‘கஜினி’ படம் ஏற்படுத்திய தாக்கம்: சுனைனா

‘கஜினி’ திரைப்படம் தமக்குள் பெரிய தாக்கத்தை ஏற்படுடுத்தியதாகச் சொல்கிறார் நடிகை சுனைனா.

‘காதலில் விழுந்தேன்’, ‘மாசிலாமணி’, ‘சமர்’, ‘நீர்ப்பறவை’ உள்ளிட்ட பல படங்களில் நடித்துள்ள இவர், அண்மையில் ‘கஜினி’ படம் குறித்து இன்ஸ்டகிராமில் பதிவிட்டுள்ளார்.

அதில், தமிழ்த் திரையுலகில் அறிமுகமான புதிதில் மொழி தெரியாமலேயே ‘கஜினி’ படத்தைப் பார்த்ததாகவும் அந்தப் படம் தமக்குள் பெரும் தாக்கத்தை ஏற்படுத்தியதாகவும் குறிப்பிட்டுள்ளார்.

“ஒரு கதையின் தாக்கத்தை உணர மொழி தெரிந்திருக்கத் தேவையில்லை. அதுதான் சினிமாவின் சக்தி.

“அந்த வகையில் ‘கஜினி’ திரைப்படம் என் மனதில் தனி இடத்தைப் பிடிக்க பல காரணங்கள் உள்ளன. தமிழ் சினிமாவின் அழகை இந்தப் படம் எனக்கு அறிமுகப்படுத்தியது,” என்று கூறியுள்ளார் சுனைனா.

அண்மையில் ‘எக்ஸ்’ தளத்தில் ‘கஜினி’ படத்தின் புகைப்படம் ஒன்றைப் பார்க்க நேரிட்டதாம். அதுதான் தமது இந்தப் பதிவுக்குக் காரணம் எனவும் குறிப்பிட்டுள்ளார் சுனைனா.