மாணவர் முரசு
இ-பேப்பர்
சிம்பு நடிப்பில் வெளிவந்த 'போடா போடி' படத்தின் மூலம் நடிகையாக அறிமுகமான வரலட்சுமி, இயக்குநர் பாலாவின் 'தாரை தப்பட்டை' படத்தின் மூலம் பலரது கவனத்தையும் ஈர்த்தார். தற்போது தமிழ், மலையாள படங்களில் நடித்து வருகிறார். நடிகர் விஷாலும் வரலட்சுமியும் ஒன்றாகப் பொது இடங்களுக் குச் செல்வதைச் சுட்டிக்காட்டி அவர்கள் இருவருக்கும் இடையே காதல் இருப்பதாகவும் விரைவில் இருவரும் திருமணம் செய்துகொள்ளப் போவதாகவும் செய்திகள் வெளியாகின. அண்மைய பேட்டி ஒன்றில்கூட விஷால், "என்னுடைய திருமணம் புதிதாக கட்டவிருக்கும் நடிகர் சங்கக் கட்டடத்தில் நடைபெறும். அதற்காக, திருமண மண்டபத்தை பதிவு செய்து வைத்திருக்கிறேன்," என்று கூறியிருந்தார்.
அதை வைத்துக்கொண்டு விஷாலுக்கும் வரலட்சுமிக்கும் திருமணம் நடக்கப்போவதாக செய்திகள் பரவத் தொடங்கின. இதற்கு இரண்டு பேர் தரப்பிலும் எந்தப் பதிலும் இல்லாமலே இருந்தது. இந்நிலையில், முதன் முறையாக இந்த செய்திக்கு வரலட்சுமி விளக்கம் அளித் துள்ளார். "இப்போதைக்கு யாரையும் நான் திருமணம் செய்துகொள்ளவில்லை. என்னுடைய வேலையை மட்டுமே காதலிக்கிறேன். என்னுடைய திருமண செய்தி பற்றி யாரும் வதந்திகளை பரப்பவேண்டாம்," என்று கேட்டுக் கொண்டுள்ளார். விஷாலைத் திருமணம் செய்துகொள்ளப்போவதாக வெளிவந்த வதந்திகளுக்கு வரலட்சுமி கொடுத்த முற்றுப்புள்ளியாகவே பலரும் இதைக் கருதுகின்றனர்.