மாணவர் முரசு
இ-பேப்பர்
சூப்பர் ஸ்டார் ரஜினிகாந்த் நடிப்பில், நெல்சன் திலீப்குமார் இயக்கும் ‘ஜெயிலர் 2’ திரைப்படத்தின் அதிகாரபூர்வ வெளியீட்டுத் தேதியை தயாரிப்பு நிறுவனமான சன் பிக்சர்ஸ் வெளியிட்டுள்ளது.
அதன்படி, இத்திரைப்படம் வரும் அக்டோபர் 15ஆம் தேதி உலகம் முழுவதும் திரையரங்குகளில் வெளியாகவுள்ளது.
கடந்த 2023ல் வெளியாகி ரூ.600 கோடிக்கும் மேல் வசூலித்த ‘ஜெயிலர்’ படத்தின் மாபெரும் வெற்றியைத் தொடர்ந்து, இதன் இரண்டாம் பாகம் உருவாகி வருகிறது.
முத்துவேல் பாண்டியன் கதாபாத்திரத்தின் அடுத்தகட்ட சவால்களை மையமாகக் கொண்ட இக்கதையின் இறுதிக்கட்ட படப்பிடிப்பும் தயாரிப்புப் பணிகளும் விறுவிறுப்பாக நடைபெற்று வருகின்றன.
இப்படத்தில் ரம்யா கிருஷ்ணன், யோகி பாபு, மிதுன் சக்கரவர்த்தி, சந்தானம் உள்ளிட்ட பெரும் நட்சத்திர பட்டாளமே இணைந்துள்ளது.
மேலும், முதல் பாகத்தைப் போலவே மோகன்லால், சிவராஜ்குமார், பாலிவுட் நடிகர் ஹிருத்திக் ரோஷன் ஆகியோர் சிறப்புத் தோற்றங்களில் நடித்துள்ளதாகக் கூறப்படுகிறது. அனிருத் இசையமைத்துள்ள இத்திரைப்படத்தின் வெளியீட்டுத் தேதி அறிவிப்பால் ரஜினி ரசிகர்கள் பெரும் உற்சாகத்தில் உள்ளனர்.
