பிரான்ஸ் அதிபரை சந்தித்த ஐஸ்வர்யா

பிரான்ஸ் அதிபரை சந்தித்த ஐஸ்வர்யா நேற்று முன்தினம் டெல்லியில் நடைபெற்ற குடியரசு தின விழாவையொட்டி சிறப்பு விருந்து நிகழ்வுக்கு ஏற்பாடு செய்யப்பட்டிருந்தது. இந்த விருந்தில், பிரான்ஸ் அதிபருடன் கலந்து கொள்வதற்காக பிரெஞ்சு தூதர் பிரான்கோயிஸ் ரிச்சியர், முன்னாள் உலக அழகி ஐஸ்வர்யா ராய்க்கு அழைப்பு விடுத்திருந்தார். அதன்படி அந்த விருந்தில் பங்கேற்ற ஐஸ்வர்யா ராய், பிரான்ஸ் அதிபர் ஹாலண்டேவை சந்தித்து பேசினார். இதேபோல் மேலும் சில பிரபலங்களுக்கும் இந்த விருந்தில் கலந்துகொள்ள அழைப்பு விடுக்கப்பட்டிருந்தது.

பிரான்சில் நடைபெறும் கேன்ஸ் திரைப்பட விழாவில் கடந்த பத்து ஆண்டுகளுக்கும் மேலாக ஐஸ்வர்யா ராய் தொடர்ந்து பங்கேற்று வருகிறார். மேலும், பிரான்ஸ் நாட்டின் இரண்டாவது உயரிய பொதுமக்களுக்கான விருது எனக் கருதப்படும் 'நைட் ஆப் தி ஆர்டர் ஆப் ஆர்ட்ஸ் அண்ட் லெட்டர்ஸ்' என்ற விருதையும் பெற்றுள்ளார். "இந்த விருந்தில் பங்கேற்றது எனக்கு மிகுந்த மகிழ்ச்சியைக் கொடுத்துள்ளது. இது மறக்க முடியாத இனிய அனுபவம். தொடர்ந்து கேன்ஸ் திரைப்பட விழாவில் பங்கேற்பேன்," என இந்த விருந்து நிகழ்வின் போது பிரான்ஸ் தூதரிடம் கூறினாராம் ஐஸ்வர்யா.