி’ எண்களைத் தந்ததற்காக புத்த பிக்கை அடித்த ஆடவர்

தமக்கு பரிசுப் பணத்தை வென்று தராத ‘லாட்டரி’ எண்களைக் கொடுத்ததற்காக புத்த பிக்கு ஒருவரை ஆடவர் அடித்த சம்பவம் தாய்லாந்தில் நிகழ்ந்தது.

அதைக் காட்டும் காணொளி ஃபேஸ்புக்கில் பதிவேற்றம் செய்யப்பட்டதைத் தொடர்ந்து பரவலானது.

அந்த ஆடவர் தாக்கியதால் தடுமாறிய பிக்கு, தம்மைத் தற்காத்துக்கொள்ள முயன்றார். ஆனால், அவரை நெருங்கிய அந்த ஆடவர் தொடர்ந்து அடித்தார்.

அந்த ஆடவரைத் தடுத்து நிறுத்த மாது ஒருவர் தலையிடுவது காணொளியில் தெரிந்தது. ஆனால், அந்த மாதால் அந்த ஆடவரை தடுத்து நிறுத்த முடியவில்லை.

அந்தச் சண்டையில் தெளிவான முடிவு இல்லாமல் காணொளி நிறைவுபெற்றது.

அச்சம்பவம் எப்போது நிகழ்ந்தது என்பது பற்றித் தெரியவில்லை.

புத்த பிக்கு வழங்கிய எண்களைக் கொண்டு அந்த ஆடவர் ஒவ்வொரு வாரமும் லாட்டரி சீட்டு வாங்கியதாகத் தெரிகிறது.

தாம் கொடுத்த எண்கள் நிச்சயமாக லாட்டரியில் பரிசு வெல்ல உதவும் என்று அந்தப் பிக்கு அந்த ஆடவரிடம் சொன்னதாகக் கூறப்படுகிறது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

உலகின் சிறந்த விமான நிறுவனம் விருதை வென்ற எஸ்ஐஏ

22 Oct 2026 - 9:00 PM

‘தஞ்சாவூர் மண்ணு எடுத்து’ பாடலைப் பாடிய கிருஷ்ணராஜ் காலமானார்

22 Oct 2026 - 5:34 PM

ஊழலற்ற நாடுகள் தரவரிசையில் சிங்கப்பூர் இரண்டாவது இடம்

21 Oct 2026 - 10:03 PM

அந்தப் பிக்கு சொன்னதை நம்பிய அந்த ஆடவர், கடன்முதலைகளிடம் இருந்து கடன் பெற்று லாட்டரி சீட்டுகளை வாங்கியதாகத் தெரிகிறது.

ஆனால், கடைசிவரை வெல்லாத அந்த ஆடவர், கடன்சுமையில் சிக்கினார். விரக்தி அடைந்ததால் பிக்கை அவர் தாக்கினார்.